نادي لاجون بالاسكندرية

**aliabutaleb** · 17-08-2009 12:54 PM

المشاركة الأصلية كتبت بواسطة mohamed2002

النهاردة الجمعة كنت مع واحد صحبي في لاجون & قابلت سيلز وقالي النظام
250 استمارة حجز
350 مصاريف ادارية وبنكية
226 قسط شهري لمدة 5 سنوات
يعني الاجمالي لما حسبها قالي تقريبا 13500
بس المشكلة ان النادي وبرضة اكاسيا الارض بتاعتهم حق انتفاع حتي 2018 ومنعرفش ما المصير بعد 2018
الابليكشن مكتوب في ان العضوية تنتهي في 2018 وتجدد باشعار اخر.
اية رائيكم بالنسبة لنقطة حق الانتفاع ؟ويا ريت الاعضاء يشاركونا بارائهم؟

انا رحت من حوالي سنة
في الأول اتقال لي ان التقسيط مباشر مع النادي
ولما رحت عشان اتفق فوجئت بوجود مندوب البنك
فصرفت نظر بصراحة لعدم أمانة اللي شرح لي النظام
ولما صرفت نظر واجهت صعوبة مريرة في استرداد المبلغ المقدم اللي كنت دافعه على تفاهته بس مرضيتش أسيبه
واسترديته في الآخر

**mood_8210** · 19-08-2009 08:51 AM

و الله يا جماعة الواحد مستغرب من اسعار الاشتراكات دى
ادفع 50 الف جنية عشان اعد فى النادى شوية و اروح ؟؟؟؟؟؟
دة انا اجمع انا و جيرانى المبلغ دة و نشترى حتة ارض حتى لو صغيرة و نعملها نادى و اهو على الاقل حيبقى ملك و كمان مشروع دة لو دخلنا حد معانا و لو مدخلناش اهو لما يبقى النادى فية 100 شخص احسن ما يكون بالالاف

ارجو ان محدش يستهزأ بكلامى بس فعلا العقل بيقول كدة

**kh_talaat** · 19-08-2009 08:59 AM

المشاركة الأصلية كتبت بواسطة mood_8210

و الله يا جماعة الواحد مستغرب من اسعار الاشتراكات دى
ادفع 50 الف جنية عشان اعد فى النادى شوية و اروح ؟؟؟؟؟؟
دة انا اجمع انا و جيرانى المبلغ دة و نشترى حتة ارض حتى لو صغيرة و نعملها نادى و اهو على الاقل حيبقى ملك و كمان مشروع دة لو دخلنا حد معانا و لو مدخلناش اهو لما يبقى النادى فية 100 شخص احسن ما يكون بالالاف

ارجو ان محدش يستهزأ بكلامى بس فعلا العقل بيقول كدة

كلام حضرتك منطقي طبعا

بس للأسف العملية عرض وطلب واشتراكك في نادي يعتبر من الضروريات وبعدين المبلغ اللي حضرتك بتدفعه في الأول بيبقى اشتراك ليك وأسرتك وزريتك من بعدك

ومثلا لو متزوج وعندك أطفال بتبقى محتاج على الأقل كل اسبوع تخرجهم دة غير الأنشطة الرياضية الموجودة في النوادي زي السباحه وكرة القدم والرحلات ... إلخ

بالإضافة الى ان النادي قانونا هو جهه لا تهدف للربح يعني اي مشروبات ومأكولات وأنشطة بيقدمها النادي بتبقى بسعر التكلفه

**mohamed2002** · 28-08-2009 02:29 PM

طيب يا شباب اية قصة موضوع ان الارض ملك للمحافظة ويتنهي حق الانتفاع في 2018؟؟

**aliabutaleb** · 28-08-2009 06:10 PM

المشاركة الأصلية كتبت بواسطة mohamed2002

طيب يا شباب اية قصة موضوع ان الارض ملك للمحافظة ويتنهي حق الانتفاع في 2018؟؟

معلومة مظبوطة 100% أكدهالي مسئولي النادي لما رحت
بس هما حاططين في بطنهم بطيخة صيفي ان حق الانتفاع هايتجدد هايتجدد
متعرفش جايبين الثقة دي منين على حاجة قدامها عشر سنين
يكون ناس ماتت وناس اتولدت وحكومات وانظمة انتهت وغيرها حكمت