عطل مفاجئ كيا بيكانتو 2010 وكيل مانيوال

**waelamin123** · 02-11-2013 06:53 PM

كنت عند مدرسة ابنى في التجمع الاول ركنت العربية وكله تمام نزلت انا والاولاد دخلنا المدرسة

نصف ساعة وخرجنا ندور العربية الانذار شغال والانوار تمام ماعدا العدادات الف المفتاح مش عاوزه تفتح او تدور العربية قولت اكيد فيوز فصل فتحت لوحة الفيوزات الحروف عليها مختصرة

قولت اكلم التوكيل كيا خدمة المساعدة على الطريق قولتلهم انا عاوز اكلم مهندس من الدعم الفنى

في القطامية او اى فرع تانى علشان انا كنت قريب من القطامية خمس مرات اتصال ومفيش حد يوصلنى بالدعم الفنى قومت متصل تانى قولتلهم عندكم ونش قاله ايوة قولتلهم بكام قالو 176 جنية

قولتلهم موافق من الشمس اللى شربتها على الطريق الكلام دة من الساعة 11 صباحا قالى الونش هايوصلك على الساعة 2 وصلت الساعة 2 كلمت الونش يقولى لسه معاه عربية لسة موصلتش المهندسين قولتله شكرا ونزلت على الحى العاشر ادور على ونش المهم لا قيت قالى نصف ساعة هايكون عندك وصلى 3.30 طلعت على التوكيل كان فيه حادثة جامدة جدا على الدائرى امام مرسيدس في اتجاة توكيل كيا القطامية طبعا وصلت 4:10 طبعا انا معندناش حد يوشفلك العربية احنا مشغولين قولتلة شكلة فيوز فاصل يعنى ممكن اروح بالعربية يقولى طب انتا اما عارف انه فيوز ماروحتش لكهربائى برة ليه قولتلة علشان العربية في الضمان وانا عامل كل الصيانات عندكم واخرها 35000 كم وحجزت اليوم صيانة 40000 كم المهم استلموا العربية وبكرة نكمل القصة طب مفيش عربيات توصلنا قالولى امشى لاخر الطريق وربنا معاك تلاقى تاكسى
طبعا واول اما دخلت البيت من العذاب اللى شوفتة مع توكيل كيا اليوم اتصلت بقسم الشكاوى وعملت شكوى من اللى حصلى اليوم. اسف انى طولت عليكم بكرة نكمل القصة ان شاء الله

**Silent~Dream** · 02-11-2013 09:54 PM

التوكيلات فى مصر عموما ادائها سى و استغلال رهيب و طمع وجشع الا من رحم ربى ربنا يرحمنا برحمته

**medo_sirion** · 03-11-2013 12:54 AM

المشاركة الأصلية كتبت بواسطة nodey

دمتم للنضال والكفاح اي المواطن المصري المطحون
ربنا معاك وان شاء الله بسية وتصرف صح من حضرتك انك روحت التوكيل كان ممكن كهربائي يلعب في حاجة في الدفيرة بتاع الكهرباء وتخرج العربية من الضمان
ان شاء الله ابقي طمني عملت ايه ربنا ييسر لك امرك

انا من وجه نظري مش تصرف صح يعني
مش عارف يعنى معتبرين ان اللي فى التوكيل دول خواجات وجاين من بره دول برضوا صنايعيه بيجبهم واللي بيفرق عن اللي بره اليونيفورم مش اكتر
باماره لما بتقف حاجه قدمهم بيعملوها بره واسالوا اعضاء هنا شافوا ده بعنهم

اللي اتعامل مع توكيلات فى مصر هيعرف انهم مش بيزيدوا عن المراكز او الصنعيه اللي بره
زياده سعر قطع الغيار + 10% ضريبة اكتر من كده ولا حاجه ومش علشان فيوز اتحرق اتمرمت بالمنظر ده
وياريتهم بيعترفوا فى الاخر وعاملين قسم للشكاوي علشان بس العميل يلاقى حاجه يطلع غله فيها اكتر من كدة ولا بيعملوا حاجه

