مساعده بالنسبه لحجز بريليانس 2013 و التوكيل

**prince9x** · 01-11-2013 02:00 AM

السلام عليكم و رحمه الله

لى شخص قريب قام بالذهاب الى توكيل البفاريه اللى على طريق المطار و سألهم ان كانت البريليانس FSV Automatic GL موجوده ام لا فاخبروه انها موجوده و من الممكن ان يستلم بعد 3 ايام من الدفع

فقام بدفع مقدمه السياره حوالى 23 ألف جنيه و القسط عن طريق بنك و قام بتقديم موافقه البنك
فأخبروه ان السياره سيقوم باستلامها بعد 6 أيام

و بعدها بيوم قالوا له انه سيستلمها بعد 8 أيام

هل يا ترى المهزله دى متوقع تستمر و هل ممكن يكون التوكيل بينصب و يربط العميل معاه ؟؟؟

هى السياره غير متواجده لديهم عموما فى المعرض و لكنهم يقولون انها فى طريقها الى المعرض بعد 8 أيام

يا جماعه الراجل حيران و نفسه تساعدوه هل حد حصل معاه الموقف ده قبل كدا ؟؟ موضوع التسويفات بتاعه التوكيل دى ؟؟

و فيه شخص خوف قريبى ده و قاله امامك 3 او 4 شهور على ما تستلم السياره !!!!!

أرجو المساعده و لا يبخل علينا أحد بالمعلومه

مع الشكر

**prince9x** · 01-11-2013 02:38 AM

يا جماعه الخير حد يعبرنى انا قرات الموضوع ده حالا

http://www.nilemotors.net/Nile/314052-fsv.html

و اتصدمت !!!

لان موظف المبيعات المذكور فى الموضوع المخيف ده هو نفسه اللى استلم مقدم العربيه من قريبى

رجاء لا تبخلوا علينا بالرد لأن دى مشكله مش فى صالح سمعه البفاريه نهائى و كمان إهانه للعملاء

**M I D O** · 01-11-2013 03:00 AM

للاسف كنت قرأت من زمان تقرير من واحد اشتري برليانس كروس وفضل منتظر تقريبا 7 شهور للاسف لان العربية مستوردة بيدوها للمعارض باوفر برايس وبيسيبو الحاجزين وفي رايي اخرة معاهم 10 ايام لو زودو يسحب فلوسة ويشتريها من معرض

**Dr_Moustafa** · 01-11-2013 07:51 PM

يروح يسحب الفلوس وموافقة البنك

**prince9x** · 01-11-2013 11:58 PM

تمام

طيب حد يعرف مكان متواجده فيه البريليانس اف اس فى الاوتوماتيك النص كامله لون أسود ؟؟

fsv gl a/t

**midooo_119** · 04-11-2013 12:37 AM

اشترى من معرض افضل

**M I D O** · 08-11-2013 12:33 AM

المشاركة الأصلية كتبت بواسطة prince9x

تم التعامل مع الأستاذ محمد عمرو فى مبيعات بريليانس نوكيل البافاريه اللى فى ألماظه و هو نفسه اللى كان الأخ صاحب الموضوع اشتكى منه

بصراحه هو حيرنى معاه شويه ( بس انا ما سيبتوش زهقته

يعنى كان حسب الاتفاق استلم خلال يومين لكن بفضل الله تعالى ما انتظرتش لمده سنه مثل صاحب الموضوع العجيب و تم الاستلام خلال 10 أيام تقريبا

معقول مش وحش و كنت على أعصابى بسبب الموضوع بتاع الاخ اللى انتظرها سنه ده

الحمد لله الذى بنعمته تتم الصالحات و أرجو من الجميع الدعاء لى سرا بأن يبارك الله لى فى سيارتى الجديده التى حصلت عليها بعد انتظار دام 20 سنه لاكون قادرا على سداد أقساطها :)

أتمنى من الله أن يجعلها باب خير و سعاده لى و لأسرتى الصغيره و أن يحفظنا و يحفظها من الحسد الذى هو آفه من آفات البشر و أن يكفينا شر المستخبى و الحوادث و أخطاء الآخرين بدايه من الفيزبا و الميكروباص إلى باقى ألعاب الأوكروبات التى نشاهدها على الطريق يوميا ووصولا إلى لصوص السيارت و غيرهم ربنا يحفظنا يا رب من شرهم و من انعدام ضمائرهم .

دمتم بخير و عافيه و السلام عليكم و رحمه الله و بركاته .

الف الف مبروووووووووووووك وربنا يحفظهالك ويديك خيرها ويكفيك شرها