تسقيط مكنة وفتيس 2002 لسيارة e34 موديل 92 !!

**Ahmed.Sayed85** · 13-01-2016 12:39 AM

اخواني الأعزاء مشرفي واعضاء قسم بي ام دبليو المحترمين

بادئٌ ذي بدأ أحب أن أتقدم إليكم بالشكر والامتنان علي هذا الكم الهائل من المعلومات والمراجع التي تعتبر شفاء للغليل لكل من يبحث عن معلومات عن كل موديلات البي ام دبليو

وأتمني منكم أن تفيدوني في استفساري هذا ....

أمامي سيارة e 34 موديل 2002 ، متسقطلها مكنة وفتيس أوتوماتيك موديل 2002 ، مكنة سودة 6 سلندر 2000 سي سي ، ولكن لم يتم تغيير أدوات التغذية للموتور الجديد وكذلك العفشة والسيستم بتوعها متغيروش وهما 4 سلندر مش 6 سلندر ، فهل هذا يعتبر شئ معيب بالسيارة ولا ده حاجة عادية ؟؟؟ مع العلم أن صاحبها بيشكر فيها جدا وفي مشيها معاه وبيقول أنها زي الفل ومفيش مشاكل ، والموتور والفتيس دول متسقطين من 6 شهور.

وايضا تم تغيير الصالون كله لصالون 2002 كهربا ( كراسي كهربا)

التكييف بيقولي انه مش راكب السير بتاعه لكن هو مشحون والسير موجود وهيبقي يديهوني واركبه أنا

السيارة فتحت سقف كهربا

صاحبها بيقول انه مغير عفشة أو مزبطها قريب

أفيدوني ماذا أفعل وأفيدوني ما رأيكم بمثل هذه المواصفات علما بأن السعر المعروض عليا 62000 جنيه

أنا لا أعلم اي شئ عن البي أم دبليو نهائياً ، ومش عارف ازاي اكشف عليها واروح بيها فين ، ومش عارف هل قرار أني اشتري سيارة موديل 92 صحيح ولا لأ ؟؟ وفي نفس الوقت ليا صديق شغال بمعرض سيارات بينصحني أشتري رينو لوجان 2016 اول فئة بالتقسيط أدفع مقدم 60 ألف والباقي علي خمس سنوات

اتمني أن تفيدوني برأيكم السديد ، وأيضا رأيكم في البي ام الفئة الخامسة ديه هل هي عمليه ولا لأ؟ وقطع الغيار متوفرة ولا لأ وهل سعرها معقول ولا مبالغ فيها ؟؟ ولا اجيب الرينو الزيرو وخلاص ؟

مع العلم أني ولله الحمد سبحانه وتعالي من متوسطي الدخل أو أقل قليلا

في انتظار ردكم الكريم بارك الله فيكم

**svneleven** · 13-01-2016 05:31 AM

مبدأيا التكييف واضح انه مش شغال. لو كان مجرد سير كان ركبه و استعمل التكييف.
ثانيا لو تحب تفحص العربية روح ل مهندس اسلام VAGstores في التجمع الاول ورا مستشفي تبارك. راجل محترم و هيقولك اللي فيها.
ثالثا ال لوجان هتبقي اريح طبعا لكن انت و مزاجك. ال 34 عربية حكاية و ال بي ام ليها طعم في سواقتها مش هتحسه في عربية تاني.
قطع غيار ال 34 هتلاقيها في الحرفيين و موتور ال 2002 قطع غياره بالهبل في الحرفيين ده موتور ال 39.
حط في بالك انك هتعد شوية بتنزل الحرفيين كتير لحد ما تظبط العربية و تبتدي تعتمد عليها. لو مالكش في شغل الميكانيكة او مش عندك وقت يبقي بلاش منها.

