الموضوع: رابطه محبي ومالكي الريجاتا

المشاركة الأصلية كتبت بواسطة amro1965

شكرا اليك اخى العزيز حسين
قبل ان ارسل اليك برسالتى بخصوص الكربراتير
واخر مره سيارتى كانت عند الميكانيكى من اجل الصيانه وعمل رجلاش لعصاية الفتيس لانها كانت ضعيفه وغيرت سلك الاكسراتير قبلها كانت السياره فى استهلاك البنزين كويسه جدا
اما بعد الصيانه وتغيير سلك الاكسراتير حصل الاتى
اولا : لاحظت ان موشر البنزين اللى على شمالى الصغير عند تموير السيارة بيكون زياده شويه كأنى ضاغت على البنزين

المشكلة ان الميكانيكي اللى ركب لحضرتك سلك الاكسلتير شدة بغباء ع الاخر .. لذلك محمل لو تقدر تفك المسمار الموجود فى الزراع " هوضحة ف صورة " تهوي المسمار وتشد السلك شدة خفيفة جداّ وتربط المسمار تاني ودور العربية على السلانسية وتجرب وهتلاحظ ان صوت الموتور ع السلانسية هدي كذلك عداد استهلاك البنزين هيتظبط

المشاركة الأصلية كتبت بواسطة amro1965

ثانيا : استهلاك الوقود زاد

اتأكد ان السخان مش مشدود لان واضح ان دراع السخان مشدود ! المفروض الزراع بيكون لقدام
يعنى مفتوح ومش شغال ولما بيرجع للخلف بيكون على وضع العمل .. بص على الزراع وعلى الباب العلوي ف الكربراتير المفروض يكون على سيفة مش مقفول زي اللى ف الصورة
مؤشر علية فى الصورة بعلامة a

المشاركة الأصلية كتبت بواسطة amro1965

ثالثا : كانت السيارة بتغييب فى الدوراة صباحا مما استدعانى ان اغير بعض قطع الغيار مثل فلتر البنزين وفلتر الهواء ونظفت الكربراتير خارجى بس نظرا لانى لا اعرف لا مكان بك البنزين أو بك الهواء أو اى اجزاء ممكن افكها وانظفها نظرا لخلفيتى الضعيفة تجاه الكربراتير وكان تنظيفى من خلال فك العمه وفك الطاسه كاملا ونظفت الكربراتير ظاهريا كان اسود ورجع نظيف

هوضح لحضرتك اهم الاشياء فى الصورة بنهاية الموضوع بأذن الله

المشاركة الأصلية كتبت بواسطة amro1965

رابعا : اخر حاجه غيرت البوجيهات وطلع البيجو الاول والثالث مهبب طبعا ترتيبهم وانا واقف امام السيارة وبعدها السيارة بتدور من اول مره
خامسا : توضيحاتك كويسه لكنى لا اعرف اماكن البيكات المراد تسليكها وتنظيفها ولا ماهى اللى اقدر افكه فى الكربراتير ثم انظفه انا عارف واخذ من وقت لكن عودتنا دائما على كرم اخلاقك .
واخيرا
شكرا لذوقك وكرمك فى توضيح بعض المفاهيم لدى
اخيك عمرو
السيارة كانت دائما تغيب فى الدوارة

معنى ان البوجيهات مهببة ان الكربراتير بياكل بنزين .. الحل الافضل تروح لحد بتاع كربراتير
يكون فاهم يعمل فحص لمسمار البنزين لانى متأكد انة مفتوح زيادة عن اللزوم او حتى ميكانيكي فاهم .. سهل اشرح لحضرتك ازاي تعملها بنفسك بس المشكلة لو فتحت زيادة او اقل معاك العربية مش هتبقى مظبوطة وممكن مدورش اصلا وتبطل من نفسها لذلك مش هشرح النقطة دى لانها هتعملنا مشكلة ونخلي متخصص كربراتير يبص على الباب يشوفة مفتوح على سيفة ولا مقفول
ويبص على مسمار البنزين والهوا .. ويشوف فية بوش فى اكس الباب ولا لاء .. ويطمن على راجع البنزين يشوفو شغال ولا مسدود وان شاء الله خير :)

