أفيدوني في شراء جولف 4 2001

**مروان** · 05-11-2013 10:36 PM

السلام عليكم و رحمة الله و بركاته
احيكم جميعا يا اهل الألماني
انا شخصيا حابب العربيات الالماني
انا معايا عربيه بيجو 504 حاليا و ركبت عربية اخويا شويه و هيا هوندا سيفيك 88
و هما عربيتين بكل أمانه كفائه لاكن بالنسبه للي معايا حاليا و هيا البيجو العربيه جباره لاكن مش سني
و عاوز اجيب عربيه اعتماديه و كويسه و شبابي و يبان عليها التظبيط و في حدود امكانياتي اللي هيا في حدود من 60 ل 75

انا عاوز مشورتكم انا اخر 3 اختيارات قدامي و ركزت عليهم هما

جولف 4 2001
بورا 2002

هيونداي نيو اكسن 2010

طبعا الهيونداي لا تقارن بالعملاقتين جولف و بوراا لاكن انا بشوف فلوسي تجيب ايه و بقرر

انا من المنصوره
قدامي جولف 4 فبريكه بره و جوه مكنه 1400 سي سي فضي ماشيه تقريبا 180000

عاوز مشورتكم العربيه دي كويسه مريحه في الركوبه هيا مانيول علي فكره قطع غيارها حنينه
انا سألت عند مكاوي اللي في المنصوره قالي جولف 4 و بورا لحد 2004 حنينيين جدا في قطع الغيار و قطع غيارهم موجوده بس انا بتأكد منكم و عاوز حد مجرب يفيدني بجد

جولف 2001 فابريكة بالكامل....حالة شاذة - فولكسفاغن سيارات في المنصورة الدقهلية | دوبيزل مصر

دا مكان الاعلان و عاوز بردو ترجيحكم انا فكرت في بورا اتوماتيك 2002 لاكن فيه ناس قالتلي الاوتوماتيك في الالماني مش حلو و له مشاكل هل دا كلام صحيح

افيدوني افادكم الله

**iBiZa** · 06-11-2013 01:07 AM

الجولف و البورا هما الاتنين حاجتهم بقت عند كل الناس و اسعارها معقوله و معمره.

الاوتوماتيك القديم مفيهوش مشاكل زى الاوتوماتيك الجديد.

180 الف كيلو على ال1400 ممكن تحتاج عمره قريب بس حسب الرجل اللى بتسوقها.

**fares_311** · 06-11-2013 01:27 AM

بص هي الجولف 4 احسن اختيار بس بلاش ال1400 دي
مبلغ ال75 الف اللي معاك يجيبلك جولف 1600 بجنط 17 وفتحه سقف واخر دلع وبلاش ال1400 دي ....دور ومتستعجلش لحد ما تلاقي وحده نظيفه

**مروان** · 06-11-2013 11:17 PM

دي صاجها نضيف جدا و فرش نضيف بتاع الفبريكه و مكنتها جربتها رايقه مش عارف بقه 1600 اه هتبقي حلوه لاكن هيا فين دي

**مروان** · 06-11-2013 11:21 PM

اه و بالحق هيا في الاساس بعد مشوفتها و اطقست استخدام سيده يعني ممكن متحتجش عمره في الوقت الحالي

**مروان** · 07-11-2013 12:44 AM

طيب سؤال لو عاوزه عمره كارتونه العمره بتاعتها بكام لو حد عارف ؟؟

**Honda_lover** · 07-11-2013 01:31 AM

اكشف عليها كويس جدا جدا عشان موضوع النصين فالجولف منتشر اوي خصوصا انها فبريكة بالكامل وموديل 2001

**Honda_lover** · 07-11-2013 01:35 AM

المشاركة الأصلية كتبت بواسطة مروان

طيب سؤال لو عاوزه عمره كارتونه العمره بتاعتها بكام لو حد عارف ؟؟

لو الموتور ضغيف امشي بيه لغاية متخلص عليه خالص وهات واحد 1600 sr هيفرق معاك اوي فالقوة وقطع غيارة متوفرة وارخص من ال 1400لانه مشترك مبين الجولف والاوكتافيا a4 والبورا وهيكون بنفس تكاليف العمرة

**مروان** · 07-11-2013 12:32 PM

بجد بشكركم جدا علي الإفادة دي لاكن السؤال دلوقتي قطع غيار المكنه ال 1400 علي كده شحه ولا ايه اصل حضرتك بتقول ال 1600 احسن و كمان قطع غياره متوفره ؟؟؟؟

السؤال المهم جدا جدا جدا بالنسبالي حاليا قطع الغيار الجديده مش الاستيراد موجوده ؟؟ انا عارف ان الاستيراد احسن لاكن مسيرو في يوم يشح من السوق و انا مش عاوز العربيه تتبط تحت البيت علشان خاطر قطعة غيار حضرتكم فاهمني ؟؟؟

**Honda_lover** · 08-11-2013 03:21 AM

المشاركة الأصلية كتبت بواسطة مروان

بجد بشكركم جدا علي الإفادة دي لاكن السؤال دلوقتي قطع غيار المكنه ال 1400 علي كده شحه ولا ايه اصل حضرتك بتقول ال 1600 احسن و كمان قطع غياره متوفره ؟؟؟؟

السؤال المهم جدا جدا جدا بالنسبالي حاليا قطع الغيار الجديده مش الاستيراد موجوده ؟؟ انا عارف ان الاستيراد احسن لاكن مسيرو في يوم يشح من السوق و انا مش عاوز العربيه تتبط تحت البيت علشان خاطر قطعة غيار حضرتكم فاهمني ؟؟؟

متقلقش كله موجود جديد واستيراد سواء ال 1400 او 1600 ومحدش هيبطل يشتغل فيها لانها من انجح الموديلات اللي صنعتها فولكس ومطلوبة بشدة من فئة الشباب لانها عربية بيليق عليها التظبيط تقدر تقول عاملة زي الهوندا ال 92 كده محبوبة ولسه مطلوبة وليها سوق وقطع غيار وشوف دي موديل كام والجولف موديل كام وبالتوفيق ان شاء الله

الموضوع: أفيدوني في شراء جولف 4 2001

LinkBack

أدوات الموضوع

عرض

-

-

-

-

-

المواضيع المتشابهه

أرجوكم أفيدوني جوليت 2 ولا بولو 2001 ؟

أفيدوني في عمرة موتور كيا ريو 2001

أفيدوني بخصوص ال e46 موديل 2000 او 2001 او 2002

أفيدوني في شراء جولف 5

مطلوب شراء جولف 4 2001 أو 2002 أو 2003

الكلمات الدلالية لهذا الموضوع

المفضلات

المفضلات

ضوابط المشاركة