الموضوع: اللي عايز تقسيط غير ربوي يروح المعرض ده( خلاصه الكلام)

المشاركة الأصلية كتبت بواسطة shoumashaheen

السلام عليكم يا جماعة الخير

بما إننا بتكلم فى أمور متعلقة بالشرع و بما إننا لسنا بأهل للفتوى يبقى لازم نتفق إن محدش فينا يقول الألفاظ دى :
[all1=#29469e]أنا رأيى , أنا شايف , أنا بأعتقد [/all1]
ومع بالغ إحترامى الشديد لك يا أخى يا أمير , و أرجو أن لا تأخذ كلامى على محمل عدوانى أو شخصى
ولكنى أقول هذا الكلام من ناحية قول الله تعالى فى صورة العصر{و تواصوا بالحق و تواصوا بالصبر}

فواجب علينا أن نتواصى و أن نتناصح فيما بيننا بالحق
و حققك عليا يا أخى يا أمير أن أنبهك إلى خطورة التحدث فى الأمور الشرعية بالرأى الشخصى
فما كان يجب أن تقول الجملة التالية :


فواجب علينا أن لاندخل الهوى فى الأمور المتعلقة بالشرع و إلا لفسد الدين بالكلية
وأكرر يا أخى يا أمير إنى بأذكر نفسى و أيانا بالكلام ده لخطورته الشديده

و إحنا طبعا عارفين جزاء من يتحدث فى الدين بغير علم

فيما يلى رأئ الشرع فى مسأله القسط :

ما حكم شراء السيارات بالتقسيط من معرض سيارات مباشرة بدون وساطة بنك ؟
الإجابة:
البيع بالتقسيط يعنى زيادةثمن السلعة نظير تقسيط ثمنها وهذا جائز بشرط أن يتم الاتفاق بين الطرفين على مجمل سعرالبيع ومواعيد سداد الأقساط بوضوح، وضرورة أن تكون الزيادة جزء من السعر وغير منفصلة عنه .
ولا تكون هناك زيادة مقابل التأخر فيالتسديد فلو كان سعر السيارة نقدًا عشرة آلاف مثلاً، وسعرها بالتقسيطاثنا عشر ألفًا إذا كان التسديد على سنة، أو ثلاثة عشر ألفًا إذا كان التسديد علىسنتين، فإنه لا بد أن يتفق الطرفان في مجلس العقد على الطريقة التي سيتم بها البيعإن كان نقدًا أو بالتقسيط على سنة أو بالتقسيط على سنتين، فإذا اتفقا مثلاً علىالتقسيط على سنة فلا يجوز أن تكون هناك فوائدُ في حالة التأخر عن سداد قسط منالأقساط.
والخلاصة:
أنه لا بأس من شراء السيارة بالتقسيط بشرط إتمامالاتفاق على طريقة الدفع من غير أن تكون هناك نسبة زيادة عند التأخر في السداد،والله أعلم.

المصدر : أ . د / عبد الرحمن البر

موقع إخوان أون لاين - 28/02/2006م

---

#5062a8

و بناءا على كلامى السابق ده أنا حأرد على كلامك ياأخى أبو مريم :

بأكرر تانى كلامى اللى قلته من حوالى يومين : إنى قرأت الموضوع ده صفحه صفحه بسبب أهميته الشديدة ليا
و كنت سعيد جدا بيكم يا جماعة الخير و أنتوا من سنة و نصف تقريبا و أنتوا بتبحثوا على الحلال اللى بيرضى الله سبحانه و تعالى

و تابعت فى الموضوع ده إزاى كنتم بتتكلموا على الطرق و البدائل المتنوعة لعمل قسط إسلامى بعيد عن أى شبهة

ففى البدايه كنتم بتتكلموا على نظام عبداللطيف جميل
ثم بدأتم تتكلموا على نظام كونتاكت الإسلامى
و بعدين عملتم مقارنات ما بين النظامين و أيهم أقرب للشرع

