سبويلر كورولا 2007

**ادهم محمد** · 02-11-2013 07:29 PM

كورولا 2007 1600 جميع الكماليات ماعدا فتحة السقف كنت عايز اشيل السبويلر لانة منظرة مش حلو فى العربية على فكرة هو اصلى نازل فى العربية ولو شلتو هيبقى باين مكانة فى الشنطة وماهو الحل ياريت الافادة للضرورة

**eng.salama93** · 02-11-2013 07:53 PM

ياراجل حرام عليك دا الناس بتدور عليه عشان تشتريه و تركبه ف عربياتها

**ادهم محمد** · 02-11-2013 08:03 PM

ياباشا انا عارف كل الناس بتحب تركبة لاكن هية مسئلة ازواق مخ صعايدة

**eng.salama93** · 02-11-2013 09:00 PM

هههههههههههههه منا خايف اقولك شيلة تلاقي تحتيه مكان الأخرام ف الشنطة
و لما تيجي تبيع العربية حد يرخم عليك

**abofandy** · 02-11-2013 10:24 PM

بص ياباشا
اولا السبويلر دة شياكه اوى اوى بالذات في العربيات الكورولا خصوصا الى بتبقى نازل استوك بيه
بيبقى فمنتهى الشياكه فعلا سواء مكانة او ارتفاعة عن الشنطة او نظام الاستوب والاضاءة فيه بيقى
احسن مليون مرة لو اشتريته وركبته الاورجينال بتاعها لا يعلى علية

انا بقول الكلام دة لية .. مستحرررررررررررررم انك تشيلة جدا اى نعم هى مسالة اذواق بس اوع تشيلة لان
كنت شوفت واحد صاحبى شاله بس شاله لانه وقع علية كيس زباله جامد في النص فكسره هحب يبدله فحضرت شيلة ... غير ان شكل العربية بقى اقرع من الخلف .. مكان الاخرام كان شكلها وحش اوى واتطر يجيب واحد بس مكنش في متانه الى كان موجود .. الحاجة الاورجينال بتاعتها تقيل مصنعها حاجة تانية

ثانيا : ناس كتير بتتمنى عربيتها يبقى فيها اسبويلر وانا واحد منهم كنت اتمنى 2014 ينزل فيها اسبويلر بس للاسف يلة بقى نعمل اية ... تانى الرياح بما لا تشتهى السفن

**roffa1** · 05-11-2013 03:11 PM

لونه ايه

**ادهم محمد** · 06-11-2013 02:39 PM

سماوى

**REHAN84** · 08-11-2013 01:33 PM

لو لونها اسود انا مستعد نبدل باب الشنط وتاخد الفرق انا جاد جدا او ممكن اشتريه منك وارشه شوف السعر وانا اخده لو اصلي فعلا

**Lifz_Good** · 09-11-2013 06:08 PM

ال سبويلر راكب من كل ناحية بمسمار+كلبس أبيض
بعد ما تفك المسمارين وتفزز الكلبسين بالراحة علشان لو اتكسروا انسى انهم يتغيروا (لأنهم جزء من لحمية بلاستيك ال سبويلر)
هتلاقي اللي اتبقى عندك سلك زيادة (اللي كان واصل ل الليد الأحمر في ال سبويلر)
وكمان أربع أخرام (اتنين ف كل ناحية)
.............................
ملحوظة هامة:
لأ حقيقي هامة:
فيه دابل فيس فابريكا بيبقى ماسك ولازق السبويلر بجسم الشنطة
بيقوم بوظيفتين: انه يلزق//وإنه يشكل طبقة اسفنجية رقيقة لمنع صدور أي صوت لو اهتز ال سبويلر في مكانه
المادة الدابل دي بيبقى بالظبط زي اللي ملزوق بيها الكتابة النيكل اللي عالشنطة ورا
((( يستحيل تعرف تشيل ال سبويلر مع الحفاظ عليها لإعادة إستخدامها)))
ولو حتى حصل وطلعتها سليمة ...... انسى انها تلزق تاني
.
.
.
كلامي عن تجربة
وشرحتلك كل ما يخص الموضوع
.
.
انت بكيفك لو حبيت تشيله بعد الكلام دا أوك .........
بس ابقى اركنه عندك علشان تركبه تاني لو جيت تبيع
والخروم ف الشنطة سدها بشمع أو سيليكون .......
أو فوم من بتاع التلاجات اللي بيترش دا واملى فيه الفجاوي من جوا وهيا هتسد الأخرام لوحدها
بعد ما تنشف تساوي الزيادات مكان الأخرام مع جسم السيارة ولك ان ترش أو تسيبها كدا