استفسارات بخصوص الفانتازيا 2013 1600 mpi

**magedtito** · 25-10-2013 10:00 PM

يا رجالة بفكر اشتري فانتازيا 2013 سبورت عايز اعرف سعرها يعمل كام و هل الموديل ده فيه مشكلة في الفتيس و التكييف ؟
و ايه عيوبها غير ان طلعتها بطيئة شويتين و ايه الكماليات بتاعتها ؟

**Mohamed Bander** · 25-10-2013 10:37 PM

اولا الف مبروك مقدما وربنا يوفقك وتلاقي حاجه مناسبة

ثانيا بعد إذن أساتذتنا اللي هنا انا هجاوبك لآني معايا العربية دي بنفس الموديل

العربية دي صفقه ناجحه بكل المقاييس و كفايه انك تريح نفسك من هم ال DSG اللي محدش يغرف عنه حاجه مع الموتور ال TSI

فعلا زي ما قلت عيبها الوحيد التقل في الطلعه بس بعد فتره هتتعود عليها ولما تظبط وضع رجلك علي دواسة البنزين هتفرق لحد ما

العربيه كثبات و اوبشن فيها كل اللي بتتمناه

الاوبشن اللي في السبورت

جنط سبور

زينون

رشاشات فوانيس

حساس ركن

بالاضافه للمكونات اللي في الفئه الأولي :

ASR BAD EBD ABS
باور كهربا
فرش قماش اسود
تابلوه اسود
مالتي فنكشن ببلوتوث
تكيف كليماترونك بفتحه في الخلف
أماكن تبريد في التابلوه و الكنسول
كاسيت Swing ب ٤ سماعات
وحدات رفع زجاج و ضم مرايات من الريموت

سعرها كسر زيرو مش اقل من ٢٠٠ الف تقريبا والله اعلم لانها علي أواخر أيامها كانت بتتباع ب ٢١٥٠٠٠

بس نصيحه لو لقيت الهاي لاين و بالذات الفرش الجلد البيج هيكون أحسن لآني انا بعاني من الفرش الأسود و الجلد الأسود في الأرضيات و الكراسي بيتوسخ بسرعه جداً خصوصا لو فيه أطفال

اتمني أكون أفدتك و اي سؤال تحت أمرك

**magedtito** · 25-10-2013 11:05 PM

شكرا لذوق حضرتك و للنصيحة بس مشكلة الهاي لاين ان كسر الزيرو مش اقل من 225000 و انا مش حقدر ازود عن 200000 الصراحة و انا عايز حاجة بضمان الوكيل مش خليجي عشان لو حصل حاجة الله لا يقدر اقدر اصلحها في الضمان بس حضرتك هل فيه مشكلة في فتيس الموديل ده او بيحتاج استخدام بشكل معين اصل شوفت هنا كذا موضوع عن عيب في فتيس الاوكتافيا