حد جرب جنوط للوجان؟؟

**elsokily** · 31-10-2013 10:06 AM

صباح الخير لكل باشوات اللوجان

من متابعتى لبعض المواضيع عن ثبات اللوجان و عمود الاتزان و الكاوتش فكرت ان ممكن 80% من المشكله دى الحل بتاعه هو انك تقلل ارتفاع العربيه و فكرت فى جنط 16 مثلا مع كاوتش محترم مع تقليل ارتفاع العربيه شويه و ممكن بردو نقلل ارتفاع العربيه على الجنط الاصلى ...طبعا ممكن الفكره دى حتضيع جزء من ميزه اللوجان مع المطبات و الحفر بس بردو الثبات حلو مفيش كلام

حد جرب الفكره دى قبل كده ؟؟؟؟ او حد شاف لوجان معمول فيها كده ؟؟؟؟

**karimnet** · 31-10-2013 10:11 AM

انا مركب بس 15 زى الستوك

**elsokily** · 31-10-2013 10:19 AM

المشاركة الأصلية كتبت بواسطة karimnet

انا مركب بس 15 زى الستوك

على نفس الارتفاع ولا نزلتها شويه ؟؟؟ و هل حسيت بفرق ؟؟؟

**wassim_nasser** · 31-10-2013 10:55 AM

انا رأيى ان علو العربية مش هو سبب عدم الإتزان و الدليل علي كدة ان البي إم إكس و الجيب شيروكي أعلي و مع ذلك الإتزان أفضل .. القصة قصة ميكانيكا و بالنسبة لحكاية تكبير الجنط فانا لا أحبذها لأن هايبقي فيه تأثير علي العفشة و الأفضل تعريض الكاوتش مع تقليل السمك وده اللي هاعمله بإذن الله قريب

**falcon44** · 31-10-2013 04:33 PM

هتشككونى ليه بس يارجاله ماله ثبات اللوجان ؟؟؟
انا كنت بفكر اشترى العربيه وبقارن بينها وبين الفيرنا واللانوس والساجا
وعارف كويس ان الفيرنا اقل واحده فى الثبات وبعدين اللانوس
لكن فى اراء كتيره بتتكلم على ثبات افضل للساجا عن اللوجان وفى اراء تانيه بتعكس الكلام ده
واراء تانيه بتقول ان اللوجان ارخص واكتر اعتماديه فى الكماليات وان الساجا قطع غيارها اغلى
انا اتشتت جدا وبعدين لما قريت الكلام بتاعكو اتصدمت وخوفت ومش عارف اعمل ايه
تنصحونى بايه يارجاله وياريت لو حد يقولى اخر اسعار اللوجان مانوال لانى مش عايز اوتماتيك

**midon1** · 01-11-2013 02:35 AM

يعني ايه اعرض الكاوتش واقلل السمك ؟؟
يعني يبقي مقاس كام ؟؟
ودي هتفرق في ايه ؟؟؟

**wassim_nasser** · 01-11-2013 12:51 PM

المشاركة الأصلية كتبت بواسطة midon1

يعني ايه اعرض الكاوتش واقلل السمك ؟؟
يعني يبقي مقاس كام ؟؟
ودي هتفرق في ايه ؟؟؟

اعرض الكاوتش يعنى الجزء الملامس للأرض بدل مايكون 185 ملم يبقي 195 أو 205 .. وده بالتالي هايجبرك تقلل ال ( aspect ratio ) اللي هانسميه مجازا السمك بدل مايكون 65 هايبقي 60 و ده عشان نفضل محتفظين بنفس العزم و خفة الباور بس حته تعريض الكاوتش دي هاتدينا ثبات احسن للعربية

**midon1** · 02-11-2013 11:39 AM

معلش استحملوني شويه علشان الموضوع ده عاملي قلق شويه
انا جاهز اشتري جنوط وكاوتش بريدجستون ياباني جديد بقالي فتره لكن مش عارف اشتري علشان موضوع المقاس ده
انا معايا سانديرو 2013 اوتو
اخر كلام بقي
اجيب جنط نوع ايه ؟؟ ده لو النوع يفرق ومقاس كام ؟؟؟ وعلي هذا اجيب مقاس الكاوتش كام ؟؟
مع العلم انا مغير كل ده علشان الثبات وتحسين جوده الفرامل وفي نفس الوقت مش عاوز العب في العفشه والباور والكلام ده

افيدوني افادكم الله ؟؟