آخر صيحات فشل عز العرب

**islam.afifi** · 23-10-2013 09:08 PM

طبعا معاناتنا لسه مستمرة مع عز العرب
و الشكوى لازالت قائمة
لجنتين في حماية المستهلك
لجنتين فحص في كلية هندسة
مكالمة سخيفة من عز العرب قبل العيد بيوم يقولي العربية جاهزة تعالى استلمها " طبعا اخدوا دش تهزيق حلو "
مكالمة النهاردة يقولي فيه مناقشة في كلية هندسة و هنكون هناك بالعربيات "طبعا انت مين عشان تقولي كدا و المفروض حماية المستهلك هو اللي يقولي الكلام ده"

لما تشوف تصرفات عز العرب بالشكل الوضيع ده , يبقى نستمر و نصعد الموضوع و نكون على حق ولا لأ ؟
بيصدروا ال Call Center عشان يهربوا من التهزيق , فعلا ان لم تستح فافعل ما شئت
هو ده اللي عاوز يرفع اسم سيتروين فوق
حسبي الله و نعم الوكيل

**rotanamasoud** · 23-10-2013 10:04 PM

انا مقدر احساسك انت شارى زيرو عشان تستمتع بالعربيه مش تجرى وراها
وسيبك من التوكيل هى فين الشركه الام فين ستروين فرنسا هى دى النقطه الغامضه فى الموضوع
اولا العربيه معملتش اى مشاكل فى الخارج او حتى الدول العربيه والسعوديه اللى جوها احر من مصر مفيش حد بيشتكى
يبقى اللى نزل العربيه مصر مسترخص فى حجات موفر حجات عشان يكسب ممكن تكون دى سبب المشكله الحقيقيه
وطبعا المحرك والكنترولر هو البيجو بس البيجو مطابق للمواصفات او مش موفرين فمحصلش مشاكل فى مصر
اخطر نقطه هل التوفير فى المواصفات على علم بيه الشركه الام ولا بيتم من الباطن
لان الشركات دى لها مستوى من الجوده وبمعايير صارمه واى عربيه فرنساوى مفيهاش مشاكل زى دى
وممكن يكون العيب ان اللى فى التوكيل شويه عمال على قدهم(مش شرط يكون معاهم هندسه عشان يبقو مهندسين) والحل موجود بس عايز حد بيفهم

**islam.afifi** · 23-10-2013 10:51 PM

المشاركة الأصلية كتبت بواسطة rotanamasoud

انا مقدر احساسك انت شارى زيرو عشان تستمتع بالعربيه مش تجرى وراها
وسيبك من التوكيل هى فين الشركه الام فين ستروين فرنسا هى دى النقطه الغامضه فى الموضوع
اولا العربيه معملتش اى مشاكل فى الخارج او حتى الدول العربيه والسعوديه اللى جوها احر من مصر مفيش حد بيشتكى
يبقى اللى نزل العربيه مصر مسترخص فى حجات موفر حجات عشان يكسب ممكن تكون دى سبب المشكله الحقيقيه
وطبعا المحرك والكنترولر هو البيجو بس البيجو مطابق للمواصفات او مش موفرين فمحصلش مشاكل فى مصر
اخطر نقطه هل التوفير فى المواصفات على علم بيه الشركه الام ولا بيتم من الباطن
لان الشركات دى لها مستوى من الجوده وبمعايير صارمه واى عربيه فرنساوى مفيهاش مشاكل زى دى
وممكن يكون العيب ان اللى فى التوكيل شويه عمال على قدهم(مش شرط يكون معاهم هندسه عشان يبقو مهندسين) والحل موجود بس عايز حد بيفهم

كلامك صح و انا معاك في كله
هو توكيل متخلف تماما
و خد عندك , بعتنا شكوى بأرقام شاسيهات 3 عربيات
الرد ايه ؟ هيتم الرد على المشكلة من خلال وكيل سيتروين في مصر
يعني في الاخر الموضوع مع عز العرب
و الموضوع عاوز ناس عندها مخ تحدد المشكلة و تحلها
مش ناس عندها لسان يردد كلام هم نفسهم مش فاهمينه

**lidosasa** · 23-10-2013 11:40 PM

حسبى الله ونعم الوكيل فيهم هو الواحد بيشترى زيرو ويدفع فيه دم قلبه عشان يشترى دماغه ولا عشان يشترى أدوية للمرارة اللى بيفقعها التوكيل بعمايله فينا

**amrelsaqqa** · 24-10-2013 12:54 AM

معلش انا مش فاهم المكالمة ضايقتك في ايه ( بجد مش فاهم فعلا )
وبعدين هو حضرتك ايه اللى مستنيه من التوكيل بالظبط دلوقتى عشان تقول انه كدة توكيل محترم ( وازاى بتعرف ان التوكيل بيماطل او بيضحك عليك ، او انه صلح العربية بجد ؟ )

وايه اخر المستجدات دلوقتى، هل المشكلة بتتحل فعلا بنزول سوفتوير جديد وتعتبر انتهت نهائيا زي ما اتقال ولا كل ده فاكس ؟

