السلام عليكم و رحمة الله و بركاته
ألف حمدالله عالسلامة.
هى المرارة مسؤولة عن تخزين و تركيز السائل المرارى, لحين افرازه فى الجهاز الهضمى, لكن لا يزال السائل المرارى بيفرز من الكبد عادى زى قبل ماتشيل المرارة, بس بدل ماكان فيه مرارة و بينزل عليها الأول و يتخزن فيها و يتعمله تركيز, مابقاش فيه مرارة لأنها اتشالت و بالتالى بينزل مباشرة فى الجهاز الهضمى فى قناة الاثنى عشر.
فى الأول, لو أكلت دهون زيادة فى الأكل, بيحصل شوية اضطراب فى هضم الدهون و بيكون معاه انتفاخ و ميل للقئ و ممكن اسهال, الكلام ده بيروح لوحده بعد مدة قصيرة و الأمور بترجع عادى و طبيعى جدا و الجسم بيحصله تعود على أن المرارة مش موجودة.
و الأفضل عموما, أنك تقلل من الدهون فى الأكل, سواء كنت شايل المرارة و لا مش شايلها.
و أنت لو دورت هتلاقى أغلب الناس شايلين المرارة خوفا من أنها تنفجر بسبب الأحوال السيئة اللى فى البلد !!!!!!
و حمدالله على سلامتك مرة تانية.
المفضلات