ده شرح ممتاز وجدته على منتدى اجنبي لكيفية تغيير تيل الفرامل الامامى لسيارة لانوس
وبصفه عامه ينفع لبعض السيارات ايضا
ملحوظه:قد اخطاء فى بعض المسميات .فعذرا
الادوات المطلوبة:
1-مفك صليبه
2- مفك عاده
3-شحم عادى
4-شحم نحاسي(معرفش ايه ده)
5-منظف تيل(اسبراى)
6_زرجينه حرف G اللى هى البتاعه الزرقا اللى فى الصوره
7_بنسه رفيعه
8-تيل جديد طبعا
9_علبة هواء مضغوط
10_كشاف صغير
11-تحميله عشان نحط العربية عليها
12-مفتاح الانكيه
اولا نفك الفرده بالطريقة العاديه
لاتعتمد على استعمال الكوريك اثناء الشغل لانه ممكن يسقط.لابد من استعمال تحاميل
كده كشفنا الطنبورة والتيل والخزنه
نفك الواير بالمفك العادى من الخرمين عشان نفك التيل الخارجى
نفك مسمار الانزلاق الداخلى المشار اليه فى الصوره عشان نفك الخزنه ثم التيل الداخلى
نسحب الخزنه لبره باستعمال المفك العاده
لو زرجنت,نستعمل شاكوش
شكل التيل القديم .معرفش كان ماشي بيه ازاى
الفرق بين التيل القديم والجديد
هو هنا بقي نضف المجموعه بزجاجه الهواء المضغوط ده عشان الرواسب والشوائب
هنا بقي فتح علبة زيت الباكم.عشان لمما يزق مكبس الخزنه يرجع معاه بسهوله ومايكونش فى مقاومه هوا فى دايره الفرامل
وسحب شويه زيت عشان لمما المكبس يرجع,هايرجع زيت فى العلبه .فميكبش زيت
ممكن تسحب بسرنجه لو البتاعه ديه مش متوفره
عشان يفك التيل الداخلى,لازم يزق المكبس لجوه.لو عصلج. هايستعمل الزرجينه حرف G
التيل الجديد مكان القديم.مع مراعة اختيار اتجاه التيل المظبوط(يوجد واحد مخصوص للداخل والاخر للخارج)
وده التيل الخارجى
نرجع المجموعه مكانها
ننظف المسمار ده بمنظف التيل ده
شكله بعد التنظيف.
ونغسل الواير كمان بالمره
هنا هو وضع الشحم النحاسي على الجزء المقلوظ للمسمار
وشحم عادى على الجزء المنزلق
رجع بقي كل حاجه زي ماكانت
والواير كمان بداء من الفتحه السفليه الاول ثم العلويه
ونربط الفرده
المفضلات