تويوتا كورولا 2014 السعودي (( تايوااني ))

**mohamed haggag** · 05-11-2013 04:48 PM

نزلت تويوتا كورولا 2014 السعودية ولكن نزلت في المستودعات ولسة مبدأش البيع فيها
نازلة بمحركين 1600 سي سي و 2000 سي سي
تقفيل تايواني بمواصفات خليجية
وفيها فتحة سقف
ودي صور ليها ولحظت ان الساعة اللي جوة الطابلون مكنها مش زي اللي هنا
معرفش بقي في اختلافات تانية ولا لأ وطبعا هما بيركبو الأكسسورات عندهم زي التسجيل مثلا

**mashaly** · 05-11-2013 05:32 PM

الموصفات الخليجيه هضيع سوق التركي زي ماحصل مع الجنوب افريقي بالظبط
التجار هيجيبوا الخليجي اللي فيه نفس ماتور 2005 عشان قطع غياره موجود هيخلوا الخليجي ينتشر في البلد لانهم هينزلوه بسعر اقل من الوكيل وهتلاقي قطع غياره متوفره ومعقولة وسعر اعادة بيعه اعلى وهيموت التركي زي ماحصل في الجنوب تفكير غبي من الشركه الام انها تنزل نفس السيارة بتقنتين مختلفتين في سوق واحد

**yassermahmmoud** · 05-11-2013 07:48 PM

يعني الخليجي هيبقى أفضل من التركي .. وهيكون عليها إقبال كبير

**yassermahmmoud** · 05-11-2013 07:50 PM

ويا ترى الأرتفاع هيكون أعلى من التركي ولا إيه ؟

**iUsef** · 05-11-2013 08:29 PM

دي علامه يا مارد.........
انا كنت متوقع كدة اول ما شوفت النسخة التيواني فيها فتحة سقف غير ان موديل 2013 كان في الامارات تيواني وهي نزلت النهاردة في معرض الامارات الدولي وحطو صورها خلاص علي الفيس بتعهم بس السؤال هنا ايه الموصفات
خصوصاً ان النسخة التيواني فيها ميكس جريل جامد جداً ومن الصور كدة والموصفات اللي نزلت في تايون نلاقي العربيه
فتحة سقف - عدادات الهاي لاين - سمارت كي - تكييف بكر - جنط 16 (شكل مختلف عن التركي) - من غير كاسيت - الفتيس مختلف هنا مفهوش + - بس فيه 3-2 زي الاوتوماتيك القديم و مفيش زرار السبورت مود بتاع ال CVT مع انها نزلت في تايون CVT بس 1.8 ياتري نزلوها اوتوماتيك عادي ولا ايه؟؟؟
طبعاً مفيهاش بارك سينسور ولا VSC ولا بارك اسسيست ولا كل الحجات الدلع اللي نازله عندنا حاجة تانية انا متأكد منها ان العربيه مرتفعه عن النسخة الاوروبي لان في عندهم فئة سبورت Z بينزلوها بودي كيت عتب ابواب و اكصدام اوطي والعربيه بردة لسه عاليه فمعني كدة ان خلوصها مش ققل من 15.5 سم و اخيراً وليس اخراً شكل الفونيس الامامي و الخلفي مختلف وبصراحة شكله احلي وده لينك كنت حطيت فيه صور
http://www.nilemotors.net/Nile/384334-2014.html

**Mohamed.Hany** · 06-11-2013 08:08 PM

المشاركة الأصلية كتبت بواسطة iusef

دي علامه يا مارد.........
انا كنت متوقع كدة اول ما شوفت النسخة التيواني فيها فتحة سقف غير ان موديل 2013 كان في الامارات تيواني وهي نزلت النهاردة في معرض الامارات الدولي وحطو صورها خلاص علي الفيس بتعهم بس السؤال هنا ايه الموصفات
خصوصاً ان النسخة التيواني فيها ميكس جريل جامد جداً ومن الصور كدة والموصفات اللي نزلت في تايون نلاقي العربيه
فتحة سقف - عدادات الهاي لاين - سمارت كي - تكييف بكر - جنط 16 (شكل مختلف عن التركي) - من غير كاسيت - الفتيس مختلف هنا مفهوش + - بس فيه 3-2 زي الاوتوماتيك القديم و مفيش زرار السبورت مود بتاع ال cvt مع انها نزلت في تايون cvt بس 1.8 ياتري نزلوها اوتوماتيك عادي ولا ايه؟؟؟
طبعاً مفيهاش بارك سينسور ولا vsc ولا بارك اسسيست ولا كل الحجات الدلع اللي نازله عندنا حاجة تانية انا متأكد منها ان العربيه مرتفعه عن النسخة الاوروبي لان في عندهم فئة سبورت z بينزلوها بودي كيت عتب ابواب و اكصدام اوطي والعربيه بردة لسه عاليه فمعني كدة ان خلوصها مش ققل من 15.5 سم و اخيراً وليس اخراً شكل الفونيس الامامي و الخلفي مختلف وبصراحة شكله احلي وده لينك كنت حطيت فيه صور
http://www.nilemotors.net/nile/384334-2014.html

