عايز اشتري سزوكي ماروتي 2014

**Hosam_fouad** · 02-11-2013 10:57 PM

بصوا بقا .

انا كنت بفكر في لانوس .... بس القسط بتاعها غالي . (وانا لسه في أول حياتي ولسه مخلص كليه)

قولت اجيب النيفا واظبطها .... بس لقيت فيها مشاكل في الكردان والكرونه وصعبه في البيع .

قولت خلاص اروح لعربيه الشعب 128 مالها زي الفل ....... قالولي مش هتستحملك الشاسيه كل شويه بيتفح وقديمه وكل شويه تصليح مش ناقصه

قولت اروح لعربيه الشباب الماروتي ,,,,,,,, انا بفكر دلوقتي اشتري ماروتي 2014 لما تنزل قسط

ممكن يا أهل الماروتي تقولو ليا عيوب الماروتي علشان مركبتهاش قبل كدا
انا خايف منها علشان خفيفه وواطيه ومش هتستحمل المشوار الكتير بتاعتي البعيده . .

ويا تري البيه الحرامي ..... بيسرق ماروتي ؟؟؟؟؟ اصل عندنا يوميا كل يوم بيتسرق عربيه او اتنين من علي البحر (كورنيش اسكندريه) هنا في بالأخص في الشتاء واتسرق قبل كدا مننا فيرنا .
اصل خساره فيها جراج ب 400 جنيه شهرا .

معلش انا طولت عليكم

**مهند-النجار** · 02-11-2013 11:12 PM

مش هقدر الملك كل العيوب والميزات ف مشاركة واحدة بس عندك القسم لف واتفرج

العربية مش واطية و مبتحكش واسال اي حد و بتستحمل المشاوير دونت وريي و خفيفة اة بس صدقني ثابتة عن عربيات اتقل منها بس متعديش ال 120

باختصار العربية حلوة وشغالة بس بتعاني من بعض عيوب الصناعة و توكيل نفيخ شوية

بس هتريحك م التصليح والصنايعية وسواقتها ناعمة وبتجري وكل ما تتمناه و بما ن العربية بقت ب 47 الف ودول يجيوا عربيات استعمال كويسة جدا فراجع نفسك - لو الكاش حاضر - لو لا اتكل ع الله وهاتها

**Hosam_fouad** · 02-11-2013 11:18 PM

المشاركة الأصلية كتبت بواسطة مهند-النجار

مش هقدر الملك كل العيوب والميزات ف مشاركة واحدة بس عندك القسم لف واتفرج

العربية مش واطية و مبتحكش واسال اي حد و بتستحمل المشاوير دونت وريي و خفيفة اة بس صدقني ثابتة عن عربيات اتقل منها بس متعديش ال 120

باختصار العربية حلوة وشغالة بس بتعاني من بعض عيوب الصناعة و توكيل نفيخ شوية

بس هتريحك م التصليح والصنايعية وسواقتها ناعمة وبتجري وكل ما تتمناه و بما ن العربية بقت ب 47 الف ودول يجيوا عربيات استعمال كويسة جدا فراجع نفسك - لو الكاش حاضر - لو لا اتكل ع الله وهاتها

هي الميزه زي ما بتقول هتريحي من التصيح والصنايعيه والكلام دا :d

لا طبعا اكيد الكاش مش جاهز علشان كدا بقولك عايزها قسط

اه انا سمعت ان التوكيل بتاعها معفن بس قصدك ايه بانها بتعاني ببعض عيوب الصناعه ؟

**مهند-النجار** · 02-11-2013 11:21 PM

المشاركة الأصلية كتبت بواسطة hosam_fouad

هي الميزه زي ما بتقول هتريحي من التصيح والصنايعيه والكلام دا :d

لا طبعا اكيد الكاش مش جاهز علشان كدا بقولك عايزها قسط

اه انا سمعت ان التوكيل بتاعها معفن بس قصدك ايه بانها بتعاني ببعض عيوب الصناعه ؟

بالنسبة للتوكيل فهو تقدر تقول كدة بيكسل يغير الحاجة المعيوبة طول ما العربية ماشية ملكش عنده حاجة و لو شوفت مواضيعي هتلاقي كلام عن الموضوع دة

اشهر العيوب اسطوانة الدبرياج الا وهي خارج الضمان

**Hosam_fouad** · 04-11-2013 12:11 AM

المشاركة الأصلية كتبت بواسطة مهند-النجار

بالنسبة للتوكيل فهو تقدر تقول كدة بيكسل يغير الحاجة المعيوبة طول ما العربية ماشية ملكش عنده حاجة و لو شوفت مواضيعي هتلاقي كلام عن الموضوع دة

اشهر العيوب اسطوانة الدبرياج الا وهي خارج الضمان

ايه حكايه الأسطوانه دي كمان مالها ؟

**man_22** · 06-11-2013 10:55 PM

العربية اقتصادية جدا وهتريحك فى كل حاجة كل حجتها برخص التراب واى ميكانيكى يقدر يشتغل فيها صلى صلاة استخارة ومش هتندم ابدا بجد عربية الشعب عمرها ماكسفتنى

**Hosam_fouad** · 07-11-2013 08:07 PM

المشاركة الأصلية كتبت بواسطة man_22

العربية اقتصادية جدا وهتريحك فى كل حاجة كل حجتها برخص التراب واى ميكانيكى يقدر يشتغل فيها صلى صلاة استخارة ومش هتندم ابدا بجد عربية الشعب عمرها ماكسفتنى

الف شكر يا باشا .... :d

هو انا لو اشريت حاجه موديل 2010 مثلا .... هتكون مريحه وشغل صيانه روتنيه ولا هتكون فاتحه بوقها وكل شويه مصاريف ؟