الموضوع: بيجو 301 ولا نيسان صني الشكل الجديد

بيجو ٣٠١
بغض النظر عن المشاكل اللي ظهرت في الشكل الجديد من نيسان صني الا اني شايف ان ال ٣٠١ افضل منها بكتيير
كفاية الخامات اللي متصنع منها العربيتين بالاضافة الى التقفيل
دا طبعا غير عفشة الصني اللي الكل عارف انها ناشفة جدا
انا والدي معاه الشكل القديم ٢٠١١ و بصراحة شايف ال ٣٠١ سابقاها بمراحل

السلام عليكم
اناكنت في نفس حيرة حضرتك
بس الحمدلله ربنا كرمني وجبت البيجو 301
وماشاءالله العربية اكثر من رائعه وبحمد ربنا على الاختيار دا
ومن وجهة نظري البيجو
احسن من ناحية جودة الخامات والثبات والشكل والفرامل
بالنسبة لقطع الغيار العربيتين اسعارهم متقاربة
نيسان تتفوق في قيمة العربية عند البيع
وعلى اللي انا شايفه من انتشار البيجو وزيادة الطلب عليها
العربيه دي هتنتشر وهتمسك تمن كويس عند البيع
توكل على الله واستخير واشتري البيجو
ونصيحة من اخ ان شاء الله مش هتندم
وبتمنالك ربنا يوفقك للي فيه الخير

انا بصراحة انطباعي الاول عن العربية انها ما شاء الله تتفوق على كل قريناتها
و لكن من الكام كيلو اللي مشيتهم بيها ليا تعليق بسيط مش عارف باقي الاعضاء يوافقوني فيه ولا لأ
حاسس وانا راكبها على سرعات اكتر من ٩٠ بصوت الهوا في الشباك اللي جنبي
كأنو موارب بالرغم انه محكم الغلق
مش عارف الصوت دا معناه ان العزل مش قوي ولا ايه
دي الملاحظة الوحيدة ليا

المشاركة الأصلية كتبت بواسطة ahmedshalaby

انا بصراحة انطباعي الاول عن العربية انها ما شاء الله تتفوق على كل قريناتها
و لكن من الكام كيلو اللي مشيتهم بيها ليا تعليق بسيط مش عارف باقي الاعضاء يوافقوني فيه ولا لأ
حاسس وانا راكبها على سرعات اكتر من ٩٠ بصوت الهوا في الشباك اللي جنبي
كأنو موارب بالرغم انه محكم الغلق
مش عارف الصوت دا معناه ان العزل مش قوي ولا ايه
دي الملاحظة الوحيدة ليا

بيظهر عندى بردو وبحس انه جاى من ناحية الباب اللى ورا يمين من برة
هو مش صوت هوا هوا ، هو صوت ونة هوا من برة ، مش كأن الباب موارب ، مش عارف اوصفه بالظبط بس انا في صيانة 2500 هسألهم عليه ان شاء الله وان شاء الله يبقى في حل للموضوع ده
وعلى فكرة الصوت ده بيروح تقريبا بعد سرعة معينة ! يعنى بيظهر مثلا من 80-115 ، بس مش متأكد اوى لانى دققت في الموضوع ده مرة واحدة بس

اصل احنا كمان عشان في اسكندرية المشي على البحر بيبقى تيار هوا عالي جدا
الله اعلم
بس واحد صاحبي معاه صني ٢٠٠٩ قاللي عادي الصوت دا مش قضية
و قاللي كمان لو نضفت الجلدة بتاعت الشباك كويس قوي من الاتربة باي سبراي تنضيف هيقل الصوت دا جامد
هاجرب و نشوف

انا سمعت عن موضوع الهوا ده و ان واحد قالوا ليه حنغيرلك جلد الابواب ):
ربنا يستر