الموضوع: مساعده بخصوص الزينون

الزينون فى a5 بيعمل مشاكل لان النور محمل على كنترول مش على العصايه زى a4 عشان كده لما بيشوفوه فى التوكيل بيشيلوه

موضوع ان لمبة التحذير ان فى نظام يبحس بحمل او مقاومة اللمبة الهالوجين السليمة و لو شاف ان الدايرة بقيت مفتوحة (فى حالة اللمبة لما تتحرق) بينور لمبة التحذير البتطلعلك.
الموضوع ده تسيبه لو لمبة التحذير مش مضيقاك و لو عايز تتفاده لازم تركب حاجة اسمها load resistors او اجهزة تكويد او تشترى موديولات نازله للعربيات دى بيقولوا عليها هنا مكودة و اسمها بره canbus ballast

موضوع ان النور العالى بيخلى الزينون يرعش ده معناه ان العالى و الواطى واخدين من ارضى واحد او من مصدر واحد و السلك المشترك بينهم مش بيقدر على حمل الاتنين مع بعض. و ده غالبا بيحصل فى الكشفات مش الاصلى او لو الموديولات بيعملوا حمل زيادة عن الطبيعى و ده وارد لو هما 55W
حل الموضوع ده انك بتعمل ضفيرة منفصل تغذى بيها الموديولات بتاعت الزينون اسمها ( relay harness) عشان لو عايز تعملها انت هى سهلة مفيهاش شغل كتير.

المشاركة الأصلية كتبت بواسطة dr_darsh

متشكر جدا على رد حضرتك كده انت وضحتلى حاجات كتير
انا النهارده شلت الموديول ال 55 وات وركبت موديلات 35 وات على نفس اللمبات ال 55 وات لمبه ال Error مش نورت خالص ولا الزينون رعش مع العالى بس للاسف اللمبات كانت لونها ازرق زى ال 8000ك وده مش عاجبنى خالص فرجعت الموديول ال 55 تانى
--بالنسبه لأجهزه التكويد اجيبها منين فى مصر وسعرها ايه وممكن تحل موضوع الرعشه ولا مش ليها علاقه
-- الفانوس اللى عندى اصلى انا مش غيرت حاجه خالص بس طبعا بدون عدسات ( reflector type ) انا اعمل ال harness relay ازاى وممكن اى كهربائى يعملها عادى

كده من الواضح ان الموديولات 55w عاملين حمل جامد على الضفيرة و الفيشة بتاعت الفانوس.
لو عايز تفضل بال 55W لازم تركب relay و اى كهربائى نضيف يعملهالك.
و غالبا ال 35w الانت جربتهم متكودين جهزين.

لو اللمبات 55W فعلان الموديول 35W حيبقى ضعيف ده سبب ان اللمبات كانت مزرقة و العكس صحيح برده ان لو دى لمبات 35W 8000K و لما يتركبلها موديوا 55w اللمون بيفتح

اجهزة التكويد فى منها نوعين نوع بيشيل رعشة فى النور بس دى بتكون لاسباب تانية غير العندك ( الاضاءة النهارية مثلا او لو الرعشة على الوضع اوتو بس )
النوع التانى عشان رسالة اللمبة متطلعيش و حجات بتجمع بين الاتنين.
الرعشة عندك بسبب حمل لانها بتظهر مع زيادة الحمل على الاسلاك انما لو كانت موجودة على طول ده موضوع تانى.

مش حقدر افيدك فى اجهزة التكويد المنفصلة بتتباع فين.

المشاركة الأصلية كتبت بواسطة MuhamedNabil

كده من الواضح ان الموديولات 55w عاملين حمل جامد على الضفيرة و الفيشة بتاعت الفانوس.
لو عايز تفضل بال 55W لازم تركب relay و اى كهربائى نضيف يعملهالك.
و غالبا ال 35w الانت جربتهم متكودين جهزين.

لو اللمبات 55W فعلان الموديول 35W حيبقى ضعيف ده سبب ان اللمبات كانت مزرقة و العكس صحيح برده ان لو دى لمبات 35W 8000K و لما يتركبلها موديوا 55w اللمون بيفتح

اجهزة التكويد فى منها نوعين نوع بيشيل رعشة فى النور بس دى بتكون لاسباب تانية غير العندك ( الاضاءة النهارية مثلا او لو الرعشة على الوضع اوتو بس )
النوع التانى عشان رسالة اللمبة متطلعيش و حجات بتجمع بين الاتنين.
الرعشة عندك بسبب حمل لانها بتظهر مع زيادة الحمل على الاسلاك انما لو كانت موجودة على طول ده موضوع تانى.

مش حقدر افيدك فى اجهزة التكويد المنفصلة بتتباع فين.

نسيت ققولك ان اللمبات ال 55w بتسخن اكتر من ال 35w و محتمل انها تحرق السطح العاكس للكشاف من جوة