الموضوع: حصري لصقور نيســـان::تركـيب عـزل أرضـية للصـوت +تنجيد كراسي نيسان صني + مفاجأة حصرية

السلام عليكم ورحمة الله
يامعشر الصقور كيفيك كده وصحتكم عاملة ايه :))
اما بعد
الموضوع هاقسمه لعنصرين
1- عزل ارضية الصني
2- تنجيد الكراسي الامامية

1- عزل الارضية

بفضل الله ثم اخى احمد مصطفى (احمد تي في) عزلت ارضية العربية
كنا بندردش من فترة انا واحمد فى مقابلة من مقابلتنا الخاصة واتكلمنا كتير فى عزل الصنى وازاى باى طريقة نحل المشكلة دى
فقالى سبنا افكر واتكتك وحقولك
لقيت العمدة احمد مصطفى بيكلمنى وقالى انا اقترحت على الحاج احمد موضوع عزل الارضية زى فكرة التنجيد والراجل رحب وقالى هات حسين ونعمله فى الصنى عنده
فقالى احمد مصطفى ايه رايك نعمله فى عربيتك وانت بتنجد الكرسى بالمرة
ونشوف هتأثر علي عزل العربية ولا لأ

وبالفعل احمد مصطفى اتفق مع الحاج احمد مشعل علشان نحدد ميعاد اروح اعمل العزل مع تنجيد كرسي السواق علي حسب العرض الجميل اللي حاج قدمه للصقور اللي حضروا المقابلة السابعه

وبصراحة انشغلت شوية

وقدرا كنت معدي علي الحاج احمد اسلم عليه ..... قالي هات مفتاح عربيتك نركنها علشان الشارع ضيق .... قلتله اتفضل

مفيش دقيقتين لقيت الكرسيين بتوع العربيه قدامي هههههههههههه ........ قتله ياحاج والله مش هاينفع علشان وقتك و ظروف شغلك خليهم في وقت تاني

قالي مفيش مشكلة ونشتغل في العزل بالمرة علشان منفكش الكراسي في يوم تاني.

بفضل الله كان العمال شغالين في الكراسي و عامل بيجهز اللباد اللي هايتحط في الارضية و واحد بيفك الارضية بالكنبة بالفبر ........ وماشاء الله عاجبني انهم عارفين مكان كل مسمار بيركب وبيتفك ازاي.

وعلي ما قد كنت متضايق جدا جدا من ساعه ماشوفت ارضية العربية وانهم حتي مش مكلفين نفسهم يحطوا طبقة عزل محترمة في عربية زيرو ويادوبك شريجة لباد 20 سم تحت كل كرسي وخلاص

علي قد ما اتبسطت جدا من صوت العربية بعد ما

اتقفلت ومشيت .

الوقت: مخدتش ساعتين علي بعض علي ما اتذكر.

الاداء بقي : ماشاء الله تبارك الله ...... اول مرة احس اني راكب عربية محترمة زي اليوم ده ...... حسيت اني راكب عربية ياباني فعلا وصوت الارض ولا صوت رملة ولا مية بخبط في ارضية العربية واصلي

ولا حتي صوت العربية حاسس انه وطي جدا بطريقة ملحوظة وبحرق علي الغيارت ومش متضايق ماشاء الله

فعلا تجربة جميلة ومميزه جدااااااااااااا والحمد لله لاني كنت متضايق من صوت الصني العالي.

وديه صور للفك والتركيب هي بليل للاسف بس واضحة ان شاء الله

2- تنجيد الكراسي

وطبعا كلامي مش هايزيد كتير عن كلام الاعضاء اللي راحوا واستفادوا بالعرض ده وقد ايه الكرسي بقي كرسي فعلا و بقي الواحد يقعد عليه وقت ما يقعد ميتعبش زي الكرسي بتاع الفابريكة

الكرسي بقي ممتاز وطري و بياخد ويدي في المطبات ماشاء الله غير القديم لكني قاعد علي سيراميك.

واخيرا احب اشكر الحاجة احمد مشعل علي الاستضافة الجميلة جدا وخاصة ان كان معايا اختي و انبهرت جدا بشخصيته الجميلة وقد ايه القاعده معاه جميلة وتحس انك قاعد مع اخوك او ابوك او حد انت ترتاحله لمجرد انك تتكلم معاه ... احسبه علي خير ولا ازكيه علي الله

واشكر حبيبي ابو حميد ( احمد مصطفى ) عمدتنا
علي افكاره واقتراحاته اللي بتخلينا نحس قد ايه في ناس محترمة وبتخاف علي بعض و كمان بيدور علي راحة الناس في عربياتهم


قريبـــــــــــــــــــــ ــــــــــا

عرض خاص جدا للصقور: سعر خاص جدااااااااااا لعزل الارضية بالاتفاق بين احمد تي في و الحاج أحمد مشعل

اتمني يكون الموضوع نال اعجابكم
اخوكم حسين جمال
واقعدوا بالعافية :))

1000 مبرووووووووووووك يا سحس ع العزل والكراسى
وعلى فكرة فى كبسة ضبطية النهاردة على الحاج احمد فى جينز كار
تم تحرير محضر للعضو الأ م و ر بيشوى بيركب عازل للارضية والابواب والحاج احمد كمان اخترعلنا حل لتعلية مسند اليد بين الكرسيين بكسوة جلد مبطنة بالاسفنج
وده بعد ما كان فى اتوايجيبت الصبح وركب الزينون على خير فى الفوجات ... مبروووووووووووك يا بيشوى مع طقم النايت برايكر h1
وكمان تم القبض على المدعو احمد مصطفى كبير الصقور متلبس بالكلام فى تليفونه اللى ما بيبطلش رن واتصالات وشكاوى من اعضاء القسم الموسوسين اللى مش سايبينه ليل ولا نهار .. وتم الافراج عنهم بكفالة على ذمة التحقيق فى قضية تنظيم مقابلات سرية دون اعلانها فى القسم
هذا وسنوافيكم فيما بعد باخر التطورات والتقارير المصورة
ونحذر من تسول له نفسه بتكرار هذه الافعال وان الامن مستتب فى كافة انحاء البلاد
================================================== =

المشاركة الأصلية كتبت بواسطة tamer_merit

الف مليون مبروك وربنا يباركلك فيها ويديك خيرها ويكفيك شرها ....
فكره هايله وشرح جميل وصور واضحه ...
ان شاء الله هانفذها مع الفرش وتنجيد الكراسي وفرش الارضيه .

وما تنساش موضوع مسند الدراع بين الكرسيين يا تامر زى ما اتفقنا
الحاج احمد عملها بحرفية عالية وباذن الله التركيب فى عربيتى الاتنين القادم

المشاركة الأصلية كتبت بواسطة wshawky

أنا كمان عندى سؤال أنا الدوشه اللى باسمعها بتكون جايه من ناحيه الموتور يعنى اعتقد انها حاجه تانيه و لا دى نوع تانى من الدوشه. يعنى هى علاج لايه بالضبط؟

اتفق معاك 50% من صوت الموتور العالى للصنى جاى من عدم وجود عازل بين الموتور وصدر العربية والتابلوه
بس برضه الارضيات والابواب ليهم عامل كبير فى الصوت
وده اللى بنتأكد منه مع كل عضو بيركب عازل للارضية
انما عازل الكبوت بيقلل صوت الموتور والعربية واقفة وانت براها مش جواها