الموضوع: كاوتش وجنط لـ "سبارك"

فعلا يا عزيزى الاستبن ما يستحملش ماشى علية دورة ان هو يوصلك لاقرب واحد بتاع كا وتش المهم بالنسبة للكاوتش ها تطلع على اخر فيصل مبروك غطاطى ها تلاقى مقاس الكاوتش وانواع كمان انا غيرتهم هناك انا غيرت كومهو ونيكسون كويسين بقالهم سنتين ونصف واى حاجة فى العربية خدمينك العربية معاها بقالى 5 سنين وربنا يطمنا عليك

هو مبروك غطاطي بعيد عني بس هكلمه في التليفون ولو لقيت عنده فرد كويسين يبقي ربنا يسهل
لكن حاليا الاختيار قدامي بين هانكوك كوري أو فولدا ألماني (بيتجمع في بولندا) وسعرهم تقريبا قريب من بعض
وغالبا هجيب المقاس 155/70 / r 13 لأن هو اللي موجود

والحمد لله جبت الجنط من أوتوماستر الحي السادس ب 406 جنيه وكانت اخر فردة عندهم .. ده حتى منصور شيفروليه اللي في الطيران ماكانش عنده وقالي احتمال تيجي كمان يومين !!!!!!!!!! رغم انه الموزع لقطع الغيار كلها في مدينة نصر والقاهرة الجديدة
وربنا يسهل ان شاء الله

منصور شيفورلية ربنا يسمحوا قطع غيار السيارات عندهم مش متوفرة والاشتغلات كمان اسبوع عشر ايام دة انا من شهر بسمع الكلام دة لما زهقت منة فعلا انت لما تشترى عربية لازم تسأل عن التوكيل لانك بتشترى توكيل منهم للة

متهيقلي الفكرة انها كميات بتجيلهم ولما بتخلص بيستنوا ييجي تاني .. المفروض هو لما يلاقي الصنف اللي عنده قرب يخلص يطلب على طول ومايستناش ان الصنف يخلص خالص .. علي العموم ده أكيد سوء تخطيط منهم

المهم انا كلمت مبروك غطاطي علي التليفون ولقيت ان الفرد المتاحة موجودة في فرع البطراوي - مدينة نصر ، روحت هناك والناس كانت معاملتهم حلوة وكانوا كويسين .. كذا واحد اشتغلوا في وقت واحد .. غيروا ال 3 عجلات ورصصوهم وما اتأخرتش ..
انا خلصت من هنا و روحت طالع على fit & fix اللي في بنزينة كالتكس تقاطع عباس العقاد ومصطفى النحاس ظبطت زوايا ب 40 جنيه عشان ابقى في الأمان .. بس مش عارف ليه ما ارتحتش لشغلهم حسيتهم بيكروتوا الشغل عشان عندهم ضغط عربيات
الحمد لله جبت بيريللي تركي الفردة عاملة 335 جنيه

و طبعا شكرا لمساعدتك يابو حميد :) ..
ونصيحتي ليك ما تعتمدش على توكيل واحد عشان تجيب منه قطع الغيار .. اطلع علي كذا واحد ساعات بيبقى فيه توكيل عنده حاجات وواحد تاني الصنف عنده خلصان
وشكرا مرة تانية

الف مبروك على الكاوتش الجديد ربنا يبارك لك فية احنا ما عملناش حاجة ولا شكر على واجب وشكرا على النصيحة

معلش انا عارف ان الموضوع قديم بس انا معايا سبارك و مركب كاوتش 165/65/13 و فعلا عايمه مني برجاء الافاده هل الكاوتش ال حضرتك ركبته فعلا ريحك و لا ظهر له عيوب و مشاكل ؟ مع الشكر