عن ال f3 نتحدث

**Ashraf_Ibrahim** · 25-10-2013 03:33 AM

ازيكم يا شباب اخباركم ايه ؟!
يارب تكونوا جميعا بخير :]
انا زائر من قسم هيونداي ومعايا فيرنا
في الواقع بفكر في البي واي دي المانيوال
كنت حابب اعرف سعرها كام
ومميزاتها وعيوبها ولو ليها اعطال شائعة !
واسعار قطع الغيار الاستهلاكية بتاعتها من سعر تيل فرامل امامي وتيل خلفي وفلاتر وبوجيهات وسيور وخلافه -وهل الكاتينة بتاعها جنزير واللا عادي !
منتظر منكم التوضيح الكامل وأرجو متبخلوش عليا بأي معلومة عشان على الاقل الاخت دي هتعد معايا 4 سنين :] وحالتها بعد ال 4 سنين مع متوسط مسافة تقريبا 30000 كم في السنة مع الالتزام بجدول الصيانة هتكون حالتها ايه ؟!

**M I D O** · 25-10-2013 04:23 AM

هية العربية حاليا عاملة 78 الف و عربية جميلة جدا وعيبها الشائع عضة الفتيس بس بيقولو ليها حل بعيدا طبعا عن التوكيل الي يعتبر اسوء حاجة في العربية لانة افشل من الفشل لاكن كعربية ممتازة جدا جدا

**Ashraf_Ibrahim** · 26-10-2013 10:47 AM

المشاركة الأصلية كتبت بواسطة m i d o

هية العربية حاليا عاملة 78 الف و عربية جميلة جدا وعيبها الشائع عضة الفتيس بس بيقولو ليها حل بعيدا طبعا عن التوكيل الي يعتبر اسوء حاجة في العربية لانة افشل من الفشل لاكن كعربية ممتازة جدا جدا

عضة الفتيس عموما واللا في غيار معين ؟!

المشاركة الأصلية كتبت بواسطة عمرو توفيق

السلام عليكم
أنا سيقتك في البحث في هذا الموضوع منذ عشر أيام. لفيت في المنتدى ووجدت معلومات كثيرة مفيدة ستجيب عن كل أسئلتك. أطلب منك أن تفعل نفس الشيء.
ما أنصحك به هو أن لا تعطي أي ملاحظات على السيارة أكثر من حجمها، لأن بعض الملاحظات سببت لي إحباط في البداية.

الخلاصة التي وصلت لها أن السيارة يظهر فيها مجموعة من العيوب البسيطة التي يتم حلها عند أي ميكانيكي شاطر. كذلك سألت سواقين التاكسي عنها وقالوا أنهم لم يجدوا هذه العيوب أصلا.

وعليكم السلام
أشكرك يا عزيزي :]
طيب ما تساعدني وتقلي ايه هي العيوب البسيطة الشائعة اللي حسب كلامك مش عامة ؟!

**cobrahi** · 26-10-2013 01:34 PM

المشاركة الأصلية كتبت بواسطة the lawyer

البي واي دي اصبحت شكل قديم ... زيها زي اللوجان ( معايا علي فكرة ) واللانوس والفيرنا .
ممكن تستني شوية يمكن الغموض اللي فيه سوق السيارات ينقشع ( حلوة ينقشع دي )
كان نفسي انصحك بالإيمجراند بس فيها عيوب قاتلة .
ممكن تلحق الإنفي التقفيل الصيني اعتقد هيا افضل الخيارات

ب

صراحه المقارنه بين الانفى و البى واى دى صعبه شويه
لان البى واى دى اوسع بمراحل .. بالنسبه للشكل البى واى دى تكسب ف وجه نظرى يمكن لانى بحب شكل التويوتا .. الجنوط احلى ف البى واى دى .. البى واى دى ليها وقت كبير ف السوق و كفايه انها بتستحمل شغل التاكسى ف القاهرة و كمان المنصورة و بدات تظهر عندنا ف بورسعيد كمان .. الشئ الوحيد الى عاجبنى ف الانفى هوة التابلوة فقط احلى من البى واى دى يمكن لانى مش بحب الابانوس الموجود ف البى واى دى و كمان شكل التكييف ف البى واى دى مش حلو .. يعنى ف المجمل البى واى دى تكسب مليون ف الميه .. انا عاوز اجيبها بس مستنى شويه يمكن الشكل الجديد من الاف 3 ينزل الله اعلم