مساعده هامه لله - من 50 ل 60 الف عربيه جديدة بقرض السيارة

**احمد ماهر2** · 31-10-2013 03:08 AM

السلام عليكم ورحمه الله وبركاته
اهل الخبرة الناس المجربة بكل بساطة عايز اجيب عربيه بقرض السيارة وطبعا عشان اقدر على القسط العربيه من 50 ل 60 متزدش
ارجو من الجميع الرد بنوع السيارة وماركتها وسعرها وكده - انا من لقصر
وحاليا فى دماغى الجيلى كروس مرتحلها نسبياً وياريت لو نبذه عن مصاريف اى عربيه فى الصيانه وخلافه اخوكم مزنوق ومعنديش اى خلفيه عن السيارات وجزاكم الله كل خير مقدماً وشكراً ومستنى الردود تنصحنى اجيب انهو عربيه

**M I D O** · 31-10-2013 04:23 AM

مبروك مقدما و الجيلي عربية هيكون ليها مستقبل حلو في مصر و اسعار الصيانات بتكون مش غاليية في البداية يعني لو هتغير زيت وفلتر بتعمل من 250 ل 350 ولو صيانة عادية مش هتكلف 100 جنية اكتر صيانة مكلفة ال 40 الف لان بيتم تغيير فيها سيور ودي بتكلف من 1500 ل 2000 جنية وباقي الصيانات رخيصة لحد صيانة ال 80 الف عشان برضو السيور

**mr.a** · 31-10-2013 11:47 AM

يا ريس القرض ده مقرف
مش هنصحك تعمله إلا لو هتعمل بيه مشروع او شغل
لو عايز تاخده لعربيه يبقى ليك مرتب جامد عشان القسط يبقى كبير ففتره القسط تكون قليله ومتتبهدلش كتير وحاول تبعد عن الشر ده بأي طريقه سواء اسلامي مش اسلامي....

**ALshahba** · 31-10-2013 12:51 PM

ابتعد عن القرض تماما ....... وسيغنيك الله من فضله
لازم تحط الشروط الاسلاميه امام اعينك

**Dr.sheikh** · 31-10-2013 07:38 PM

القرض كله هموم وتقعد 5 سنين تسدد وتكون عربيتك اتبهدلت حاول تتجنب موضوع القرض ده على اد ماتقدر وربنا يوفقك وفكر كده في اﻻسبيرانزا كويسه وقطع غيارها معقوله وصيانتها كمان