أنا لو مكان حضرتك علي التوكيل عِدل..لأن أي مشكلة هتقابلك بعدها لا قدر الله تبقي مسئوليتهم بدون وجع دماغ..الأمر لله ثم لك
ما يتم تغييره :-
- جميع شدادات الموتور
- جميع السيور بالبلي بتاعها
- مياه تبريد الريداتير
- زيت الموتور
- زيت الفتيس ( بـ 1800 جنيه لوحده )
- طقم بوجيهات
- جميع الفلاتر ( هواء - بنزين - تكييف - زيت موتور وفتيس )
- تنظيف بوابة الإنجيكشن والماف سينسور
- مراجعة العفشة بالكامل
- مراجعة الفرامل ( تيل وطنابير وتغيير ما يستوجب تغييره )
- مراجعة الإطارات.
نصائح :-
- بعد العمرة الشديدة دي اغسل العربية غسلة محترمة متستخسرش فيها كار كير بـ 150 جنيه بجملة المصاريف بتاعة الصيانة.
- بعد الغسيل تسيب العربية تنشف خالص وبعدها ترش Wd-40 علي كل مسمار في العفشة وعلي الجلب وعلي مفصلات الأبواب والشنطة والكبوت.
- بعد الصيانة متقرصش جامد علي الموتور علي طول
- كل يوم الصبح قبل الدوارة بص علي مستوي المية بتاعة التبريد لمدة 3 أيام لأن في بعض الأحيان بسبب فك غطاء القربة وتنظيف دورة التبريد ممكن يدخلها نسبة هواء بسيطة وممكن يحصل تبخير.
* لو عملت كل الكلام ده..هتنعم بسيارة بحالة الزيرو شكلاً ومضموناً..ربنا يوفقك ومبروك مقدماً.
المفضلات