متابع باهتمام انا ايضا ومحتار بينهما لانى بيعت الادا وحاليا متوقف على اختيار احداهما
ارجوا من اهل الخبره تحليل كل سياره والنصيحة
رقم العضوية : 151167
تاريخ التسجيل : 05Nov2013
المشاركات : 39
النوع : ذكر
الاقامة : مصر
السيارة: لا يوجد
السيارة[2]: لا يوجد
الحالة :
أريد أن أسأل بخصوص اللوجان أوتوماتيك و السانديرو أوتوماتيك
أيهما أفضل؟
سمعت أن الفرق بينهما فقط فى حجم الشنطة اللوجان أكبر و لكن مع ذلك السانديرو ثمنها أغلى فكيف هذا؟
ثانيا بالنسبة لموضوع قطع الغيار هل هناك مشكلة لو استعملت قطع غيار غير أصلية؟هل ستؤثر سلبا على السيارة؟
ثالثا هل هناك فرق فى قوة الصاج بينهما؟ لأنى الاحظ كثير من السيارات اللوجان فى مصر تكون مخبوطة من الاجناب و لا الاحظ كثرة الخبطات على السانديرو
وأخيرا هل تنصحونى بالانتظار قليلا فى شراء السيارة ام أشتريها الأن لأن ممكن سعرها يزيد قريبا بسبب أوضاع البلد الاقتصادية؟
أرجو لكل من عنده خبرة مع أى من السيارتين يفيدنى
و جزاكم الله خيرا
رقم العضوية : 40997
تاريخ التسجيل : 24May2009
المشاركات : 94
النوع : ذكر
الاقامة : tanta
السيارة: Lada2107
السيارة[2]: Lada2105
الحالة :
متابع باهتمام انا ايضا ومحتار بينهما لانى بيعت الادا وحاليا متوقف على اختيار احداهما
ارجوا من اهل الخبره تحليل كل سياره والنصيحة
رقم العضوية : 38746
تاريخ التسجيل : 23Apr2009
المشاركات : 461
النوع : انثى
الاقامة : october
السيارة: sandero 2012
السيارة[2]: terios 2009
الحالة :
انا هجاوب حضرتك ع الأسئلة اللي اعرف إجابتها واكيد باقي الاعضاء هيجاوبوك ع الباقي
أولاً الفرق بين اللوجان و السانديرو أولاً الشنطة و عرض في الكنبه اللي ورا طفيف جداً .
اما علشان الفرق في السعر طبيعي جدا ان يكون في فرق بين العربية السبدان والهاتش باك. الهاتش باك اغلي طبعاً.
طبعاً انا بحب قطغ الغيار الأصلية يعني مثلاً الفانوس لما تجيب اصلي لونه مش بيغير ولا بيصفر في ي حين ان التقليد او الاستيراد ممكن يصفر مع الوقت.
بالنسبة للصاج الاتنين واحد لا يوجد اختلاف بينهم
هو شاع االسانديرو بناتي علي الرغم من اني مختلفة مع الكلام دا بس انا بفضلها عن اللوجان
رقم العضوية : 76254
تاريخ التسجيل : 26Jul2010
المشاركات : 1,184
النوع : ذكر
الاقامة : سوهاج
السيارة: هو انا باطبع فلوس ولا إيه؟
السيارة[2]: لوجان 2011 بترولي
دراجة بخارية: لا
الحالة :
بص حضرتك السانديرو و اللوجان نفس التصميم نفس العفشة نفس الصاج .. الفرق بس ان دي سيدان و دي هاتشباك .. السانديرو طبعا شنطة اصغر بس شكل اجمل .. حضرتك شوف احتياجاتك .. عايز حاجة شبابي و روشة و بتحب الهاتشباك دوس ف السانديرو .. عايز حاجة عائلية بتاعت سفر و كدة هات اللوجان .. بس في كل الاحوال تعامل في قطع الغيار الاصلية لأن التقليد بيبوظ حاجات قد تمنه 3 مرات .. يعنى سير كاتينة مش أصلي يتقطع يبوظ صبابات و يدخلك ف نص عمرة .. تيل فرامل مش اصلي يهري الطنابير .. إلخ .. انا عن نفسى ارتحت للوجان اكتر و شنطتها نافعانى جدا .. و طبعا اهم حاجة صلي استخارة وربنا يوفقك
يا أيها العبد الملول .. ربك طلع مش زينا .. بيرضى حتى مننا .. بأنصاف الحلول ..
