الموضوع: دليل نقل ملكية السيارة

المشاركة الأصلية كتبت بواسطة morieno

انا اشتريت عربيه ملاكى أسوان وأنا ساكن فى القاهره

محتاج حد يقلى بالتفصيل الممل خطوات نقل ملكية وترخيص سيارة من محافظه لمحافظه تانى والأورق المطلوبة

وشكرا

انا لسة مخلص النهاردة نقل ملكية بس من مرور المزهة ل مرور مدينة نصر بس معتقدش فى فرق بين النقل بالمحافظات,,,,
المهم ندخل فى الاجراءات....

1- احضار شهادة مخلفات من المرور القديم.
2- عمل عقد بيع موثق (غير معترف بالتوكيل فى عملية النقل)
3- شراء ورق نقل ملكية من المرور الجديد (نماذج فحص & ورقة تامين).
4- تدفع التامين الاجبارى حوالى 100 جنية السنة.
5-بعد فحص العربية وفحص الطفاية تشترى ملف وتفك النمر وتقدم كل دة للشباك.
الورق المقدم هوة (عقد البيع الموثق&التوكيل&الرخصة القديمة&صورة بطاقتك&شهادة المخلفات&نماذج الفحص&التامين الاجبارى&النمر القديمة&ايصال اللى خدتة بعد دفع رسوم عقد البيع الموثق).

6- بعد تقديم الورق هيقولك الموظف قيمة الرسوم المطلوبة (فى حالتى انا كانت لانوس 2005 ودفعت 320 جنية لسنة واحدة)
7- بعد كدة تستنى لما يقولوا اسمك علشان تستلم الرخصة.


ملحوظة: لازم تكون الرخصة القديمة سارية لو مش سارية لازم تجيب شهادة بيانات

اتمنى انى اكون افادتك واسف للاطالة,,,,,,

هية المشاركة بتاعتى مش باينة لية؟؟

الاخ el rasy
بجد ربنا يكرمك افدتنى جدا بمعلوماتك المختصره المفيده
بس ليا عندك استفسار
- عمل عقد بيع موثق (غير معترف بالتوكيل فى عملية النقل)
هو العقد ده انا اللى بعمله فى الشهر العقارى صح ولا ايه ولو صح بعمله فى الشهر العقارى التابع لسكنى انا ولا التابع للرخصه
الفحص ده لو فى خبطه فى العربيه حيقرفونى ولا ايه
والطفايه انا عندى طفايه بس حابب اعرف لازم اشترى جدييد ولا لأ
انا طولت عليك جدا اسف بس ياريت تجاوبنى

بص على الموضوع ده

http://www.nilemotors.net/Nile/78171-a.html

المشاركة الأصلية كتبت بواسطة ahmed0nouh

بص على الموضوع ده

http://www.nilemotors.net/nile/78171-a.html

سلم الأيادى وإلى الأمام