توضيح جميل اخى العزيز حسين
وانا حاسس ان سبب كل الدربكة اللى عندى ان الميكانيكى ضبط الكهرباء على انى استخدم بنزين 90 او 92 فى حين انى استخدم بنزين 80 وكانت مضبوطة عليه وهو نفس الميكانيكى اللى ضبطها
اما توضيح حضرتك بخصوص سلك الاكسراتير ممكن يكون قرط عيه زياده بدليل ان المؤشر عندى بيكون زياده وانا ممور السيارة هحاول ارخيه شويه بسيطة
اما بخصوص بكات الهواء والبنزين منتظر من حضرتك علامه على مكانهم فى الصور لانى فى اخر ملاحظة وانا بنظف الكربراتير كانت اسطوانه البوابه على سيفها وانا بدور
وممكن تكون مقفوله قبل الدوراه وهو ممكن يكون سبب فى عدم الدواره صباحا
وسبب ان البوجيهات مهببه هو عدم توازن الخليط من هواء وبنزين فى الكربراتير بسبب سدد احدهم
على فكره من السهل الذهاب الى الميكانيكى وحل المشكلة عندى
لكن الاجمل ان تحل مشكله بنفسك كما تعلمت منك
وانا لا انسى مشوارك المارثونى بخصوص الكربراتير الصينى اللى جبته ووراك الامرين
علشان كده انا بتأنى فى الذهاب الى أى فنى صيانه واسأل واستشير الاعضاء الكرام فى هذا المنتدى او أى منتدى اخر
شكرا لنصائحك القيمه ومنتظر صورك التوضيحية لاماكن البيكات والاماكن المفروضه الاهتمام بها فى الكربراتير من حيث التنظيف والتسليك
واهو بنتعلم قبل مايتعلم علينا من قبل مستجدى المهنه من الميكانيكية
واخيرا شكرا لمتابعتك معى
مع تحياتى
اخيك عمرو

المشاركة الأصلية كتبت بواسطة nicegypt

البيكات متعلم عليها فى الصورة .. حضرتك هتفكها بمفك عادة .. وتبدء تلف عكس عقارب الساعة
عشان تتفك معاك ولما تلاقيها اتفكت اسحبها لفوق براحة والافضل يكون معاك بنسة كلابة ببوز طويل عشان تسحبها بيها هتلاقي فى اسفلها ثقب وفى الاجناب ثقوب ابدء بتنظيفها بالاسبري اللى مع حضرتك وبأبرة رفيعة عديها من الثقوب ورش مكانها وركبها وبعد كدة كمل ع اللى بعدها وهكذا وطبعا هترش ف البابين وللمرة التانية حاول يكون الشكمان موجة لسور او منطقة غير سكنية او بعيدة عن الناس لانها هتعمل دخان ابيض .. لو حضرتك قريب من جسر السويس ممكن اقابلك واخلصك من القصة دي وابقى شربت كوباية شاي على حسابك كمان :)

شكرا لك اخى العزيز حسين على سرعه تجاوبكم وشرحك الرائع
اولا : طبقا لرسم حضرتك قبل مادور السيارة فتحت العمه ووجدت باب السرعه الاسطوانه على سيفها وغير مغلقة طبعا بالامس حاولت ادور السيارة فى جو البروده لم تدور ابدا اكيد عامل شده البروده له تأثير
المهم تم دوران السيارة زقا
ثانيا محتاج اعرف وظيفه الفاكيوم ايه وبعض مشاكله وكذلك السخان ومشاكله
ثالثا بخصوص مكان البيكات اللى حضرتك اشرت اليهم انا فكيت مسمارين الاول والاخير من قيل بمفتاح عاده ونظفتهم فى الماضى لكن المسامرين الثانى والثالث لم افكم لانى مش عارف افكهم هل هم بيتفكوا بمفتاح النكية مثلا سؤالى طبقا لصورة حضرتك والاخيرة هل المسمارين اللى بيتفكوا بمفتاح عاده ايهما بنزين وايهما هواء
رابعا البوابه الاخرى حضرتك لم تؤشر عليها باى علامات رغم انها بداخلها منفثين واحد علوى وواحد سفلى وهل تنظيف تلك المنافث مفيد ام لا
خامسا : ان شاء الله هحاول اخذ نصف يوم نصف يوم اجازة اذهب الى مدينه الشيخ زايد قريبه من عملى وعندى شقة هناك هطبق كل اللى استفدته منك سواء من حيث التنظيف او الرواسف والدخنه البيضه من السيارة
سادسا والاهم
بخصوص مقابله حضرتك بجسر السويس ده من هيكون من دواعى سرورى انى اقابلك واتعرف بك عن قرب لكن تأتى الرياح بما لا تشتهى السفن انا كل عملى بالكيلو 28 طريق مصر اسكندرية الصحراوى بجوار القريه الذكية قبل الكارته مباشرا
مع تحياتى
اخيك عمرو

