ريداتير 127 المونيوم

**beshomilan** · 30-10-2013 08:36 PM

هو هيحصل ايه لو اتركب لل 127 ريداتير المونيوم بدل النحاس اللى بايظ فيها؟؟
ولا لازم نحاس؟؟

**aw2100** · 30-10-2013 11:31 PM

الريداتير الالمونيوم افضل عموما من النحاس وخصوصا فى السرعات العالية بيبرد افضل بس المشكلة انه مابيتصلحش زيي النحاس وفى كل العربيات الحديثة بينزل رادياتير الومنيوم وانا كنت فى ال 128 قبل مابيعها مركب راديتير استعمال حديد كان مبرد العربية 10/10 احسن من النحاس علشان الريش بتاعه الرادياتير الأستيراد ضيقة قوى ودة بيدى تبريد افضل من ريش النحاس الواسعة تحياتى !

**saddam** · 31-10-2013 02:03 AM

صديقي المواطن
الراديتير اﻷلمنيوم عشان يشتغل في ال 128 لازم يكون بتاع عربية أكبر ﻷن علب اﻷلمنيوم الفيبر دي مصممة تستحمل حرارة محركات التكنولوجية المتوسطة إلى حد ما والحديثة والعربيات القديمة وتكنولوجيتها زي ببجو القديم ومرسيدس القديم وفيات القديم خمسينات وستينات وسبعينات بتصدر المكنة درجة حرارة أعلى من ال 100 وعشان كده مش حيكون عمره طويل عندك إلا لو كانت مساحة الراديتير الذي ترغب بتركيبه أكبر من الفبريكة اللي عندك وبالتوفيق وإلى اﻷمام ومن نصر إلى نصر
ودمتم للنضال
على صعيد آخر رحت النهارده أفصل راديتير لعربيتي رقم 9 وإتفرج عالمهازل يا مواطن واحد يقول 1600 وواحد قال 1000 وواحد قال 850 من غير علب ومصنعية وواحد طلب 2200 عن 4 ماسورة وواحد طلب 850 ولسه بيشاور عقله يعملها ولا يرجع في كلامه و المكنة 6 سلندر مش ضخمة يعني أنا كنت حاسب حسابي ب 700 جنيه فعلا الراديتير روح العربية فيين لو معايه 128 الراديتير ببكلف من 270 إلى 400 وبالتوفيق وإلى اﻷمام ومن نصر إلى نصر
ودمتم للنضال

**ابو لؤى** · 31-10-2013 07:38 PM

انا معايا 128 ومركب النحاس من شهر بالبظط عامل 300 والراجل اخد القديم وهو 3 ماسوره بس ممتاز بصراحه بقيت انسى حاجه اسمها حراره توكل على الله واشترى النحاس البستانى اسمه

**ابو لؤى** · 31-10-2013 07:39 PM

المشاركة الأصلية كتبت بواسطة saddam

صديقي المواطن
الراديتير اﻷلمنيوم عشان يشتغل في ال 128 لازم يكون بتاع عربية أكبر ﻷن علب اﻷلمنيوم الفيبر دي مصممة تستحمل حرارة محركات التكنولوجية المتوسطة إلى حد ما والحديثة والعربيات القديمة وتكنولوجيتها زي ببجو القديم ومرسيدس القديم وفيات القديم خمسينات وستينات وسبعينات بتصدر المكنة درجة حرارة أعلى من ال 100 وعشان كده مش حيكون عمره طويل عندك إلا لو كانت مساحة الراديتير الذي ترغب بتركيبه أكبر من الفبريكة اللي عندك وبالتوفيق وإلى اﻷمام ومن نصر إلى نصر
ودمتم للنضال
على صعيد آخر رحت النهارده أفصل راديتير لعربيتي رقم 9 وإتفرج عالمهازل يا مواطن واحد يقول 1600 وواحد قال 1000 وواحد قال 850 من غير علب ومصنعية وواحد طلب 2200 عن 4 ماسورة وواحد طلب 850 ولسه بيشاور عقله يعملها ولا يرجع في كلامه و المكنة 6 سلندر مش ضخمة يعني أنا كنت حاسب حسابي ب 700 جنيه فعلا الراديتير روح العربية فيين لو معايه 128 الراديتير ببكلف من 270 إلى 400 وبالتوفيق وإلى اﻷمام ومن نصر إلى نصر
ودمتم للنضال

نفسى اجرب قياده عربيه 6 سلندر بس الله يعينك على البنزين ولا سولار ؟