الساد ه الاطباء انا شيلت المراره

**hugan** · 17-06-2012 05:35 PM

الاخوه الاعزاء الاطباء في المنتدي
من 4 ايام الحمد لله قمت باجراء عمليه استئصال للمراره
بالمنظار
لانها كان فيها حصوتين وكانت ملتهبه
الحمد لله
اللي بسال عليه
المراره حسب ما عرفت مسئوله عن هضم الدهون او افراز انزيم مسئول عن كده
مش عارف صح ولا غلط
الان انا اعمل ايه في الاكل
يعني اكل ايه وما كلش ايه
ولا اعيش حياتي طبيعي ولا احرص من الدهون
ولما المراره تتشال ايه العضو اللي هايقوم بدورها
يعني كل التفاصيل ولكم جزيل الشكر

**hugan** · 17-06-2012 08:56 PM

ربنا يكرمك

انا تاكدت فعلا ان في حد ممكن يفقع المراره
يعني مش مجرد مثل يتقال في الكلام وخلاص

**النوبي** · 18-06-2012 11:07 AM

الف الف سلامه عليك وان شاء الله في ميزان حسناتك
وتقوم بألف سلامه

**Screenplays** · 18-06-2012 04:14 PM

كلنا هنشيل المراره قريب من اللي بيحصل في البلد ... حمد لله علي سلامتك يا باشا

**hugan** · 19-06-2012 01:51 AM

المشاركة الأصلية كتبت بواسطة habd

يا ساتر يا رب الف سلامه على سيادتك و ربنا يكفينا و يكفيك شر الناس اللى تفقع المراره

امين يارب

المشاركة الأصلية كتبت بواسطة النوبي

الف الف سلامه عليك وان شاء الله في ميزان حسناتك
وتقوم بألف سلامه

امين

المشاركة الأصلية كتبت بواسطة screenplays

كلنا هنشيل المراره قريب من اللي بيحصل في البلد ... حمد لله علي سلامتك يا باشا

شكرا
والله انا عندي احباط من اللي بيحصل

المشاركة الأصلية كتبت بواسطة mostafa3tef

السلام عليكم
الف سلامه عليك
بس ممكن تعلاف عملتها فين واتكلفت كام وخرجت بعد اد ايه ؟

عشان المفروض اعملها الشهر اللى جاى او اللى بعدة بالكتير ان شاء الله

ربنا يشفيك اولا
كان الاختيار مابين الجراحه التقليديه
فتح البطن واستئصال المراره
او الجراحه بالمنظار
وهي عباره عن 3 فتحات في البطن صغيره جدا لادخال المنظار وهو يقوم بالباقي

فتح البطن عمليه جراحيه كامله وممكن تاخد لك فيها اسبوعين نايم في البيت ومضادات حيويه
وجرح وخياطه
انما المنظار بصراحه حكايه
ماشاء الله مفيش اي الم
بنج كلي اي نعم
انما بعد العمليه ولا كائنك عملت حاجه وممكن تروح شغلك بعديها بيوم
اللي عرفته ان الاطباء كبار السن يفضلون الجراحه
انما الاطباء الشبان يفضلون المنظار
تكنولوجيا وحركات
انا عملتها في مستشفي الزيتون التخصصي
اتكلفت 5000 جنيه