المشاركة الأصلية كتبت بواسطة coolteem

الاخوين العزيزين أ/ عمرو و المهندس حسين لكم التحيه . وبعد ... بالنسبه لكلام الاخ عمرو على المنفثين العلوى والسفلى فنظافتهم مهمه جدا ولكم ماحدث معى ...العربيه بقالها فتره مش مظبوطه غياب فى الدواره صباحا + عدم سحب + عطسه فى الكاربراتير وانا عارف ان الكاربتير عايز نظافه ...وانا مطنشه لغاية ما بدأ يرخم عليه فى الطريق .. مثلا العربيه تبطل منى بعد اى مطب يعنى اهدى بالعربيه واطلع المطب وبعدين عايز شويه عزم عشان امشى . ادوس بنزين هب تبطل العريبه ادور تدور زى الفل ادى الاولانى وادوس شويه بنزين تبطل تانى .وخد عندك مواقف فى الطريق لا يحسد عليها.المهم سايستها واتحايلت عليها لما وصلنا البيت وبعدين... لاحظ ان العربيه بتبطل لما ازود بنزين . وبتدور عادى . المهم فكيت الكاربتير وبدات نظافته بنفسى لانى عملته قبل كده. مع التركيز على بك السرعه + المنفث اللى تحت وخللى بالك المنفث اللى تحت لما تفكه مكون من جزئين بيتفكو من بعض وتنضف باى سلكه شعر بس متكونش تخينه اوى يعنى 1\10 او2\10 من المللى لان بنزين 80 بيسيب رواسب كتير بعد فتره بتبقى عامله زى تكلسات الاملاح اللى بتبقى فى اى حاجه بتغلى فيها مياه .ولما تفكها هتعرف انا قصدى ايه .المهم مع الوقت الحاجات دى بتضيق المجارى بتاعه البنزين فى البكات وفى المنافث وفى المجارى اللى بتبقى فى جسم الكاربتير نفسه لذلك لازم كل فتره ننضف الكاربتير .المهم خلصت نضافه والعربيه و رجعت شباب تانى. وانا لو قريت الموضوع ده من بدرى شويه كنت صورت كل حاجه فكتها ونضفتها .عشان خاطر الاخوه الاعزاء فى المنتدى وخاصة الاخوين أ /عمرو أ/ حسين .بس ان شاء الله ملحوقه احنا ما بطلناش بنزين 80 .ولجميع الاخوه التحيه . والسلام عليكم ورحمة الله وبركاته

شكرا صديقى العزيز على اهتمامك بموضوعى
لى بعض الملاحظات على تعليقك
اولا
فك المنفثين بمفتاح النكية ولا عاده لان المسمارين اللى فوق واللى تحت انا فكتهم منذ فترة بمفتاح عادى لكن لم افك المنفثين اللى وسطهم من قبل
ثانيا
بالنسبه لسلك التسليك هل ينفع شعره من سلك الكهرباء الرفيع جدا ام عايز سلك ارفع
ثالثا
ممكن تتشابه مشكلتى مع مشكله سيارتك فى اشياء مثل عدم الدواره صباحا استهلاك وقود
لكنها لا تبطل فى السلانسية ولا سحبها بيقل
لكن تزيد على سيارتك ان بوجيهات سيارتى كان البوجيه الاول والثالث بيخرجوا مهببين فقط
رابعا
انصحك عدم البعد عن المنتدى فتره بعيدة لاننا دائما نحتاج بعضنا البعض فى مشاكل تجمع سيارتنا
وان شاء الله انا بحاول افضى يوم اذهب به الى مكان هادى علشان افك بهدوء بعيد عن دوشه شوارعنا
مع تحياتى الحاره
اخيك عمرو

سؤال اخر
تقدر تحدد لى مكان بك البنزين وبك الهواء طبقا لصورة المهندس حسين اللى محددهم بالطول مسمار فوق ومسمار تحت وبينهم منفثين بالترتيب ان امكن