الموضوع: اية الفرق ما بين رش نضافة ورش بمعجون

الرش النضافة بيبقي علي بوية العربية .. يعني العربية مكنش فيها خبطات و اترشت عشان البوية قدمت و لونها كلح
او كان فيها تريحة صغيرة و اتردت ع البارد و مأثرتش ف حاجة
انما الرش بمعجون معناها انها كانت خبطات جامدة و الصاج اتسخن و اترد و مرجعش مستوي زي ما كان و كان لازم له معجون عشان ميبقاش في اعوجاج ولو بسيط
اتمني أكون فيدتك

صديقي المواطن
طبعا زميلنا المناضل أعلاه جزاه الله خيرا قد كفى ووفى
ورش النظافة إفتكاسات يبقه إنت أكيد في مصر تبقه العربية جايبين الشاسيهات كل فرده من عربية والعربية تكون مقلوبة وماشية 10 دقايق عالسقف ويقلك دي فبريكة
وطبعا وش النظافة يعني حكات وتجاريح بسيطة مع بعض سمكرة البارد المقبولة ويتم صنفرة اللون القديم والرش عليه ودي ليها فنون لو محلش اﻷكر والباكيتات يبقه ده وش تهريج مش وش نظافة و98% من البوهيجية بيغلف ويرش ولما يخلص يجيب شقرة وموس وكتر وثنر وقطنة ويقعد ينظف العربية والمحصلة عربية مشوهه
أما وش المعجون فدي عاملة خبطات ةحوادث تستدعي تدخل سمكري ولكن فيه بعض البوهيجية الأشاوس ممكن يحط 3 كيلو معجون في رفرف
وللتقريب في اﻷمثلة وتبسيطها
العربيات فيها شبه من البنات كلنا بنحب البنت أم مكياج خفيف وغالبا بيكون كريم لمساواة لون البشرة بدرجة واحدة وده بنسميه وش نظافة
لكن البنت اللي بتحط أحمر وأصفر ومسكارة وآي لاينر وروج وبتحط 3 كيلو كريم أساس فده شغل معجون وغالبا مش فابريكة

ومن مهازل المرحلة اﻷغنية الخالدة للمناضل أوكا وزميله في الضياع المقاتل أورتيجا بقولتهم الشهيرة

هو إنت فيك إيه إيه مظبوط
ولا رفرف نافع ولا كبوت
حتى البيضة من غير كتكوت

صديقي المواطن
شعار المرحلة
إحنه إنتهينا خلاص

وبالتوفيق وإلى اﻷمام ومن نصر إلى نصر
ودمتم للنضال