الموضوع: ماتور الفليشيا بدون الاستعانه بمكانيكى

مع العلم ان ممكن صاحبها يكون لسه مغير ميه الرادياتير فمايبنش فيه حاجة

المشاركة الأصلية كتبت بواسطة aw2100

بالنسبة ليا فى اى عربية اخر حاجة ببص عليها الموتور ومش مهم اوى حتى لو مفوت لية ؟
الموتور بيتغير سهل قوى وخلال يوم واحد تكون العربية ماشية لكن اهم حاجة فى العربية الأساسيات والصدء والبارومة علشان شغل السمكرية والبوهيجية وخدلك شهر عبال ماتفك وتصلح وتركب تكون كرهت نفسك والعربية كمان !!
الموتور بتقرص علية وتشوف مطلع دخانة من الجكمان وتشيل خرطوم الفايظ تبص لو بيبخر زيت لو مفيش دخنة يبقى الموتور سليم وطبعا تجرب سواقة العربية والسحب يبقى كويس بس للاسف فية غش فى موضوع الدخنة ؟؟
لو الموتور مفوت وبيدخن بيحطوا زيت شمبر مانع للدخنة فى زيت الموتور وبعد ماتشترى العربية وتغير الزيت المفاجئة تلاقى الموتور بيدخن وحصلت مع صديق وعضو بالمنتدى لسة شارى فليشيا من كام شهر بس الدخنة ظهرت معاة مع تانى غيار زيت علشان الموتور كان خفيف وصاحب العربية الغشاش ماقلوش وكان حاطط زيت الشمبر اللى بيمنع الدخنة ولسة عامل طقم شمبر مكلفة 1200 جنية بس العربية حالتها كويسة
عموما اي عربية مستعملة حتشتريها بتسئل نفسك هو صاحبها باعها ليه ماهى لو مريحاه مش حيبعها وبعد ماتشتريها حتعرف طبعا ولازم تتعبك كام شهر لغاية ماتظبطها على كيفك وطول ماايدك فيها عمرها ماحتتعبك لكن اللى بيبوظ العربيات الأهمال او البخل وخصوصا الفليشيا علشان عربية مصفحة واصيلة اصحبها بيفتروا عليها انا اسف للاطالة تحياتى !!

شكرا جزيلا على المشاركه

و على العكس كل ما الناس تتكلم اكتر كل ما ناخد خبرة اكتر

طيب بالنسبه لموضوع البارومه

ساعات ازاز العربيه بيدخل ميه و الميه بتبرك تحت موكيت العربيه و تعمل بارومه

فهل من حقى اقول لصاحب العربيه عاي اشوف حاله صاج العربيه تحت الموكيت ولا مش من حقى

طيب لو بارومه فى الرفرف او الباب لو حد قد الكف تكلفة تصليحها تكلف كام فى المتوسط

المشاركة الأصلية كتبت بواسطة أحمد جودة

طبعا فى الردود السابقة كلام جميل بس احب اضيف حاجة

طبعا لما حضرتك تقييم سعر العربية والموتور فيه مشكلة اعمل حسابك على الاسعار الجديدة للمواتير

السوق خلاص اتجنن كنت لسا بسأل عن موتور الدايو عامل 4800 من بورسعيد

وعلشان مواتير الدايو متوفرة ومرطرطة ويزيد سعرها من 2000 الى اكتر من الضعف فأكيد مواتي الاسكودا هتبقي اغلي من كدة والله اعلي واعلم ........ الموضوع دة اكتشفته من كام يوم ..... وبالتوفيق

طيب ما تكمل جميلك معانا و تسئل لنا على اسعار مواتير الفليشيا