السلام عليكم ورحمة الله وبركاتة
عايز اتاكد من المشكلة دى قبل ما اشترى عوامه ويطلع المشكله مش منها
دلوقتى العداد عندى لما بفول بنزين بيطلع فوق علامه ال Full بكتير لحد علامه التانك
وانا رايح القاهره من اسكندريه حوالى 210 كيلو اول ما طلعت على المحور كان الامبير نزل لعلامه ال Full يعنى تقريبآ فى حوالى 20 لتر على الاقل مش باينين على الامبير وبيعلقو فوق
وامبارح انا مفول العربيه وكان الامبير على النص وحطيت 31 لتر يعنى نقول التانك فى حوالى 14 لتر او 9 لانى مش متأكد لحد دلوقتى هو 40 ولا 45 المهم
فكيت العوامه من يومين وبصيت عليها والسلك مظبوط والمشوار بتاع العوامه مظبوط يعنى بتروح وتيجى عادى والعوامه شكلها ما اتفكتش قبل كده مش متجرحه ولا حااجه لان السلك بتاعها عليه كفر حديد حمايه وعلشان تفتحه لازم تعوجه وكانت باين انها اول مره
المهم انا دلوقتى مش متأكد اذا كانت المشكلة من العوامه ولا من الامبير واعمل ايه علشان اكتشف ده ؟
لانى قرفان من الحوار ده وبقالى 11 شهر ماشى بيها كده وبخاف اوقات كتير اوى انى اقرب للنص علشان خايف من العداد مع ان النص ساعات يقولى فيها 10 وساعات احط 36 لتر يعنى حتى عند النص بيخرف
اجيب عوامه ولا ممكن يكون الامبير فيه حاجه ؟
المفضلات