**saddam** · 03-11-2013 02:11 AM

صديقي المواطن
متعاضدون معك ومتعاطفون معك قلبا وقالبا
والتصرف غير صحيح بتاتا فليست عربية معقدة عشان تروح التوكيل والتوكيل في هكذا أعطال يتداخل بها جهاز اﻹنذار شلة من الفشلة بفتح الشين واللام وكسر الصنايعية ولو وديتها ﻷي بتاع أجهزة إنذار كان عملهالك ب3 دقايق وحياخد 10 جنيه تفرج عالفاتورة في التوكيل وممكن يديك فتوى ويقلك أصل عربيتك فيها 4 فرد كاوتش وبتمشي عاﻷرض كمان المختصر التوكيلات المواطن بيعلمهم ولما بيشربوا الصنعة مش حيخدموك حيطلعوا.يفتحوا ورش بره لوحدهم
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

**احمد المصرى** · 03-11-2013 08:53 AM

التوكيل ما هو غير قطع غيار اصليه ويمكن يكون فيه بعض الاجهزه الحديثه والله اعلم بس صنايعيه عاديين جدااااااااااااااااااا واحيانا بيكون اقل من العادى كمان

**medo_sirion** · 03-11-2013 10:22 AM

المشاركة الأصلية كتبت بواسطة waelamin123

يا جماعة انا علبة الدركسيون كانت باظت ولما لاقو الضمان مختوم بالصيانات اتغيرت في الضمان

بس طبعا مش بالساهل الصنايعية برة احسن منهم انا لو كانت خليجى كانت رحمة بس اللى حصل وقتها وجبتها وكيل ومغير كلاكس ومراية شمال في الضمان بس طبعا كل حاجة معاها حبة صوت عالى علشان تتغير في الضمان

فكرتني بعلبه الدريكسيون
انا كان معايا بيكاتتو 2010 اوتو ونفس الاصوات سمعتها وعرفت علي كول انها علبه دريكسيون
بالصدفه عرفت ادخل والعربيه بتتعمل لقتهم بيعملولها طقم اصلا مش تغير وطبعا قالولي ان العلبه اتغيرت مع العلم انهم بيحطوا جلد علشان متعملش صوت خبط تاني مش بيغيروا زي مابيقولوا والكلاكس فكوا ورجلشوة وركبوة تاني
من الاخر توكيل كيا لو كنت وكيل ولا اجنبي حتي لو معملتلهمش مشكله في كيا كوريا مش هيعبروك
انا اصريت ان اشتري سول خليجى ازيد واحسن من الوكيل مييييت مره ومهمنيش الضمان لان لو حاجه حصلت انا بعرف ازاي اخليهم يجوا يخدوا العربيه من قدام البيت حتي لو كانت صينى مش وكيل

بس ده للناس الفهمه مش الناس اللي ماشيه جنب الحيط وبتقول ضمان ولو حد لعب في العربيه اطلع من الضمان
هما مين اصلا علشان يخرجوا عربيه بره الضمان
دول اخرهم تغيره زيت تيل ونصب علي العميل اللي المفروض جى توكيل محترم بدل ميدبهدل بره

-

-

الموضوع: عطل مفاجئ كيا بيكانتو 2010 وكيل مانيوال

LinkBack

أدوات الموضوع

عرض

عطل مفاجئ كيا بيكانتو 2010 وكيل مانيوال - انشر الموضوع فى :

-

-

-

المواضيع المتشابهه

كيا بيكانتو مانيوال خليجي

كيا بيكانتو 2008 مانيوال للبيع

هو سعر النترا 2007-2011 مانيوال وكيل بكام

بيكانتو مانيوال ولا اوتوماتيك

سيراتو اس اكس 2010 وكيل ولا هوندا سيتي 2010

الكلمات الدلالية لهذا الموضوع

المفضلات

المفضلات

ضوابط المشاركة