و شفت محاولاتكم فى عرض النظامين على عدد من الشيوخ للأخذ برأى الشرع فيهم
و سعدت جدا بمحاولاتكم لتغيير العقود دى لإزالة إى شبه أو أى مخالفات شرعية

و شفت لما إتصدمتم بنظام كونتاكت و إنهم بيخدعونا و معندهمش أمانة و بيضحكوا على المشايخ عن طريق عمل عقد كل بنوده موافقة للشرع لكن كل المخالفات لازالت موجودة فى ملحقات العقد

بعد كده شفت رأيى حد فيكم يا جماعة الخير و هو بنك فيصل فرع عباس العقاد و إنه نظامى إسلامى أقره الشيخ علي السالوس

و شفتكم يا أخى يا أبومريم و أنتوا بتحاولوا تقابلوا مدير البنك دة لسؤاله عن العقد و الإجراءات
و حسيت إنكم كنتم تقريبا مستغربين الموضوع ده لإحساسكم إن موضوع البنك ده فى شبهة

إلى أن جاء الأخ محمد سامى جزاه الله خيرا و قال رأى الشيخ الدكتور حسين شحاتة فى الصفحة التالية :

http://www.nilemotors.net/nile/24323-a-16.html

تعريف بالدكتور حسين شحاتة:
• دكتوراه الفلسفة في المحاسبة الإدارية من جامعة براد فورد ـ إنجلترا .
• أستاذ المحـاسبة والمراجعة بكليـة التجارة جامعـة الأزهر، ورئيس قسـم المحاسبة الأسبق.
• يُدَرِّسْ علـــوم الفكر المحاسبي الإسلامي، ومحاسبة الزكــاة بالجامعــات العربيــة والإسلامية.
• محاسب قانوني، وخبير فى المحاسبة والمراجعة والزكاة.
• مستشار مالي وشرعي للمؤسسات المالية والإسلامية .
• مستشار لمؤسسات وصناديق الزكاة فى العالم الإسلامي.
• مستشار لهيئة المحاسبة والمراجعة الإسلامية بالبحرين.
• عضو الهيئة الشرعية العالمية للزكاة - الكويت.
• عضو جمعية الاقتصاد الإسلامي - مصر.
• عضو المجلس الأعلى لنقابة التجاريين.
• الأمين العام لشعبة المحاسبين والمراجعين المزاولين.
• له العديد من المؤلفات في مجال الفكر المحاسبي الإسلامي، والفكر الاقتصادي الإسلامي، والفكر الإسلامي، وموسوعة فقه ومحاسبة الزكاة.


و عشان أتأكد من مصداقية ذلك الدكتور : قمت بزيارة موقعه www.darelmashora.comعشان أعرف طريقة كلامه إيه
قلت لو وجدته مثلا إنه بيقول إن فوائد البنوك حلال : مكنتش حصدقه بعد كده فى أى حاجه بيقولها

لكنى وجدت فى الموقع ده مواضيع كويسة و موافقة لكلام معظم العلماء الربانيين اللى فى العالم الإسلامى كله.
فبصراحة حسيت إنه رجل ثقة (أحسبه كذلك و لا أزكى على الله أحد) و قلت واضح إنه أهل للفتيا فى مواضيع الإقتصاد الإسلامى و الربا و ما شابه

فلقيت الراجل ده بيقول رأيه فى موضوع عبد اللطيف جميل كالتالى :