رقم العضوية : 6211
تاريخ التسجيل : 22Feb2008
المشاركات : 1,804
النوع : ذكر
الاقامة : القاهرة حدائق حلوان
السيارة: رينو لوجان
السيارة[2]: fiat 128
دراجة بخارية: لا
الحالة :
بس ياسيدى اللوجان أوتوماتيك دلوقتى تعمل في حدود 95000 الى 97000 و السانديرو تعمل 98000 الى 100000 يالله مش ممكن العربية ما بقتش value for money القيمة مقابل النقود السعر زاد جدا و تعالى نبص على الفيرنا المانيوال و اللوجان المانيوال الفيرنا كانت بتعمل 71000 و اللوجان كانت بتعمل 71000 دلوفتى الفيرنا ب 82000 و اللوجان بتعمل 86500 و مش موجودة لأن ده السعر الرسمي للوكيل عايز تشترى من موزع لسه واحد جارى شاريها ب 88750 يعنى دخلنا في 90000 ليييييييييه
علشان كده أنا بأقول أن أحنا طالمنا دخلنا في ال 100000 أصبح عندنا خيارات أخرى زى أنى ممكن أزود شوية فلوس و أجيب حاجة لاحد يقوللى دى رومانى وألا مغربى لما كانت العربية زمان ب 71000 كانت ممتازة و كان سعرها رهيب و كنت تحس أنك جبت أحسن حاجة في السوق و لما الأوتوماتيك نزلت
كانت ب 78000 كانت ممتازة لكن دلوقتى و الكلام من وجهة نظرى الشخصية أختلف تماما هوه صحيح كل العربيات غليت 10000-20000 لكن التوكيل زودها شويةأنا بس بأقول أن العربية ما بقتش لقطة و ما بقتش منافسة زى الأول
ثانيا حضرتك عايز تجيب عربية زيرو و تركب لها حاجات فوانيس و أنا حأفترض أن حضرتك تقصد الفوانيس لأن مش ممكن يكون قصد حضرتك قطع الغيار الميكانيكية حضرتك أكيد تقصد الكماليات اللى في العربية زى الفوانيس مثلا على سبيل المثال زى ما الأستاز وسيم قال لحضرتك ان قطع الغيار الأصلية ممكن تبقى أغلى لكن أحسن ستين مرة يعنى مثلا لو حضرتك جبت فوانيس مش أصلية حتلاقى الفانوس لونه أتغير دى أقل حاجة يفضل ألأصلى طبعا و الله أعلم ده رأى العربية كويسة فعلا لكن تمنها أصبح مغال فيه جدابالنسبة للصاج كله ورق ياباشا ماعدا الصينى هو اللى محمل من بره لكن اساسيات العربية زفت تعبانة الشاسيه تعبان
و بعدين ساعة القدر لا قدر الله ما بتفرقش كله بيتخبط المهم الواحد يطلع سليم و أن شايف ان النقطة دى اللوجان متفوقة فيها جدا (حادثة أحمد ماهر 6 أبريل على سبيل المثال )
رقم العضوية : 151167
تاريخ التسجيل : 05Nov2013
المشاركات : 39
النوع : ذكر
الاقامة : مصر
السيارة: لا يوجد
السيارة[2]: لا يوجد
الحالة :
متشكر ياجماعة على كل الردود كانت مفيدة
سؤال أخير: تنصحونى انى أعمل الصيانة الدورية فى التوكيل و لا بره عشان سمعت ان التوكيل ممكن بيخليك تغير قطع غيار حاجات ممكن تكون لسه سليمة و يكلفك فوق طاقتك؟الكلام ده حقيقى و لا مبالغة؟
و هو لازم أعمل صيانة كل 3 أشهر و لا ممكن أطول المدة؟
و لو فى مراكز معتمدة بره موثوق فيها ممكن اعمل فيها صيانة و تكون اسعارها كويسة مكانها فين؟
رقم العضوية : 76254
تاريخ التسجيل : 26Jul2010
المشاركات : 1,184
النوع : ذكر
الاقامة : سوهاج
السيارة: هو انا باطبع فلوس ولا إيه؟
السيارة[2]: لوجان 2011 بترولي
دراجة بخارية: لا
الحالة :
بص حضرتك هو الصيانات احسن في التوكيل عشان فيه حاجات ممكن تبوظ و انت ماتاخدش بالك منها و بتتفحص في الصيانات الدورية .. ع الأقل اعمل الصيانات في التوكيل عشان تستفاد بالضمان و بعد مايخلص فيه ميكانيكية رينو كتير ممكن يعملولك الصيانات و ارقامهم مع الأعضاء هنا .. بالنسبة لمراكز الخدمة المعتمدة عندك فرنش موتورز في شارع جوزيف تيتو ف مصر الجديدة مركز كويس و مضمون .. الصيانة بتتعمل بالمسافة كل 5000 كيلو يعنى اول صيانة ليك 5000 ثم 10000 ثم 15000 و هكذا .. أما لو استخدامك للعربية قليل فالازم صيانة ع الاقل كل سنة و تنبه عليهم ان العربية بقالها معاك فترة كذا و اخر صيانة كانت امتي عشان فيه حاجات بتتغير بالفترة الزمنية زي سير الكاتينة كل 3 سنين
يا أيها العبد الملول .. ربك طلع مش زينا .. بيرضى حتى مننا .. بأنصاف الحلول ..
رقم العضوية : 7494
تاريخ التسجيل : 15Mar2008
المشاركات : 325
النوع : ذكر
الاقامة : Sheikh Zayed City
السيارة: ربنا كريم
السيارة[2]: Logan Auto
الحالة :
انت احتاجك للسيارة بالشنطة الواسعة والا مش محتاجها ولو مش محتاج شنطة عربية واسعة هات السانديرو وعلى بركة الله
اللهم صل على محمد وعلى آله واصحابه أجمعين
المفضلات