تم بحمد الله تركيب فرش جلد تفصيل عند جينز كار وده مش موضوع إعلاني ولكن تم المشاركه لاستفادة الأعضاء
طبعا ياجماعه مش هأقولكم على مقابلة الحاج أحمد مشعل
بسم الله ماشاء الله ربنا يباركله .. راجل محترم جدا جدا جدا ومقابلته زي العسل غير طبعا شغلهم النضيف جدا زي ماهاتشوفوا .. والراجل عمل معايا واجب جامد لما عرف اني من أعضاء المنتدى الجميل
أنا بصراحه لما كنت باقرأ الكلام المكتوب هنا في المنتدى عن الحاج أحمد وتعامله مع الناس قولت دول بيبالغوا حبتين .. لكن في الحقيقه والشهاده لله أنا اكتشفت ان بالعكس دول مقصرين في حقه كمان , راجل قمه في الأخلاق العاليه والزوق ربنا يكرمه ويرزقه من وسع .
وطبعا أنا مش باقول الكلام ده ولا حاطط الصور هنا على انها دعايه للحاج احمد لا سمح الله لأن في الأول والآخر أنا مش مستفيد حاجه , ده غير إني متأكد مليون في الميه انه بسم الله ماشاء الله مش محتاج لكلامي ده ولا هاتفرق معاه اني اعمل دعايه له أو لأ لكن أنا يهمني المصلحه العامه ومصلحة الأعضاء انهم يعرفوا مكان كويس وبيعمل شغل نظيف .
الراجل ربنا يكرمه شغله بيتكلم عن نفسه ..
ونصيحه فعلا من أخ ليكم .. أي حد يحب يعمل فرش في عربيته يتفرج الأول على شغلهم وبعدين يقرر
أنا عارف ان الواحد ممكن يقول .. لأ دي الأسعار عندهم غاليه شويه
لكن أنا شايف العكس .. شغل زي اللي اتعمل ده والكفائه دي والخامات دي .. مش كتير عليه أبدا
وزي مابيقول المثل .. الغالي ثمنه فيه
ده غير ان الحاج الله يكرمه .. مايردكش أبدا لو حصل أي حاجه في الفرش في يوم من الأيام
معلش انا عارف اني طولت عليكم لكن بجد شايف اني لازم أوفي الراجل ده حقه ربنا يكرمه ويرزقه من وسع .. اللهم آمين
ده غير انه عملي فرش جلد لأرضية الشنطه مجانا .. وفي الآخر قبل ماامشي كنت عايز اشتري من عنده جراب للطاره .. الراجل حلف مايدفعني ثمنه .. بجد قمه في الأخلاق والكرم .. ربنا يرزقه ويحفظه .
ياريت أشوف ردودكم ورأيكم في الفرش الجديد .. ويارب أكون اقدرت أفيد حد بمشاركتي وشكرا لإدارة الموقع المحترم لأن بجد الموقع ده مفيد جدا لكل مالك سياره .
.. بالتوفيق للجميع ..
المفضلات