**pepo2011** · 13-01-2016 09:15 AM

باشا ابعد عنها بال 62 تركب M40
هي العربية كويسة والشغل اللي فيها مايعيبهاش لكن انت مش ركيب BMW فمش هاتستمتع ولا هايفرق معاك الشغل ده
خليك في M30 or M40

**م أحمد** · 13-01-2016 09:20 AM

البى إم عربية مفيش كلام عليها بس لو انت من متوسطى الدخل او اقل اعرف انها من اغلى قطع غيار السيارات و المصنعيات ان لم تكن اغلاهم و دا حمل مادى مش شوية لعربية مستعملة....و موقف حصل ادامى لواحد معاه بى ام كان بيغير تيل فرامل و انا واقف عند الراجل بتاع الفرامل و طلب منه ضعف المصنعية العادية و الراجل صاحب العربية يحاول يفاصل ..مفيش...بعد ما مشى لقيت الراجل بيقول لى دا راكب بى ام يا عم !!! دى ستة سلندر !!!

و كمان موضوع التقسيط هتلاقى نفسك بتدفع تمن العربية مرة و نص و تبيعها بنص التمن

**Ahmed.Sayed85** · 13-01-2016 01:33 PM

أشكركم علي مروركم الكريم

طيب ممكن تنصحوني اشتري ايه ؟

انا والله يا اخواني بجد تعبت

الزيرو محتاج اقساط كتير ومبالغ فيها

المستعمل ناس بتقولي لأ هتتعب

مش عارف اعمل ايه والله

اتمني تقولولي اعمل ايه اخوكم فعلا في احتياج لعربية ضروري عشان ال 128 بتاعتي باظت والجميل ان الميكانيكي بيقولي انها محتاجه 2000 جنيه عشان تعمل طقم شنبر للماتور فقولتله لأ مش هصلحها أصلا لأنها كلها علي بعضها ب 500 جنيه اصلا هدفع فيها 2000 تصليح

يا رجالة انا معايا 60 ألف جنيه ..... ممكن ترشدوني بما انكم اصحاب خبرة

في انتظار ردكم الكريم بارك الله فيكم

**pepo2011** · 13-01-2016 01:42 PM

المشاركة الأصلية كتبت بواسطة ahmed.sayed85

أشكركم علي مروركم الكريم

طيب ممكن تنصحوني اشتري ايه ؟

انا والله يا اخواني بجد تعبت

الزيرو محتاج اقساط كتير ومبالغ فيها

المستعمل ناس بتقولي لأ هتتعب

مش عارف اعمل ايه والله

اتمني تقولولي اعمل ايه اخوكم فعلا في احتياج لعربية ضروري عشان ال 128 بتاعتي باظت والجميل ان الميكانيكي بيقولي انها محتاجه 2000 جنيه عشان تعمل طقم شنبر للماتور فقولتله لأ مش هصلحها أصلا لأنها كلها علي بعضها ب 500 جنيه اصلا هدفع فيها 2000 تصليح

يا رجالة انا معايا 60 ألف جنيه ..... ممكن ترشدوني بما انكم اصحاب خبرة

في انتظار ردكم الكريم بارك الله فيكم

ياباشا انت عاوز تركب ايه؟؟؟
60 الف مبلغ كويس ومش بطال وتركب بيه حاجات حلوة كتير
حدد العربية الاول

**Ahmed.Sayed85** · 13-01-2016 01:54 PM

انا عايز اركب عربية تكون اعتمادية شوية وتكون برده احس بفرق عن اللي معايا وانها تكون شكلها كويس

فكرت في البيجو 406 واللي حببني فيها الاستاذ المحترم م / أحمد

وفكرت في الاوبل فيكترا b

والبي ام اللي بتكلم عنها شوفتها بالصدفة راكنة وشكلها تحفففة وجنوط عريضة وكده وكلمت صاحبها وقالي اللي قولته لحضراتكم ده

فياريت حضرتك بردو تنصحني برأيك او حتي بنوع تاني غير دول بس حضرتك عارف عنه انه كويس ومش متعب اوي وبس

انا غلبان والله هههههههههه

**pepo2011** · 13-01-2016 02:14 PM

المشاركة الأصلية كتبت بواسطة ahmed.sayed85

انا عايز اركب عربية تكون اعتمادية شوية وتكون برده احس بفرق عن اللي معايا وانها تكون شكلها كويس

