الموضوع: ارتفاع الكورولا 2014 كلاكيت مره كمان

هية العربية ارتفاعها بالظبط 13 سنتي عن الارض ودة طبعا هيخليها تحضن كل المطبات بس لو المطب اتاخد بالعرض وبراحة هتعدي غير كدة العربية جميلة جدا جدا جدا وباقي العربيات الي حضرتك كتبتها ماعتقدش ان في عربية فيهم هتعدي 15 سنتي ارتفاع

المشاركة الأصلية كتبت بواسطة ahmedtalat

يا جماعه من الأخر كده واضح ان الكورولا الجديده منخفضه شويه على الأرض و ده طبعا بيدى ثبات و استقرار على الأرض و برضه هبد فى المطبات و خلافه

بس كتير من الناس مش متصوره هى اده ايه منخفضه فألمطلوب دلوقت يا جماعه نعمل مقارنه بين ارتفاع الكورولا الجديده و بين العربيات الأخرى

( لا اقول نقارن بين سيارات ) و لكن حتى يتصور اغلبنا مدى ارتفاع العربيه عن الأرض
معروف ان الكورولا ارتفاعها 12.5 سم

فما هو ارتفاع الهوندا و الفلوانس و اللانسر الشارك و اللانسر البومه و الالنترا و الفيرنا والنيسان و ووو ........ الخ


نعمل مقارنه كده و نستهدى بألله و نشوف


انا متاكد ان ده حيفرق كتير مع ناس كتير

فيه موضوع كامل عن ارتفاع الكوروﻻ بالتجربة و موضح كل حاجة و ان الناس بتبالغ.
المقارنة مع عربيات تانية غير مفيدة ﻷن مش كل التوكيلات بتوفر الارتفاع المضبوط عن اوطى نقطة في العربية و ديه الحقيقة اما الكوروﻻ فهي 12.5 عند اوطى مكان اللي هو البار الحديدةاللي بيحمي علبة الشكمان.
ثانيا ﻻزم تاخد في الاعتبار طول قاعدة العجلات.
ثالثا لازم تاخد في اعتبارك العربية مصفحة ولا ﻷ
رابعا عفشة العربية و مقدار انضغاطها لانها سبور و مش بتهبط زي بقية العربيات.
خامسا العيب مش في العربية العيب في العباقرة اللي بيعملو جبال مش مطبات
العربية من الاخر مش بتحك في كل المطبات و لو هتحك في مطب هيبقي غبي جدا و احنا عارفين المطبات الغبية ساعتها يا سيدى ابقي اخدو علي 3 عجلات و عمرها ماهتحك.
تحياتي و لمزيد من التفاصيل يرجى مراجعة موضوع اختبار الكوروﻻ 2014 في المطبات.
و لو فيه اي سؤال انا في الخدمة يا باشا