حاجه غريبة فى المخالفات

**mrghost** · 11-11-2013 07:10 AM

السﻻم عليكم ورحمة الله وبركاته
امبارح بشوف المخالفات ع النت ﻻقيت مخالفة رادار على المحور بتاريخ 15-10-2012
مع انى جددت الرخصه فى 5-2013 ومكانش عليها مخالفات ده معناه ايه
ممكن المخالفه تقعد 7 شهور ومتكونش راحت المرور؟

**ahmedeg1** · 11-11-2013 07:51 AM

ممكن تقعد سنه و تروح المرور ادفع يا جاميل او اعمل تظلم دلوقتى و تابعه

**Msanad** · 11-11-2013 09:28 AM

عادى جدا - واحد زميلى رايح يجدد - لقى مخالفات من 2007 كان هيطنطط مع انه شارى العربية من واحد وناقل ملكية ومسدد مخالفات قبل كده :)))

**akmm** · 11-11-2013 09:46 AM

المخالفات بتيجى وقت ماتيجى وبتكون انت متاكد من انك لاعلاقه لك بها من قريب او بعيد الا من رقم عربيه سيادتك ... ومهما قلت وحاولت فى النهايه هتدفع .......... ولو حد قدر يلغى او يثبت انه شال المخالفه بعد التظلم يقول لنا ؟

**Silent~Dream** · 11-11-2013 09:53 AM

لو متاكد ان مفيش حاجه اعمل تظلم لو فعلا فيه مخالفه يبقى امرك الى الله هى بس اتاخرت شويه

**john55** · 11-11-2013 11:47 AM

اعمل تظلم جايز تنفع وشكرا

**mrghost** · 11-11-2013 12:19 PM

هو انا فﻻ كنت بمشى ع المحور الفتره دى بصراحه بس الفكرة انى لما رخصت فى شهر 5 اللى فات اطمنت عموما خير والحمد لله

**egyption2012** · 11-11-2013 12:44 PM

خلاصة الموضوع ..
المخالفات كانت محفوظة بشكل ما خلال العام الماضي او ما قبل ذلك ايضا
من باب اقفل حنفية فلوس المخالفات عن الحكومة السابقة من قبل وزارة الداخلية
دلوقتي الحكومة محتاجة اي فلوس وبأي شكل
يبقى نشغل المخالفات شوية ونجيب المخالفات القديمة والتي لم تكن سجلت بعد

**mmahdy90** · 11-11-2013 01:24 PM

كل شيء فى بلدنا عااااااادي.
انا كنت بجدد الرخصة الاسبوع قبل الماصي لقيت مخالفات ب 215 جنية عبارة عن موبايل و حزام ..... قلت ماشي يمكن ده حصل مني. الظريف وانا بدفع المخالفة اكتشفت انها فى الاقصر مع انى عمري اصﻻ مادخلت طريق الصعيد و ﻻ عمري اعرف طريق الاقصر اصﻻ.
لما قلت الكﻻم ده للموظف قالى ادفع اسهلك من اجرائات التظلم و حسب مزاج وكيل النيابة واحمد ربنا انها خفيفة :-) المهم انا حمدت ربنا ودفعت زي الباشا و على فكرة دي مش اول مرة تحصلى لانها حصلت معايا بس فى العربية القديمة و بعد ما اشتريتها بكام شهر رحت ارخص قالوالي العربيه عليها قضية فى نيابة االنطرون و موقوفة و انت اصﻻ ماشي بيها ازاي؟؟
رحت نيابة النطرون لقيت الرقم غلط. قلت الحمد لله.. قالولى الرقم مش كبير ممكن تدفعة و نديك مخالصة و تسير السيارة يا اما تلف السبع لفات علشان تثبت ان الرقم خطأ و بردة دفعت و رجلي فوق رقبتى