Parking sensor

**Red_Label** · 08-11-2013 06:50 PM

مين احسن واحد يركب باركينج سنسور فى اللوجان
و اجيبه منين

**neemmohamed** · 08-11-2013 10:33 PM

من التوفيقية شوف الانواع و اختار براحتك .... بس اغلبه صينى
و التركيب مش صعب
بالتوفيق

**DOCTOReng** · 08-11-2013 11:48 PM

عند سبير كار وهو يقوم بالتركيب أيضا كما قرأت فى هذا الموقع ولكنى لم أجربه بنفسى . فرع مدينة نصر - عمارات الضباط - امتداد رمسيس 1- بعد مستشفى الحميات

**mhDeeb** · 10-11-2013 12:44 PM

سبير كار كويسين والفرع دة كويس بعد نقابة التجارييين على الشمال

**elgranaor_7784** · 10-11-2013 12:46 PM

سينسور البارك ب 120 الرقمى والكهربائى 40 جنية

**wassim_nasser** · 10-11-2013 01:01 PM

فيه سلسلة محلات أدريان و يركبهولك كمان هاتلاقي فروعه ف الجيزة ومصر الجديدة و مدينة نصر

**adel_edrees** · 10-11-2013 10:06 PM

المشاركة الأصلية كتبت بواسطة m_marmoush

أشترية من برة و خلى التوكيل يركبهولك عشان الضمان

في التوكيل أنا سألت قالولى تمنه 300 و تركيبه 300 جنيه و بعدين لما روحت عللشان أركبه قالولى خلص رغم أنى كنت حاجز موعد صيانة علشان أركبه الظاهر انهم مش عايزين يركبوه أنا روحت سألت عليه في التوفيقية قالوا لى موجود الفضى و الأسود و النبيتى واللون البترولى مش موجود تمنه بيترواح مابين 80 الى 115 جنيه

**adel_edrees** · 12-11-2013 07:17 AM

ده كان تعقيبى على تجربة أحد الأعضاء المميزين في المنتدى mido_119 على تركيب سنسور بارك وايرلس ماركة spy وده رابط المشاركة الأصلى
http://www.nilemotors.net/Nile/27491...-wireless.html
أولا شكرا على نقل التجربة الممتازة و ربنا يكرمك
ثانيا الشاشة لما تتوصل على علبة الفيوزات بسلك يبقى كده أنا ما عملتش حاجة بالعكس ده أنا كده زودت الطينة بلة لأن اللعب قى علبة الفيوزات شيء خطير
ثالثا أنا عايز حاجة تنبهنى بالصوت أنما شاشة تفتح و تقفل و تنور أصفر و حمر و أخضر دى حركات مالهاش أي معنى و متشكرين لحضرتك أن حضرتك و ضحت لنا بكل أمانة الموضوع ده بيتركب أزاى لأننا كان ممكن أنخدع و قولله ركب الشاشة الواير لس
رابعا الشاشة الوايرلس دى حتتحط فين على التابلوه مش كده بلزق و ألا بمسامير أيا كان أبقى أنا كده بوظت التابلوه
خامسا أنا كل اللى أنا ممكن أتخيله و ما أعرفش ده صح و ألا غلط و ياريت حضرتك تفيدنى في الموضوع ده سنسور بارك أربعة يتركبو في الأكصدام و يتوصلوا على لمبة المارشدير و يطلع من السنسور سماعات تترمى ورا في الشنطة تعمل صوت أثناء الرجوع للخلف كده يبقى تمام قوى وزى الفل كده يبقى نا تقريبا ما لعبتش في حاجات كتير و في نفس الوقت عملت المطلوب
سادسا موضوع الدهان ده هل لما السنسور بيدهن بيأثر عليه من ناحية |أنه ممكن يقرأ المسافات غلط