**islam.afifi** · 24-10-2013 06:24 AM

المشاركة الأصلية كتبت بواسطة amrelsaqqa

معلش انا مش فاهم المكالمة ضايقتك في ايه ( بجد مش فاهم فعلا )
وبعدين هو حضرتك ايه اللى مستنيه من التوكيل بالظبط دلوقتى عشان تقول انه كدة توكيل محترم ( وازاى بتعرف ان التوكيل بيماطل او بيضحك عليك ، او انه صلح العربية بجد ؟ )

وايه اخر المستجدات دلوقتى، هل المشكلة بتتحل فعلا بنزول سوفتوير جديد وتعتبر انتهت نهائيا زي ما اتقال ولا كل ده فاكس ؟

الترتيب الصح اللي حصل المرتين فاتوا هو كالآتي :
1- يكلمني حماية المستهلك يوم من ايام الأسبوع و في الغالب قبل الميعاد بأسبوع
و يقولي هتيجي الثلاثاء الموافق كذا عشان لجنة حماية المستهلك و بعد كدا يحدد يوم الخميس كفحص في كلية هندسة
2- اعادة الفحص برضه تم بعد لجنة في حماية المستهلك يوم ثلاثاء و اعادة الفحص يوم الخميس
و في كل المرات حماية المستهلك هو اللي بيتصل و هو اللي بيتابع و بيقول اعمل كذا
التوكيل ايه علاقته بالموضوع ؟ مش هو اللي بيقول اعمل
و نتيجة اعادة الفحص ماطلعتش عليها ولا عرفت ايه النتيجة و اعادة الفحص كانت قبل العيد يعني المفروض خلال اليومين اللي فاتوا نكون دخلنا لجنة في حماية المستهلك
التوكيل مش فاهم العربية ولا عارف المشكلة عشان يصلحها
4 مرات لحد دلوقتي يقول نزلنا سوفت وير و العربية اتصلحت و المحصلة زيرو
مفيش تصليح ولا حاجة , و بقالي شهر بالتمام من غير عربية و هي معاهم و كل اللي بيعملوه هو مماطلة من غير داعي
و يخلوا واحد من ال Call Center اللي يكلمك مش حد محترم من الورشة و يكون مهندس
حاجة في قمة الإستهتار و قلة الأدب
يبقى كل ده مليش حق اتضايق ؟

**m_am** · 24-10-2013 08:56 AM

ربنا معاك و حقك يرجعلك ان شاء الله و ترجع تستمتع بعربيتك و بالفلوس اللي دفعتها فيها , تفائل ان شاء الله خير

**islam.afifi** · 24-10-2013 07:01 PM

المشاركة الأصلية كتبت بواسطة m_am

ربنا معاك و حقك يرجعلك ان شاء الله و ترجع تستمتع بعربيتك و بالفلوس اللي دفعتها فيها , تفائل ان شاء الله خير

التفاؤل موجود لكن بفشل التوكيل و شغل النصب اللي بيعمله بيحرق دمي
هل لك ان تتخيل اني اكلم حماية المستهلك الصبح و اقوله اللي عمله التوكيل امبارح و ان من نفسه يقولي احضر الفحص النهاردة في كلية هندسة و يستغرب الموقف ؟
التوكيل المحترم كلم دكتور كلية هندسة عشان يعمل فحص بعد ما ادعى للمرة الخامسة انه ظبط السوفت وير و العربية بقت سليمة و يقولي تعالى عشان يجبرني استلم العربية و اضيع حقي و المحاضر اللي عملتها
و لما انا محضرتش و التوكيل اتورط , رجع كلمني تاني من ساعتين و يقولي العربية جاهزة , طبعا انا عملت معاه الصح
و سألته انت عارف ده المرة الكام اللي تقولوا العربية اتصلحت و لسه معيوبة ؟
قال كام ؟ قولتله 5 مرات , ياريت تصلحوها صح و بعدين تقولوا انها اتصلحت و برضه مش هستلم العربية غير من حماية المستهلك بعد المحضر

و مش من حقك انك تقولي تعالى استلم او احضر الفحص و انا مش فاضيلكم كل يوم و التاني اجازات من الشغل
و ياريت توصل كلامي ده للمهندس اللي بلغك ان العربية اتصلحت

فعلا ناس بتيجي بالتهزيق و ان شاء الله وراهم لحد لما ناخد حقنا

**monamize4** · 24-10-2013 07:50 PM

ربنا يكرمك ان شاء الله و المشكلة تتحل على خير

-

الموضوع: آخر صيحات فشل عز العرب

LinkBack

أدوات الموضوع

عرض

آخر صيحات فشل عز العرب - انشر الموضوع فى :

-

-

-

-

-

-

المواضيع المتشابهه

العرب العاربة والمستعربة (العرب ليسو عرق بشري إنما قومية لغوية)

آخر صيحات هيونداي ... سيارة مدهشة ..!

ّأحدث صيحات الجنوط

اخر صيحات فوانيس السيفيك الروعه

!!!! آخر صيحات فوانيس الانسر روعه !!!!

الكلمات الدلالية لهذا الموضوع

المفضلات

المفضلات

ضوابط المشاركة