الموضوع: محتار جدا ... كيا ريو او فورد فيستا ؟؟!

المشاركة الأصلية كتبت بواسطة Formulator

عربية معتز عاطف متعدلة بالكامل ياباشا :)
من أول الموتور الـ1.6 بالعفشة والفرامل وأجزاء تانى؟!!

إحنا بنتكلم على عربيات ستاندرد (ستوك)

- أكيد انت عارف فورد عاملة أيه بالفييستا فـ راليات الـS1600 (وقبلها الـS2000) الأوروبية؟!!!

فيه فرق لما يكون صانع سيارات بيستثمر فـ السباقات؛ عشان ياخد خبرة وتكنولوجى يستفيد بيها فـ تصميم-صناعة عربية mainstream-production...

وبين لما تكون شركة مالهاش فيه، وييجى متسابق private-run (أو برعاية)، ويعدلها أو يديها لـtuning-shop.. عشان يدخل بيها سباق local؟؟!!!

فـ الحالة الأخيرة -كيا- لم تستفيد حاجة غير الـmarketing، مش الصناعة!
يعنى ده لا ينعكس على ثبات-هاندلينج العربية (الريو) بأى شكل من الأشكال.


- أنا سوقتها مرة واحدة: الصراحة موتورها حلو فـ طلعته، والعفشة مش ناشفة أوى -يمكن عشان مش الجنط الـ17؟!!
الثبات معقول جدا -مش عايز أقول كنت مطمن لها أكثر من السيراتو! lol

لكن
بردو مش زى البولو والكورسا مثلا (والإبيزا-البونتو-الـ206/207).. يتفوقوا فـ حته الهاندلينج والـstability دى تحديدا..
(ولا تجهيزات الأمان اللى بتنزل ستاندرد فـ العربيات دى)!

الريو تتفوق طبعا فـ الموتور شوية -وأساسى فـ التوكيل وقطع الغيار والـresale
لأن عليها طلب وإنتشار أكثر من العربيات اليورو!

بص قبل اى حاجة انت نورت الموضوع والله بفرح جدا لما بشوفك فى موضوع لكيا مش عارف ليه ....

بص يا سيدى عربية معتز عاطف متعدل فيها ( موتور + الشكمان كامل + Weight Reduction ) بس لاغير العفشه و الفرامل زى ما هى و العربية متعدله بالكامل فى توكيل كيا فرع روكسى ....

انت صحيح سوقت الريو !!! احكيلى تفاصيل التجربه دى مليش دعوه بس بلاش شتيمه بقه زى العاده دى عربيتى يعنى ...... هههههههه

انا عربيتى جنط 17 مش 15 و ما شاء الله مش ناشفة خالص زى السيراتو و السيراتو الكوبيه الى عقدوا الناس فى ام الجنوط و العفشات كلها .... و على فكره العربية مريحه اكتر من السيراتو بمراحل عن تجربه فى عربيات صحابى و والله مش علشان عربيتى يعنى

بس معلش انا مش متفق معاك فى حته ان البيجو 206 و البونتو اثبت !! اطلاقا انا سوقت صف العربيات الى انت قولته ده والى عجبونى فيهم الصراحة الابيزا بس ال 2011 و ال 207 .. غير كده حماده

وبالنسبه للتجهيزات العربية نازله فيها ABS+EBD+2 airbags !!! ايه الى ناقص بس !! بس انا فاهم قصدك انت بتتكلم انها بتنزل استاندرد اصلا فى العربيات دى مش اوبشن زى حلات الكيا ,,, بس برده متنساش العقليه الاوروبيه مختلفه عن العقليه الكوريه ,,, وكمان التوكيلات بتفرق فى الموضوع ده

عليا النعمه انت نورت الموضوع

المشاركة الأصلية كتبت بواسطة 2CODE

يا استاذي الفاضل معروف انك بتكره الكيا عموماً سواء عملت حاجة حلوه ولا لأ بلاقيك دائماً ضدها

قلت لي زمان انها over rating في المواتير والاحصنة بالذات قلت لك حلو هات لي دليل مادي ان العربيات اتعمل لها over rating

ارائك الشخصية فوق راسي واعتبرك من اهم الاراء لكن كلام بدون دليل وبسبب للاسف يعتبر مهمل لدي

