سؤال لخبراء اللوجان

**elsobhy** · 31-10-2013 11:09 AM

الاخوة الاعزاء
امتدادا لموضوع مرايه اللوجان الي اعتبرها من نقاط ضعفها هل يمكن استبدال المرايه باخرى تتطوى كهربائيا كما فى السيارات الحديثه او اى ماركه يمكن تركيبها عليها
افيدونا يرحمكم اله

**wassim_nasser** · 31-10-2013 12:41 PM

المشكلة انها مش طي عادي زي مرايات اللانسر مثلا او النوبيرا .. لأ دي سوسته .. وعشان تعملها طي كهربا لازم تغير التصميم كله بدءا من الدراع اللي رابط المراية بالباب و تخلي ليها حامل زي مراية اللانسر بحيث المراية تلف حوالين محورها مش متشعلقة في الهوا زي مرايتنا الحالية .. و طبعا تعدي سلك كهربا بموتور يحرك جسم المراية غير الموتور اللي بيحرك الكفة الإزاز و ده طبعا هايخليك تقطع ف ضفيرة الكهربا و توجد مكان في التابلوه تحط فيه زرار الطي ... بقولك ايه .. ماتبيعها و تجيب لانسر أوفر :))

**saddam** · 31-10-2013 07:05 PM

صديقي المواطن
مفيش حاجة إفتكاسة أو تحوير إلا وعملتها ومحور أنا معظم عربياتي ولكن الموضوع ده مكلف وحنعوز سمكري وخراط ونشتري مرايات حتخلي العربية أفخم والمرايات لوحدهم اﻹثنين يعملوا 950 ثم نجيب زراير وهي متقلقش نازلة ضم ده التعديل الخرافي المتطرف وحتلغي بتاعتك ونعمل لها قفلة شيك غير كده ممكن تجيب مرايات عادية وتحورها على عربيتك وأنا مبحبش أعمل الشغل ده وحتعوز بتاع فيبر وبعديه كهربائي يعملهالك وبالتوفيق وإلى اﻷمام ومن نصر إلى نصر
ودمتم للنضال

**adel_edrees** · 31-10-2013 09:33 PM

حضرتك أشتريت العربية و أنت عارف أن مافيهاش مرايات ضم يبقى فين المشكلة دى حاجة الحاجة التانية العربية اللى فيها مرايات ضم تفرق الفين جنيه عن اللى ما فيهاش و الكلام ده في الألنتر ال md و ال fuly loaded يعنى أنا لو حأقعد أكسر في مرايات اللوجان أوفر