الموضوع: عاجل: زيت محرك للأسكودا أوكتافيا

ايوه انا شفته عند بتوع قطع غيار الالماني

بس المواصفه بتاعته اقل من حاجات تانيه

اولهم الشيل اللترا

api -sm وليس sn وده الاعلي

انصح باستخدام شيل اللترا او كاسترول ايدج بس يكون من مكان محترم عشان الغش

غير كده بصراحه لا اثق

تحياتي

المشاركة الأصلية كتبت بواسطة kaboky_2010

انصحك بزيت ولف او زادو لانهم تعبئة اوروبى وناس كتير جربتهم وشكروا فيهم جدا جدا

بغض النظر عن نوعين الزيت

المشكله ان الزيوت دلوقت في مصر ملهاش اول من اخر وكل يوم واحد يروح يجيبله شحنه زيت ويقول عليها احسن زيت في اوروبا

بدليل ان فيه ناس كان معاها توكيل زيت معين ولما معرفوش يجيبوه وحد تاني خده منهم راحوا جايبين صنف اخر

المهم الربحيه مش مهم الاداء

وعايز افكر حضرتك ان ناس كتيييييييير جدا هنا في المنتدي طلعوا السماء بزيت ليكولي مولي

اللي بيرجع العجوز لصباه

وكان مجرد ان حد يقول بس رايه اللي مخالف رايهم تقوم عليه حرب شعواء وانه مبيفهمش

وده زيت متعبي في اوروبا وده زيت الماني وده زيت هولندي

الشاهد من اللي عايز اقوله حاجه

اللي عايز يجرب يزت يجرب بس يكون مصحصح وعارف انه بيجرب حاجه ادائها ونتايجها مش مثبته ولا يصلح تعميمها علي كل انواع العربيات ولا كل طبائع السواقين

ومش كل زيت متعبي بره مصر وخاصه الاوربي منه ممتاز ولا كلهم سئ

انا بنصح اللي عايز يريح دماغه ومالوش في التجريب يحط شيل الترا وهوه مطمئن لان لغايه دلوقتي محدش اشتكي منه ولا عمله مصايب .

واللي نفسه يجرب ممكن يجرب في الكاسترول لو عايز الاضمن او الانواع الاخري بس يكون مصحصح وعارف عربيته كويس جدا عشان يعرف يقيم الزيت

اللي عايز يضرب يتفضل

تحياتي