انا رحت واتفرجت
اولا القرية اسمها هيلوبيتش وليس هيلوبليس وهى القرية الملاصقة لمراقيا
القرية مبنية من فترة لكن الجمعية المالكة لها قامت ببيع اراضى خالية فيها لبناء عمارات جديدة لشركات مختلفة منهم هيلولبليس اللى منزلة اعلان
عندهم عمارة فاضية فيها شاليهات بس لسه على الخرسانة وحتخلص 30 يونيو الجاى
ودى مساحتها 88 متر او 92 متر وشايفين البحر بس من بعيد طبعا
وبتكون فى حددود 140 الف كاش ولو حتقسط حيزيد طبعا
وبالنسبة للشاليهات الفندقية فدى لسه ارض فاضية وحتتبنى بعدين ومساحتها 54 متر بتستلمها متشطبة واجهزة ومفروشة ومكيفة وسعرها 97 الف قبلى و100 وحاجة لو بحرى
القرية مستواها متواضع مش فخمة فيها حمامات سباحة غير البحر طبعا
هى خيار كويس للى عايز يبقى عنده مكان وخلاص فى الساحل...لكن مستواها مش فخم
المفضلات