ولله الحمد انك اخيراً جربت قبل ما تحكم هو ده اللي بتكلم عليه دايماً في العربيات جرب وبعد كده احكم ده سبب تطور العالم ياريت نحدث نفسنا الناس برا عندهم تغيير يعني بيعروا يغيروا نفسهم يطوروا نفسهم موديلات بتطلع افضل من اللي قبليها بيعرفوا اخطائهم بيعدلوها

لكن والحمد لله احنا عندنا شئ واحد بس هنا في مصر الغالي تمنه فيه والعربية اللي معمولة فين حلوه واللي معموله فين وحشة طيب انت جربت ؟ شوفت التطور ؟

انا بحترمك جداً وانت عارف كده لكن اختلافنا في الرأي شئ وشخصك الكريم شئ تاني خالص

ههههههههههههههههههههههههه
لا يا راجل ده Formulator ده البركه بتاعتنا والله و بيدى للموضوع طعم و روح خاصة
هو مش مش بيحب العربيات الكورى علشان بيحس انهم بيسلقوا اى حاجة علشان يبيعوا و خلاص لان الراجل راكب عربيه اوروبى و بيهتم بكل التفاصيل ...
منور يا formulator والله

المشاركة الأصلية كتبت بواسطة Mohab555

بص قبل اى حاجة انت نورت الموضوع والله بفرح جدا لما بشوفك فى موضوع لكيا مش عارف ليه ....

حبيبى :)
أنا من زمان بحب الكيا ورجالة الكيا
وإسأل وائل والصياد ومحمد مصطفى.. الصراحة بستمتع فـ القسم بتاعكو!
هههههههههههههه

بص يا سيدى عربية معتز عاطف متعدل فيها ( موتور + الشكمان كامل + Weight Reduction ) بس لاغير العفشه و الفرامل زى ما هى و العربية متعدله بالكامل فى توكيل كيا فرع روكسى ....

يامعلم المفروض ان الريو اللى بتنزل برا بموتور 1.6 Gamma عفشتها وفراملها غير؟!!
دى تبقى مصيبة لو بينزلوا الموتورين 1.4-1.6 بنفس الـsetup؟؟!!!
(ومش جديدة عليهم على فكرة؛ الإلنترا 1.6-1.8 نفس العفشة والفرامل -والسيراتو 2.0-2.4 كوب فـ أمريكا نفس الكلام)؟!!!
أهو ده "السلق" بقى اللى أنا -انت- بتقول عليه! هههههههههههههه

هأقولك على حاجتين-3-4:
الجولف والبرافو مثلا.. الفرق بين الـ120/122 وبين الـ150/160 فرق حجم ديسكات الفرامل قدام (ورا واحد) وسوست (المساعدين واحد) بين كل power-trim والأعلى!
وده الطبيعى يابرو.. إطلع للـ1.8T أو GTI هتلاقى حاجات أكثر إتغيرت؟!!
it's Not always about power; it's also about handling/stability

انت صحيح سوقت الريو !!! احكيلى تفاصيل التجربه دى مليش دعوه بس بلاش شتيمه بقه زى العاده دى عربيتى يعنى ...... هههههههه

lol :)
الهاتش كانت short-trip والسيدان سافرنا بيها..
الحقيقة الموتور (ماتحسش انه 1.4) ماشاء الله فـ الطلعة والسحب، بس ماهو على حساب البنزين يامعلم؟!!
العفشة أفضل من السيراتو فـ التعامل مع المطبات والحفر؛ تنطيط أقل وفيه grip أكثر شوية! شركة غريبة! ههههههههههههه
آه: والدركسيون عجبنى أوى الباور الكهرباء وبيتقل كويس مع الجرى.. لكن دقة التوجيه والـdirect-steering صدقنى مش بتهاندل زى البونتو والبولو-إبيزا؟!!

بس معلش انا مش متفق معاك فى حته ان البيجو 206 و البونتو اثبت !! اطلاقا انا سوقت صف العربيات الى انت قولته ده والى عجبونى فيهم الصراحة الابيزا بس ال 2011 و ال 207 .. غير كده حماده

ياراجل حرام عليك؟؟!!!
دا الـ206 دى بالذات.. كانت الـCaliber بتاع الفئة دى فـ الهاندلينج والثبات!!
مش عايز أقولك بيجو نفسها فـ الـ207 معرفتش تعمل زيها.. يمكن عشان بقت أثقل؟!
- والبونتو-إيفو-جراند.. دبانة فـ الغرز والجرى يامهاب؟!! مشكلتهم انهم under-powered مواتير صغيرة!

