الموضوع: استفسار هام بخصوص زيت فتيس valvoline max life atf

المشاركة الأصلية كتبت بواسطة borio1704

أنا كمان مش فاهم...

ماهو حاجة من الاتنين...

يا إما فالفولين بتشتغلنا.. يا إما بقية شركات العالم بتشتغلنا...

شوف انت بقى.

...

+1

اللزوجه خفيفه جدا 5.9 .. يعنى دى لزوجه الديكسرون 6 و ما يعادلها من الاسماء الاخرى زى sp .. و بعيده عن لزوجه الديكسرون 3 و ما يعادلها زى sp 3



يعنى هو جابها فهلوه .. و ده اثبات نظريه الفهلوه

يما ان ديكسرون 6 فى الزيوت المالتى متوافق مع sp 4
و بما ان ديكسرون 6 هو بديل الديكسرون 3 ( فى فتيسات gm )
و بما ان ديكسرون 3 فى الزيوت المالتى متوافق مع sp 3
اذن ,, ديكسرون 6 متوافق مع sp 3
ه.ط.ث



بس فالفولين امن نفسه .. قال لك ان الزيت لم يختبر من اى جهه oem .. و ان فالفولين بتنصحك فى حاله ال oem انك تحط الزيت المناسب من فالفولين



ملحوظه :
هو فين زرار الاعجاب و الشكر ؟؟ .. موش موجود عندى !! .. اختفى

يعني الزيت يبقي افضل لفتيس بمواصفة sp-iv
وبلاش منه لفتيس بمواصفة spiii

مش فاهم يعني ايه ديكسرون 3 متوافق مع spiii
الزيت ده ديكسرون 3 الميكانيكي بيقول ينفع لفتيس بمواصفة spiii !!؟؟؟

المشاركة الأصلية كتبت بواسطة ahmedz310

مش فاهم يعني ايه ديكسرون 3 متوافق مع spiii
الزيت ده ديكسرون 3 الميكانيكي بيقول ينفع لفتيس بمواصفة spiii !!؟؟؟

انا شايف ان العربيتين اللى معاك كارينز و ريو

الكيا بتستعمل زيوت SP فقط .. سيبك من كلام الميكانيكى و استعمل الزيت الموصى به فى كتالوج كل عربيه منهم ( شوف كتالوج الكارينز طالب ايه و كتالوج الريو طالب ايه ) .. من زيوت ال SP فقط



ده رابط الداتا شيت بتاع زيت شل
https://www.google.com.eg/url?sa=t&r...,d.d2s&cad=rja

1- انا لا احب زيت فتيس شل نهائى و موبيل 320 احسن منه

2- زيت شل اللى فى الصوره من اساس معدنى .. و متعدد الاستخدام من اول سيارات الركوب الى الاوتوبيسات ؟؟

Shell Spirax® S3 ATF MD3 lubricant is a premium, high-performance ATF
designed to provide consistent, smooth and trouble-free operation for a wide variety
of passenger-car and heavy-duty automatic transmissions.

It is formulated using high-viscosity-index mineral oils and carefully selected additives

3- لا يصلح للاستخدام فى اى سياره كتالوجها يطلب زيت SP >> يعنى ما ينفغشى للكيا نهائى

PERFORMANCE SPECIFICATIONS

Shell Spirax® S3 ATF MD3 fluid is suitable for use in
all vehicles where General Motors Dexron®-III, Ford
Mercon® or Allison C-4 fluids are required

Do not use Shell Spirax® S3 ATF MD3 fluid where
Dexron®-VI or Mercon V, SP or LV fluids are specifed

سيبك من كلام الميكانيكى .. و بلاش تدور فى زيوت غريبه

المشاركة الأصلية كتبت بواسطة ahmedz310

يعني الزيت يبقي افضل لفتيس بمواصفة sp-iv
وبلاش منه لفتيس بمواصفة spiii

ابعد عنه خالص .. لانه ليه مواصفه عجيبه موش طبيعيه

و زى ما قال لك المهندس بوريو .. يا اما فالفولين بتغشنا .. يا اما باقى شركات العالم هى اللى غشاشه

و خلى بالك فالفولين زيوت الفتيس بتاعتها .. موجهه اكثر تجاه الفتيسات القديمه فى نهايه عمر الفتيس .. يعنى موش مصممه لفتيس جديد

بلاش زيوت فتيس فالفولين

و بلاش زيوت متعدده الاستخدام الا عند الضروره .. لو وجدت الزيت المخصص لعربيتك بالظبط يكون افضل

- خلى بالك اختيار زيت الفتيس ممكن خادع جدا جدا .. و ممكن جدا تختار غلط برغم التدقيق فى البحث و الاختيار

و خلى بالك لزوجه الديكسرون 3 بتكون فى حدود 8 .. و لكن لزوجه ال SP iii بتكون اخف من كده بكتير يعنى بتكون 7 او اقل



لما شركه تضع مواصفه محدده لزيوت فتيسها .. ده ليه معنى

- مثلا ممكن الشركه دى تختار ماده مختلفه للسيلات بتاعتها و بالتالى بتصمم الزيت علشان يتوافق مع هذه الماده الجديده للسيلات

- ممكن تختار مواد مختلفه لصنع الكلاتشات و بالتالى بتصمم الزيت علشان يتوافق مع هذه الماده الجديده

- ممكن ال Friction Modifier بتاعها يكون مختلف .. علشان اسباب كثيره هامه .. و ده من بعض تأثيراته نقل انعم .. و ايضا بيحافظ على الكلاتشات .. تزييت افضل .. و ال Friction Modifier فرق اساسى جدا بين درجات زيوت الفتيس

- ممكن يكون زيت الاساس مختلف لتحسين الاداء مع ال Shear .. او خلافه من العوامل المهمه لتصميم الفتيس .. و مثال على كده ان زيت الاساس للديكسرون 6 مختلف عن ديكسرون 3 بسبب متطلبات ال Shear

- درجه حراره عمل الفتيس و ان الزيت لا يتكسر فى الحراره او الضغوط المصمم عليها الفتيس

- مهما كنت حريص جدا فى التدقيق فى الاختيار وارد بنسبه كبيره جدا جدا انك تختار زيت خطأ

الخلاصه .. زيت الفابريكه المصممم عليه الفتيس سيعطى افضل اداء .. ممكن تشتريه من بره بس يكون نفس المواصفه

جزاكم الله خيرا علي الافادة
انا فعلا مستبعد زيت فالفولين ومستبعد اكيد زيت شيل
وقدامي الحمدلله 3 انواع متوافقين مع كتالوج الريو
ATF SPIII

Amsoil Signature series



Amsoil OE



النوع اللي بيحطه التوكيل