ايه العربية الفاضية ديه و كمان من غير ضمان.

يعني الناس كانت بتشترى الخليجى عشان الكماليات الزيادة و بتجازف بالضمان عشان الكماليات و السعر.
طب دلوقتي العربية فاضية بس بفتحة سقف يا فرحتي

**iUsef** · 06-11-2013 09:14 PM

المشاركة الأصلية كتبت بواسطة psycholain

ايه العربية الفاضية ديه و كمان من غير ضمان.

يعني الناس كانت بتشترى الخليجى عشان الكماليات الزيادة و بتجازف بالضمان عشان الكماليات و السعر.
طب دلوقتي العربية فاضية بس بفتحة سقف يا فرحتي

كلام مظبوط طبعاً بس ده في اي مكان تاني غير مصر ام الدنيا ودليل علي كده لو شوفت موديل 2013 جيبين عربيات يادوب بفوج لايت و كاسيت من المستطيل القديم تحس ان العربيه من التسعينات و ب 156000 و التجار بسم الله نزلين فيها بيع زي الفل عشان ياباني وموصفات خليجي بس...

وبرده هحكيلك نفس التجربه كان معايا كورولا 2007 وكانت 1600 وزي الفل و اول مانزلت 2008 الجنوب افريقي (الاسطورة) شوفتها في التوكيل وشوفت كميه الاوبشنز من الاخر كانت مليانا انبهرات ومفجأت غير التقفيل بتعها كان احسن من الياباني وتقفيل الموتور الخ الخ والموتور كان الجديد 122 حصان و اليباني كان لسه القديم وكانت نزله ارخص من الياباني بحوالي 10000 بس كانت من غير فتحة سقف وبعت العربيه وحجزت وساعة الاستلام كان المعرض عايز يسلمني زيادة 5000 بس الحمد لله كنت كاتب في الوصل سعر الاستلام يااااااه كان ايام الزمن الجميل :) وقلت العربيه اكييد هتزيد خصوصاً انها وصلت حجز 3 شهور برضه بس المهم جت حكاية الفتيس دي قلبت الدنيا والتجار ولاد الحلال نزلو بتقلهم زي دلوقتي بظبط جابو الاول الشكل القديم وعلو سعره وبعد كده جابو الشكل الجديد وضربو التوكيل وبعد ما غيرو الفتيس وبقي اوتوماتيك عادي كانت الناس برضه بتجيب ياباني مع ان خلاص مفيش مشاكل و لغاية دلوقتي انا مقتنع انها احلي من الياباني بس المصريين بيفرضو نفسهم برضه التوكيل معرفش يفلفص من التجار اللي بيجيبو خليجي راح مريح نفسه وجاب الياباني بناء علي طلب الجماهير ونزلت اوبشنز اقل بكتيييييييييييييييييييييي ير وباعت وكانت واكله السوق لغايت ماخلصت وبسم الله صحبها دلوقتي بيبوعوها مستعمله اغلي من سعرها زيرو وانا بعت العربيه بنص السعر :) الحمد لله
بس برضه للامانه التوكيل مسبش العربيه والمشكله بتاعت الفتيس لغاية دلوقتي وعشان كده انا حجزت تاني معاهم عشان هما محترمين بس بصراحة التسويق عندهم فيه مشاكل و مش بيعرفوا طبيعة المصريين وسلوكيات الشراء بتاعتهم وهو دة اللي مخوفني منهم لحسن يحصل زي المرة اللي فاتت بالظبط
انت ايه رايك بقي هل التاريخ هيعيد نفسه ولا انا مقلق زياده من اللي حصل معايا ولا ايه

**Mohamed.Hany** · 06-11-2013 09:43 PM

المشاركة الأصلية كتبت بواسطة iusef

كلام مظبوط طبعاً بس ده في اي مكان تاني غير مصر ام الدنيا ودليل علي كده لو شوفت موديل 2013 جيبين عربيات يادوب بفوج لايت و كاسيت من المستطيل القديم تحس ان العربيه من التسعينات و ب 156000 و التجار بسم الله نزلين فيها بيع زي الفل عشان ياباني وموصفات خليجي بس...

