الموضوع: مشكلتي مع شاشة البيانات

السلام عليكم مديري و اعضاء نايل موتورز الكرام
في مشكلة كده مش باينلها حل و محتاج المساعدة فيها العربية لما
بيتقفل السنتر لوك بالمفتاح او الريموت بتفضل شاشة البيانات شغالة و الشنطة
فيها بتعمل زي فلاش كده "تطفي و تنور" مع صوت طقطقة فالتابلوه و لمبة درج
التخزين الامامي بتعمل نفس موضوع الفلاش ده
و على النقيض لما اقفل السنتر لوك من الباب و انا حطلع بالعربية مفيش اي مشاكل :/
المشكلة بقى ان العربية لو اتسابت يومين و نزلت فاليوم الثالث عشان اشغلها الاقيها
فصلت شحن و ما تستقبلش اشارة الريموت حتى , و بالتالي بتحتاج يتعملها اشتراك
دا غير ان اضاءة العربية زي ما شايفين لونها احمر ودا يلفت انتباه اي حد حيعدي من جنبها بليل
مش عارف اتصرف ازاي الصراحة و محتاج استشارتكم و خبراتكم

دا فيديو المشكلة
http://youtu.be/i9hgy87K6YY