فكرت في البيجو 406 واللي حببني فيها الاستاذ المحترم م / أحمد

وفكرت في الاوبل فيكترا b

والبي ام اللي بتكلم عنها شوفتها بالصدفة راكنة وشكلها تحفففة وجنوط عريضة وكده وكلمت صاحبها وقالي اللي قولته لحضراتكم ده

فياريت حضرتك بردو تنصحني برأيك او حتي بنوع تاني غير دول بس حضرتك عارف عنه انه كويس ومش متعب اوي وبس

انا غلبان والله هههههههههه

بص ياباشا اي عربية هاتركبها اكيد هاتكون احسن من 128
عندك الياباني والكوري لانسر كريستالة او فيرنا او لانوس او نوبيرا او سيفيا
عندك بي ام اللي قولتلك علايهم اما 406 زيها زي البي ام بالظبط بالظبط

ثبات وقوم ومتانة وشياكة وامان وتحمل وواسعة وده اللي بيحدده زوقك وبس
في ناس بتحب مثلا الكوري واللانسر عشان خفيفة ورخيصة قطع غيارها وكده
وناس بتحب البي ام والبيجو عشان القوة والجمال والمتانة طبعا قطع الغيار اغلي نسبيا من الكوري لكن اطول عمرا واكثر تحمل بكتير فالمقارنة هنا غير متكافئة

**Ahmed.Sayed85** · 13-01-2016 02:39 PM

طيب ممكن اعرف يعني اصلا M40 او M30 dukd ] يعني دول اسمهم ايه في الموديلات وسنوات كام

وحضرتك كده طمنت قلبي بردو ناحية البيجو 406

فياريت تقولي رأيك اركز علي ايه في النوعين دول من وجهة نظرك ( اقصد ان حضرتك عرفت دماغي او ظروفي الي حد ما في السواقة والماديات ) و أنا بناءا علي رأيك ان شاء الله هبتدي اتحرك

وأفهم من كلامك اني اصرف نظر عن E34 اللي قولت لحضراتكم عليها ؟؟؟

معلش تاعبك معايا

**pepo2011** · 13-01-2016 03:51 PM

المشاركة الأصلية كتبت بواسطة ahmed.sayed85

طيب ممكن اعرف يعني اصلا m40 او m30 dukd ] يعني دول اسمهم ايه في الموديلات وسنوات كام

وحضرتك كده طمنت قلبي بردو ناحية البيجو 406

فياريت تقولي رأيك اركز علي ايه في النوعين دول من وجهة نظرك ( اقصد ان حضرتك عرفت دماغي او ظروفي الي حد ما في السواقة والماديات ) و أنا بناءا علي رأيك ان شاء الله هبتدي اتحرك

وأفهم من كلامك اني اصرف نظر عن e34 اللي قولت لحضراتكم عليها ؟؟؟

معلش تاعبك معايا

اه اصرف نظر طبعا الزمن والوقت والبلد والشوارع مش حمل 6 سلندر 500
اخر m40 موديل 90
ده لو حابب البي ام والموديل ده اكتر موديل شياكة وبياع جدا وومكن تركب الدبانة 316 او 318 لحد 96
ممكن بال 60 تلاقي حاجة برضو
غير كده عندك الاختيارات اللي قلتهالك
البي ام والبيجو لازم لازم تكون هاوي ومقتنع بيها جدا مش اي عربية والسلام فاهمني ؟؟؟
بتحتاج معاملة خاصة شويتين عشان تعيش معاك

الموضوع: تسقيط مكنة وفتيس 2002 لسيارة e34 موديل 92 !!

LinkBack

أدوات الموضوع

عرض

-

-

-

-

المواضيع المتشابهه

تسقيط ماتور وفتيس اوتوماتيك

مكنة وفتيس اوتوماتيك للنوبيرا

تسقيط مكنة a4 على a5

2 بوابة كهرباء لسيارة اوكتافيا موديل 2002

اسقط مكنة اية لسيارة لادا

الكلمات الدلالية لهذا الموضوع

المفضلات

المفضلات

ضوابط المشاركة