وبرده هحكيلك نفس التجربه كان معايا كورولا 2007 وكانت 1600 وزي الفل و اول مانزلت 2008 الجنوب افريقي (الاسطورة) شوفتها في التوكيل وشوفت كميه الاوبشنز من الاخر كانت مليانا انبهرات ومفجأت غير التقفيل بتعها كان احسن من الياباني وتقفيل الموتور الخ الخ والموتور كان الجديد 122 حصان و اليباني كان لسه القديم وكانت نزله ارخص من الياباني بحوالي 10000 بس كانت من غير فتحة سقف وبعت العربيه وحجزت وساعة الاستلام كان المعرض عايز يسلمني زيادة 5000 بس الحمد لله كنت كاتب في الوصل سعر الاستلام يااااااه كان ايام الزمن الجميل :) وقلت العربيه اكييد هتزيد خصوصاً انها وصلت حجز 3 شهور برضه بس المهم جت حكاية الفتيس دي قلبت الدنيا والتجار ولاد الحلال نزلو بتقلهم زي دلوقتي بظبط جابو الاول الشكل القديم وعلو سعره وبعد كده جابو الشكل الجديد وضربو التوكيل وبعد ما غيرو الفتيس وبقي اوتوماتيك عادي كانت الناس برضه بتجيب ياباني مع ان خلاص مفيش مشاكل و لغاية دلوقتي انا مقتنع انها احلي من الياباني بس المصريين بيفرضو نفسهم برضه التوكيل معرفش يفلفص من التجار اللي بيجيبو خليجي راح مريح نفسه وجاب الياباني بناء علي طلب الجماهير ونزلت اوبشنز اقل بكتيييييييييييييييييييييي ير وباعت وكانت واكله السوق لغايت ماخلصت وبسم الله صحبها دلوقتي بيبوعوها مستعمله اغلي من سعرها زيرو وانا بعت العربيه بنص السعر :) الحمد لله
بس برضه للامانه التوكيل مسبش العربيه والمشكله بتاعت الفتيس لغاية دلوقتي وعشان كده انا حجزت تاني معاهم عشان هما محترمين بس بصراحة التسويق عندهم فيه مشاكل و مش بيعرفوا طبيعة المصريين وسلوكيات الشراء بتاعتهم وهو دة اللي مخوفني منهم لحسن يحصل زي المرة اللي فاتت بالظبط
انت ايه رايك بقي هل التاريخ هيعيد نفسه ولا انا مقلق زياده من اللي حصل معايا ولا ايه

انا حاسس انك مقلق زيادة عشان الجنوب افريقي .
بس عموما انا لو حد بيعرض عليا عربية فيها كل الاوبشنز اللي في الدنيا بس من غير ضمان مخدهاش ولو ببلاش.
دان مبعملهاش في موبايل ب 3000 جنيه و ببقي حاطه في جيبي. اقوم احطه في عربية ب 185000 وبتتمرمط في الشوارع.

**iUsef** · 06-11-2013 10:20 PM

المشاركة الأصلية كتبت بواسطة psycholain

انا حاسس انك مقلق زيادة عشان الجنوب افريقي .
بس عموما انا لو حد بيعرض عليا عربية فيها كل الاوبشنز اللي في الدنيا بس من غير ضمان مخدهاش ولو ببلاش.
دان مبعملهاش في موبايل ب 3000 جنيه و ببقي حاطه في جيبي. اقوم احطه في عربية ب 185000 وبتتمرمط في الشوارع.

انا زيك بالظبط ومش معني اني يقولك ان ممكن الخليجي تكسب في السوق اني ممكن اجيبها... دا انا غيرت في عربيتي بليتيين عجل و الكاسيت مرتين و الزينون غير الفتيس اللي اتغير 3 مرات بتعديلات مختلفه يعني شوية حبشتكنات كدة عدت بدون مبالغة 50000 لو برة الضمان كنت زماني بغني ظلموه فبعد ده كله اجيب بره الضمان..... اكيد لا
علي العموم الواحد مصلي استخارة و توكل علي الله وربنا يسترها معانا جميعاً