ج- رأي الشيخ بالنسبة للشركة العالمية وبعد الاطلاع على العقد:
1- توجد بعض الملاحظات ولكنه أقرب للشرع
2- أقترح الشيخ بعض التعديلات على صيغة العقد ليخرج عن الالتباس ويتحدد المعنى
3- بالنسبة لحظر البيع قال أنه لا توجد به مشكلة
4- بالنسبة لحفظ الملكية للشركة حتى انتهاء الأقساط: قال أنه يوجد رأيين أحدهما لا يجيز ذلك والأخر يجيز ذلك عند خوف عدم السداد ونأخذ به عند الضرورة
5- بالنسبة للتعويض عند المماطلة: قال هو ضروري لكي ينتظم الناس فى السداد طالما أنها ليست فائدة على الأقساط ولكنه اقترح كتابة "أن التعويض يلغى إذا تأكدت الشركة أن المشتري معسر ولايستطيع الدفع" لأن إمهال المعسر من الاسلام -"المعسر هو من لا يستطيع دفع الدين فعلا"
6- بالنسبة لباقى العقد اقترح الشيخ بعض التعديلات غير الجوهرية وقال أنها أفضل
7- خلاصة قول الشيخ أن العقد لا بأس به عند الاحتياج لشراء سيارة ويفضل تغييره وايضاح المعاني الغير واضحة ويفضل إلغاء التأمين وإلا فيكون مع شركة إسلامية



وعايزك ياأخى يا أبو مريم تنتبه لحاجة مهمة : إن الكلام ده كان بتاريخ 20 يونيو 2008
يعنى من أكثر من سنة و نص

و دلوقتى بعد سنه و نص أقدر أؤكد لك إن عبد اللطيف جميل غير بعض النقط اللى كانت فى العقد ده
على سبيل المثال : موضوع التأمين الإجبارى كان موجود قبل كده لو كنت حتدفع مقدم أقل من خمسين فى المية و لو مش عايز تأمين كنت لازم تتدفع 50 % مقدم
دلوقت تقدر تتدفع 25% بس و من غير تأمين
و يكفى إنه مفيش بنك فى النص
و يكفى إنه مفيش غرامة تأخير
و يكفى سمعتهم الكويسة فى السوق ....

أى نعم هما شروطهم ممكن تكون مشددة شويه : يعنى مثلا زى ما بيمضوك عليا كمبيالات شهريه لك كمشترى و زوجتك كضامن , فكمان بيمضوك على وصولات أمانه بعدد السنين أنت و زوجتك , فده من باب إنه بيضمن حقه عشان محدش ينصب عليهم

و النظام ده موجود مع أى حد تانى عايز تجيب منه عربيه بالقسط المباشر معاه



أنا مش جاى أعملهم إعلانات ولا حاجة ..... لكنى حبيت أوضح الصورة الحالية لتعاملهم معانا
و بأقترح لو حد يقدر يجيب صورة العقد و نقوم بعرضها على أكثر من شيخ عشان نتأكد أكثر

و فى الأخر أنا أسف على الإطاله : و أسأل الله الإخلاص فى القول و العمل

أخوكم هشام

سبحانك اللهم و بحمدك أشهد أن لا إله إلا أنت أستغفرك و أتوب إليك

.

الحقيقة قد استرحت نفسيا واقتنعت بمعرض عبداللطيف جميل ... ولكن حدث تغيير عندهم من أول عام 2010 :
1- لالغاء التأمين الاجباري لا بد من دفع 60% من الثمن.
2- الفائدة في غير دايهاتسو أصبح 10% بدلا من 9%.

على الرغم من موافقتي على كل هذا التغييرات . لكن توقفت عند الحالة التالية:

كنت أنوي شراء سيارة النترا (اعلى مواصفات) ولكن لم تكن موجودة بمخازنهم ... ولكن اشترطوا علي قبل شرائهامن الوكيل أن أقوم بدفع كامل المقدم (وامضاء الكمبيالات) ... فاعترضت حيث أني أرى أن هذا بيع لما لا يملك.

على الرغم من أني عرضت أن أدفع ضمان جدية تعاقد مبلغ 5000 جنيه الى ان تنتقل السيارة الى حوزتهم ثم نتم بعدها عملية البيع ......

هل تصرفي هذا صحيح في ضوء معلومات هذا المنتدى ... أم أني متعنت بزيادة