حبيبى،
سعدت بالنقاش معاك يابرو :)

المشاركة الأصلية كتبت بواسطة 2CODE

يا استاذي الفاضل معروف انك بتكره الكيا عموماً سواء عملت حاجة حلوه ولا لأ بلاقيك دائماً ضدها
قلت لي زمان انها over rating في المواتير والاحصنة بالذات قلت لك حلو هات لي دليل مادي ان العربيات اتعمل لها over rating
ارائك الشخصية فوق راسي واعتبرك من اهم الاراء لكن كلام بدون دليل وبسبب للاسف يعتبر مهمل لدي

lol
كل السيراتو اللى بتطلع عـ الداينو مش أكثر م 85-90 حصان دى.. مش proof؟!!!
(طب أنا أعمل أيــــــــه؟؟ حضرتك اللى مش متابع؟!! شوف عادل وجدى وسامح)..
btw: عربية ياسر-الصياد ذكر :))

ولله الحمد انك اخيراً جربت قبل ما تحكم هو ده اللي بتكلم عليه دايماً في العربيات جرب وبعد كده احكم ده سبب تطور العالم ياريت نحدث نفسنا الناس برا عندهم تغيير يعني بيعروا يغيروا نفسهم يطوروا نفسهم موديلات بتطلع افضل من اللي قبليها بيعرفوا اخطائهم بيعدلوها

أنا عمرى ماقولت حاجة من غير تجربة -الحمد لله
وتمام انت عارف أهو انهم (الكوريين) لسه بيجربوا فـ الزباين و" بيعرفوا اخطائهم بيعدلوها"

لكن والحمد لله احنا عندنا شئ واحد بس هنا في مصر الغالي تمنه فيه والعربية اللي معمولة فين حلوه واللي معموله فين وحشة طيب انت جربت ؟ شوفت التطور ؟
انا بحترمك جداً وانت عارف كده لكن اختلافنا في الرأي شئ وشخصك الكريم شئ تاني خالص

ربنا يخليك ياباشا،
بس أنا -والكثيرين- شايفين الهيونداى/كيا غالى لكن ثمنه مش فيه؟!!!
حتى اللى بيشترها على فكرة؟!! وأنا ليا أصحاب وزمايل كتير كده؟!! يقولك: مانا عارف بس هما المصريين مديينها أكبر من حجمها،
ولما أحب أغير بقلبها (بيلبسها) بسرعة! lol ومابيخسرش كتير.. بس مابيركبش؟!!

المشاركة الأصلية كتبت بواسطة Mohab555

ههههههههههههههههههههههههه
لا يا راجل ده Formulator ده البركه بتاعتنا والله و بيدى للموضوع طعم و روح خاصة
هو مش مش بيحب العربيات الكورى علشان بيحس انهم بيسلقوا اى حاجة علشان يبيعوا و خلاص لان الراجل راكب عربيه اوروبى و بيهتم بكل التفاصيل ... منور يا formulator والله

على فكرة هى مالهاش دعوة بتركب أيه ولا متعود على أيه يا مهاب!
يعنى: التجربة هى اللى بتحدد؟!! والصراحة أنا interested وبحب أجرب وأسوق عربيات الناس!! هههههههههههههههه

المشاركة الأصلية كتبت بواسطة mano29071991

انا اللي مخليني قلقان من الفيستا و قطع الغيار و الصيانة !!!
لكن انا اصلا عجبني الفيستا اكتر

هى الفييستا أجمد..
بس ليك حق تقلق من التوكيل والـresale،

لكن مش قاعدة!!
فيه 2 أصحابى راكبين فوكاس الجديدة (هاتش وسيدان)..
تصدق ان أسعار قطع الغيار والصيانات عند فكرى أرخص من البرافو (فيات-أوماترا) وطبعا أقل من الجولف والأسترا (VW-ومنصور)؟!!!

أنا كنت -ومازلت- مستغرب جدا من الأسعار دى؟!! وبعدين القطع كلها أوروبى يعنى oem مش أى ألش!
قد يكون الوكيل عايز يغير فكرة الناس عن الفورد؟!!

Rgds،