الموضوع: محتاج مساعدتكم... ايه الفروق بين موديلات الأوكتافيا a5

المشاركة الأصلية كتبت بواسطة dody darino

السلام عليكم...

وعليكم السلام ورحمه الله وبركاته
عايز مساعدة قسم السكودا..

انت تأمر
انا ناوي ان شاء الله اشتري اوكتافيا a5 مستعملة ( اوتوماتيك / ستيبترونيك )
احسنت الاختيار
عايز أعرف ايه الفرق بين الفئات بتاعتها من البيزلاين للهاي لاين.. وايه اسعار كل فئة في المستعمل..
ده بيتوقف على موديل السنه اللى هتشتشتريه الهاى لاين جنوط البيز طاسات الهاى لاين فرش حلد البيز قماش الهاى فتحه سقف البيز بدون الهاى تحكم طاره البيز بدون الهاى زينون اصلى ماعدا 2006 البيزبدون كاسيت الهاى اعلى من البيز الهاى ستائر خلفيه البيز بدون (الفروق تجهيزات )
وايه اخبار اسعار قطع الغيار و الصيانات..و لازم تعمل الصيانة في التوكيل أو أي مركز صيانة عادي؟
قطع الغيار غاليه بس معمره كعاده الاوروبى الصيانات يفضل مركز خدمه الناس تكون مجرباه وثقه
و ايه مميزات و عيوب السيارة دي ؟ وهل فيه مشاكل في الفتيس مثلا؟ او واطية؟ او سحبها وحش؟ او مش تنفع في الزحمة في مصر؟
مميزاتها ثبات وفرامل وامان رائع عيوبها لو اهملت الصيانات هتزعلك جدا ومشكله الفتيس مش هتلاقيها لو الزيت متغير على 60 الف ولو متغيرش هتبدأ مشاكله وهى النتش او الرزع من ناحيه السحب هى كاغلب الاوروبى طلعتها ضعيفه شويه لكن شد وسحب ماشاء الله غول بجد ارتفاعها عن الارض ممتاز جدا فى الوكيل واطيه شويه فى الخليجى من ناحيه الزحمه !!!! احنا بنمشى في الزحمه ومفيش اى مشكله :) اعذرنى الاستفسار غريب شويه
التكييف اخباره ايه؟
عن نفسى ماينفعش اشغله اكتر من شرطتين وناس كتير بتقول هو مش زى اليابانى معرفش اليابانى بيعمل تلج ولا ايه لكن عن نفسى شرطتين وابدأ اقلق من البرد
و تنصحوني بأي فئة؟

الهاى لاين طبعا
شكرا مقدما على النصيحة

تحت امرك وفى خدمتك
الرد فى الاقتباس