الموضوع: رخصتي قربت تخلص ..... ساعدونى من فضلكم

مساء الفل عليكم

انا رخصتى هتخلص يوم 22-11-2013
وتاريخ الفحص 2014
الرخصة مش باسمى هى بإسم اللى كنت مشتريها منه وهو عاملى توكيل
الرخصة مرور العجوزة وانا عنوان بطاقتى فى النزهة

انا كل اللى عملته لغاية دلوقتى

1- رحت الشهر العقارى واخدت معايا التوكيل و جبت عقد بيع وبعت العربية لنفسى .
2- رحت مرور العجوزة وطلعت شهادة مخالفات .

ملحوظة :- طلبت منهم اطلع برده شهادة بيانات للمرور ....... قالى لا الرخصة سارية مش هتحتاج شهادة بيانات .


طيب ايه اللى المفروض اعمله بعد كده ؟
انا عايز اجدد الرخصة 3 سنين
انا قريت مواضيع كتير فى الحوار دا .... بس كل واحد بيكتب غير التانى وبترتيب مختلف .

انا عايز حد يكون شرحه مبسط وسهل ويساعدنى بجد وياريت لو يقول الموضوع هيكلف كام
انا كمان معيش طفاية حريق ..... ومعيش شنطة اسعافات ..........وعندى كام خبطة خفيفة فى العربية وفى شرخ فى الازاز اللى من قدام .

مستنى مساعدتكم

حاجة كمان ايه هو اورنيك فحص دا ؟؟؟ويعنى ايه مطابقة بصمة ؟؟؟

????????????????????