الموضوع: انتهاء نهائيات 2013 Red Bull Car Park Drift تحية لهيثم ومعتز

طبعا معظمنا تابع نهائيات ريد بول كار بارك دريفت بالامس والمقام على لقب ملك الدريفت بالشرق الاوسط واللى شارك فيها مجموعه كبيره جدا من اللمع نجوم الدريفت فى الوطن العربى ....طبعا كلنا عارفين ان " هيثم سمير "ومعتز عاطف "هم اللى شاركو من مصر وشرفونا فعلا رغم انهم ما فزوش باى مركز بس على الاقل مرتكبوش اخطاء مثلا زى "سعيد المورى" المتسابق السعودى اللى هرس الاقماع ودهس عمود الالتفاف ورغم ذالك حصل على المركز الرابع ورغم ان "معتز عاطف "ما كانش كويس النهارده ودا كان خارج عن ارادته بسبب بعض المشاكل فى سيارته هو" وهيثم سمير "اللى كان عامل تراك جامد جدا وعمل كريتنج بوينت عالى جدا احسن من" جاد هيمو" صاحب المركز الاول وبلديات " عبده فغالى " وعلى فكره هو اصغر متسابق سنه 16 سنه لاكن للاسف سوء الحظ بيرجع ويعاند هيثم تانى وتتكسر الكرونه بتاعت عربيته الايفو ويضطر انو يتسحب من المنافسه بسبب العطل

طب الفيد من الكلام "" صاحب المركز الاول جاد هيمو ---- المركز التانى عثمان التكريتى المركز التالت على البلوشى المركز الرابع سعيد المورى الناس اللى فاتت دى كلها بيلاقو ناس بتقف جمبهم وبلدهم بتصرف عليهم واتحاد بيمدهم باحدث التعديلات واغلاها ودى اهم نقطه يعنى مثلا جاد هيمو كنت حاسس انو حافظ التراك اوى زياده عن اللزوم زى ميكون متعود عليه ودا راجع لايه الله اعلم

المهم ياريت ياريت ودا رجاء خاص احنا عندنا مواهب عاليه جدا بس ينقصها الامكانيات والاهتمام والمطلوب دعم الدوله للرياضه دى لانها فعلا بدات يبقى ليها شعبيه عاليه جدا من بعد كره القدم ولا زم نتحضر ونبدا نعد اعداد حقيقى لابطالنا ونمولهم ونقف جمبهم بدل محنا سايبنهم قايمين بالليله لوحدهم والتمويل الزاتى وكل واحد بيصرف من جيبه اكتر ما بياخد بمراحل وزنرجع نقول النحس اللى ملازمنا والعربيات اللى بتبوظ طب ماهى بتبوظ لان مفيش التمويل والاهتمام العالى بالموتور سبورت ومفهومه داخل مصر رغم الجهد المضنى اللى بيقوم بيه المتسابقين كان الله فى عونهم

شكرا والى الامام;