البوجيهات نظيفة واسودت بعد شهر هل دا طبيعى ؟ (تم حل المشكلة)

**ainshouka** · 19-01-2012 01:22 PM

المشاركة الأصلية كتبت بواسطة ahmed_h_g

http://www.nilemotors.net/Nile/168201-a.html

لينك ممتاز واستفدت منه كتير ومجهود كبير من skybird

المشاركة الأصلية كتبت بواسطة ahmed_h_g

أشك ان الموتور بيوصل لحرارته الطبيعيع بدون الترموستات
حتى لو وصل لحرارته الطبيعيه على أفتراض وأبتديت تتحرك بالعربيه
هتبرد بسرعه جدا" لكفائة السربنتينه فى التبريد
وطالما مش بيوصل لحرارته الطبيعيه يبقى أستلم
برجله - صوت موتور عالى - قلة عزم الموتور - أستهلاك بنزين عالى - ........
لو عندك ركبه مش هتخسر حاجه ومتنساش تسحب الهواء من دايرة التبريد وأبقى طمنى

انا فهمت قصد حضرتك بعد ماقريت الموضوع وهو فعلا لما كانت بتبرجل معايا كده كنت بحرق جامد جدا على 3 غيارات الاولانية بالرغم من ان المفروض محرقش على الاول بس كنت بحرق عليه من غيظى من العربية عشان تتعدل وبعد فترة بتتحسن ودا فعلا عشان طبقة الكربون اللى عليها بتروح من سخونية الموتور بعد الحرق المتواصل
بس غالبا معنديش ثرموستات الكوع لانى بسافر فى اوقات متاخرة او بدرى وبلاقى مؤشر الحرارة بيقرب من بدايته ولو الثرموستات كانت عندى مكانتش العربية بردت اوى منى فى السفر كده

المشاركة الأصلية كتبت بواسطة original

البوجيهات

حتى الان شكى رايح ناحية البوجيهات

طيب السؤال دلوقتى

انا دخلت موقع NGK عشان اشوف نوع البوجيه المناسب للعربية لقيته كاتب اللى له مدى حرارى 6

واللى راكب عندى هو 6 برضه

هل اجرب واختار 5 او 4 بحيث يحتفظ البوجيه بسخونته اكتر

وبالرغم من المشكلة اللى عندى دى بس استفدت منها معلومات حلوة

**ainshouka** · 20-01-2012 02:47 PM

انا النهاردة بجرب العربية لقيتها مبرجلة والشكمان بيطلع دخنة سودة والبنزين بيطلع منه مش محروق كويس

بالنسبة للبوجيهات انا قررت انى اجيب واحد رقمه الحرارى اقل من 6 اخليه اخر حل

لانى شفت الموقع انه رقم 6 هو المناسب للعربية والخلوص بتاعته 0.8 ودا برضه كان مظبوط

فانا حغير الميكانيكى واروح لواحد تانى يظبط الكربيراتير والكهرباء واجرب تانى واقولكم عالنتيجة بعد التجربة

**ainshouka** · 25-03-2012 05:40 PM

تم حل المشكلة والحمد لله (وان شاء الله تكون هي اللي كانت السبب

بعد شهور من المشكلة وتغيير البوجيهات
كان السبب ان الهواء اللي داخل للكربيراتير كان قليل قصاد البنزين فكان البنزين مبيتحرقش كويس
فالسبب مكانش زيادة البنزين اللي داخلة لكن كان في قلة الهوا
ودا لان اثناء تشغيل السيارة صباحا واثناء التسخين كان السخان بيشتغل والبوابة اللي بتبقي موجودة علي الكربيراتير مش مفتوحة كويس فكمية الهواء اللي داخلة للكربيراتير قليلة والبنزين مبيتحرقش كويس فبيهبب البوجيهات
وعلشان كده العربية بتبرجل مني وقت مابسخنها الصبح عشان السبب دا
ولما بمشي بيها وبحرق عالغيارات تتعدل والهباب يروح من البوجيهات
ولما تتركن فترة الشغل واروح بيها كنت بدور وامشي علطول بدون مشاكل عشان مكنتش بسخن فالبوجيهات بتفضل نضيفة

اللي عمل الحكاية دي مركز الصفا
بالرغم من ان الموضوع بسيط بس يشكروا بشدة انهم حلولي المشكلة اللي كانت مزاولاني
ودي تاني مرة اسخن العربية واطلع بيها بدون مشاكل

ملخص الموضوع لو مريت بنفس المشاكل اللي قلتها قبل كده ابقي بص علي البوابة اللي بتدخل الهوا هل مفتوحة كويس ولا لأ ساعة ما السخان شغال

وأخيرا ......... اشكر كل من حاول مساعدتي

والحمد لله