بص يا صديقى
البنزين المفروض أقل حاجة تتحط هى 91 بس فيه ناس بتحط 90 عادى
بالنسبة ل 80 أفتكر أنى مرة فولت منه لأنى كنت فى شرم و طالع على طريق القاهرة و مفيش قدامى غير ال 80.....و فى نص الطريق فولت تانى 92.........دى المرة الوحيدة و محصلش منها مشاكل بس طبعاً ده مش مقياس.
حاول بقدر الإمكان تحط 90 لأن ال 80 أكيد هيكون له تأثير على الرشاشات و طرمبة البنزين على المدى الطويل.
بالنسبة للفتيس.....
أول سؤال...........أعتقد عادى مفيهوش مشكلة.....بس الهدف منه أيه ؟
تانى سؤال........العربية مش هتقبل غير أقل نقلة ممكن تجيبها على السرعة دى.....يعنى مثلاً لو ماشى على 90 كم فى الساعة هتجيب معاك ال 3 لو ماشى على 130 مش هتقبل ال 3 غير لما سرعة العربية تقل وتمسح أنها تجيب التالت بدون ما تضر الفتيس.......يعنى العربية ذكية شوية فى الحتة دى.
تالت سؤال أنا مش فاهمه قوى.......ماشى سريع على كام يعنى ؟ 40 أو 50 مثلاً فيما فوق و جبت r ؟
أعتقد العربية مش هتقبل بس ملهاش لازمة التجربة.........لأنها بفرض أنها هتقبل هتبهدل الفتيس.....و ده فى أى أوتو مش فى الميجان بس.
عموماً علشان تجيب ال r يستحسن العربية تكون فى حالة الثبات........برضة الكلام على أى أوتو.
و بالمناسبة برضه........لو أنت بتركن فى مكان مش مستوى.....يعنى مطلع أو منزل أو أى حاجة مشابهة......مع أى عربية أوتو المفروض تعمل الأتى
1- تركن و أنت على ال d عادى
2- تشد فرامل اليد و أنت لسه دايس على الفرامل العادية
3- تجيب ال P و تشيل رجلك من على الفرامل
الكلام ده علشان وزن العربية يبقى محمل على فرامل اليد مش على التروس.
المفضلات