عاوز أجيب دينامو للشاهين ... اجيب ايه ؟

**Theredbaron** · 10-11-2013 03:03 PM

السلام عليكم,
انا كنت كتبت الموضوع في قسم ورشة الكهرباء بس ملقتش ردود فقلت احطه في قسم الفيات اكيد هلاقي ألف مين يدلني ان شاء الله.

انا دلوقتي عاوز اجيب دينامو للشاهين موديل ٢٠٠١ لأني حاسس ان كهرباء العربية ضعيفة اوي, يعني لما مروحة الريداتير بتشتغل و مع المشي و الفرامل ساعات بلاقي نور الطابلوه بيرعش و بلاقي النور بتاع الفانوس بردو بيرعش مع رعشة نور الطابلوه و بردو لما اكون مشغل التكييف و اكون دايس فرامل و اكون مدي اشارة الاقي الاشارة بتقف و الاقي عداد ال rpm نزل للصفر و رجع تاني لما اشيل رجلي من على الفرامل فأنا بقول أغير الدينامو أحسن فكنت عاوز حد ينصحني ايه احسن دينامو ممكن اجيبه ؟

أنا سألت عليه في فيات ٢٠٠٠ في رمسيس قالي ب ٧٠٠ جنيه الجديد و بيطلع ٦٥ أمبير و سألت الكهربائي الي بتعامل معاه قالي ممكن اجيبلك واحد استيراد يعمل من ٤٠٠ ل ٤٥٠ جنيه بس مش عارف هو بيطلع كان أمبير, فأنا كنت عاوز أعرف في دينامو ممكن يركب للشاهين و يطلع ٩٠ أمبير مثلا ؟ لو لأ ايه الانواع الي ممكن اشتريها ؟

يا ريت اي حد مر بتجربة تغيير الدينامو يدخل يفيدني.

و ألف شكر مقدما.

**akmm** · 10-11-2013 03:28 PM

انا متابع مع حضرتك وياريت كنت اعرف بالضبط كنت هدلك ... عموما الاعضاء مش هيبخلوا عليك بالراى تابع الردود .

**mbx4e** · 10-11-2013 08:18 PM

غيرت السير ؟؟هو اكهربائي قالك دي مشكله دينمو ؟؟؟ دا انت ممكن تغير له الطبق وتعمله كتاوت محترمه خارجي (عباره عن مقومات ومكثفات بيسموها سليكونات) كل دا بالمصنعيه مش هايعدي 150 جنيه
طبعا الجديد مافيش احسن منه
اخبار البطاريه عندك ايه ؟ الحاله ؟ النوع؟

**Theredbaron** · 10-11-2013 08:53 PM

المشاركة الأصلية كتبت بواسطة mbx4e

غيرت السير ؟؟هو اكهربائي قالك دي مشكله دينمو ؟؟؟ دا انت ممكن تغير له الطبق وتعمله كتاوت محترمه خارجي (عباره عن مقومات ومكثفات بيسموها سليكونات) كل دا بالمصنعيه مش هايعدي 150 جنيه
طبعا الجديد مافيش احسن منه
اخبار البطاريه عندك ايه ؟ الحاله ؟ النوع؟

اه لسه مغير سير الدينامو امبارح بنوع اسمه Dayco. و الكهربائي قالي ان الكتاوت بتاعة الدينامو تعبانة و يستحسن انك تغير الدينامو كله بس ممكن يكون قالي الكلمتين دول عشان يعمل مصلحة عليا على اساس ان هيجيبلي الدينامو الاستيراد.

أما بالنسبة للبطارية فهي جافة ٥٥ أمبير و جايبها من سنة و ماركة MARCHITELLI

بالنسبة للدينامو الجديد فهو ٦٥ أمبير فأنا شايف انه الأمبير بتاعه قليل و مش هينفع معايا خصوصا اني عندي تكييف و هركب CD Player قريب ان شاء الله

**Theredbaron** · 13-11-2013 10:44 AM

هو انا دلوقتي بفكر أجيب الجديد بيطلع ٦٥ أمبير خصوصا انه هو الي بيركب في ال ١٦٠٠ و لحادة دلوقتي مشفتش و لا شاهين ١٦٠٠ كهربتها وحشة.
السؤال هنا تفتكروا ال ٦٥ أمبير هيكفوا احتياجات العربية من تكييف و أنوار و عدة صوت لو ركبت ؟