الموضوع: استفسار بخصوص لوجان 2013 زيرو هام وعاجل

متابع ان شاء الله الاخوه الافاضل اصحاب الخبره هيفيدوك
الف مبروك ربنا يعطيك خيرها ويكفيك شرها ..

السواقة العادية من 2.5 حتى 3 rpm .. وضعك طبيعى و انقل الغيارات على المعدل ده
الغيار التانى سرعة 20
الغيار التالت سرعة 40
الغيار الرابع سرعة 60
الغيار الخامس 80

المشاركة الأصلية كتبت بواسطة civil engineer

انا لسه مستلم لوجان 2013 زيرو فول اوبشن مانيوال من اول الشهر وعامله لغايه دلوقتى 400 كيلو لاحظت انى باضطر اجيب الغيار الثالث وساعات الرابع على سرعه 30 عشان صوت الموتور بيعلى والبى ار ام بيقرب يوصل لى 3 الكلام ده داخل البلد والموضوع ده قالقنى وحاسس ان فيه حاجه مش طبيعيه بالنسبه للموتور خصوصا انى رحت بيها من دمياط لبو رسعيد بعد الاستلام بكام يوم فى العيد وكنت ماشى بسرعه 80 و90 على الرابع وما خدتش بالى بموضوع ( البى ار ام ) هل كان ازيد من 3 اقل .....هل ممكن يكون الموتور حصل ليه مشكله لو كانت ( البى ار ام ) اكتر من 3 فى مشوار بورسعيد..... وانا ما ااخدتش بالى من النقطه دى الا بعد كده من المنتدى ..... خصوصا ان المشوار كان فى اول اسبوع للعربيه ولا ده طبيعى وعادى؟؟؟؟؟

ألف مبروك العربيه يا باشا ... هو اللوجان عموما صوت موتورها عاالى زياده عن الكورى و اليابانى بس لحد ار بى ام 3.5 و 4 كمان ما يضرش العربيه بس ممكن لحد ما تعدى اول 1000 كيلو نحاول ما نعديش ار بي ام 3 و ربنا يحفظهالك

فى البداية اقولك مبروووووووووووووووك انضمامك لعائلة لوجان ثانيا ما تقلقش صوت العربية بعد التليين هيهدى شوية بس فى العادي صوت الماتور عالى هتبتدي تحس بالصوت قل بعد تغيير الزيت ده اللى انا حسيتة على الاقل . العربية شوية شوية ادائها هيتحسن وتبتدي تشد معاك بس رايي بشويش فى الاول لحد ما تلين العربية شوية , ربنا يبارك لك فيها ويحميك ويحميها ويجعلها خير ليك ويكفيك شرها بقدرت الله :) .