الحمد لله تركيب عدسات ل فيكى (فيرنتى العزيزه)

**haysam2000** · 11-11-2013 05:50 PM

مساء الفل يا شباب هونضاى

و بالذات الفيرنا
اخيرا بعد مشاركه الأخ احمد شهدى من حوالى سنتين و اكتر طلع فى دماغى انى اركب عدسات فى العربيه , و اخيرا عملته , انا دورت و دورت كل اللى بلاقيه عدسات اللمض بتعتها قليله زى D2S و طبعا مصادر مش موثوق فيها (بياع تحت السلم و واحد من غير ضمان) قولت ايه انا اريح نفسى و اختار براحتى قمت داخل على ebay و عملت لنفسى حساب و قلت اطلب العدسات من هنا و انا بدور لاقيت ان فى عدسات من غير Angle or eagle eye انا بصراحه بعترف بموضوع الرينجات للبى ام انما حاجه تانيه لآ, قمت طالب طقم عدسات Mini bi-xenone علشان الفيرنا عالى و واطى فى نفس اللمبه ف العدسات Bi-xenon دى هى اللى بتقلب الأضاءه و طلبت لمبتين H1 اللى اخترت العدسات بتشغلهم عشلان لو اتحرقو لا قدر الله اقدر اغيرهم بسهولك و دى صور ليهم

الأول نقول بسم الله ما شاء الله تبارك الله

هبداء بصور للعدسه اللى بصراحه الحمد لله طلعت رائعه

و دى الملحقات اللى معاها علشان التثبيت و هنشوف ازاى

و دى بقى صور اللمبات

نيجى بقى للتركيب
اولا انا وديت الفانوس لحد بتاع فوانيس علشان يفك الباغه من الفانوس علشان الفرن اللى عندى انا مش ضمنه ف ممكن ادخلهم اسيح السيليكون يخلصو فى صينيه
ود يتهم اتفكو و الراجل لهف 50 جنيه و اخدتهم على البيت علشان اركب العدسات

و ده شكل الفانوس بعد الفك

هنركب العدسه من الوش كده

و نركب من ضهرها القاعده بتاع ال H4 اللى جايه معاها

و نربط على ضهرها بالصاموله بتاعتها (نشد جامد لحد ما صوابعنا تورم

علشان تطمن انها مش هتههز و انت سايق

و بعدين نركب قاعده اللمبه ال H1 و نربط مساميرها كويس

و بعدين نركب اللمبه و نقفل عليها اللوك المخصوص اللى جاى مع العدسه

و ده الشكل بعد تركيبها

و بعدين الجزء اللى محتاج تركيز انك تسخن السيليكون كويس جدا بالسشوار او هوت اير علشان السيليكون يطرى و تقدر تكبس الباغه تانى

و تضغط كويس جدا لحد ما تختفى الفراغات بين الباغه و الفانوس علسان ميدخلش مياه و تلاقيه مشبر

و ده الشكل النهائى

و ده شكلهم على العربيه

و دى الأضاءه على الصحراوى و عارف ان الصورة مش واضحه بس كان قصدى ابين انى ماشى فى الحاره اللى فى النص و الحمد لله منور من السور اليمين للسور الشمال

و دى الأضاءه الوسط فى شارع ضيق

و اى استفسار انا تحت امركوا .

تم تعديل حجم الصور ليتناسب مع الموضوع .

1:20 AM
2013/11/27
3ب

**Mo.Kareem** · 11-11-2013 06:34 PM

بسم الله ماشاء الله ، ربنا يباركلك فيهم ، المهم بقى التكلفة الاجمالية كام ؟

**abdulkhaleq** · 11-11-2013 06:46 PM

والله برافو عليك
احييك على شغلك بايدك

**topman_2m** · 11-11-2013 06:56 PM

ياريت تقولنا الموضوع دا كله اتكلف كام وياريت بالتفصيل .....علشان نستفيد من حضرتك

**monamize4** · 11-11-2013 07:21 PM

ما شاء الله شغل ممتاز و كدة الاضائة تمام

الصراحة الفيرنا من العربيات اللى بتخنقنى بالنور بتاعها
لما يبقى جاى ف المقابل عربية فيرنا ,, النور بتاعها بيضرب ف وشى
و ف كل الاتجاهات ماعدا الاتجاه الطبيعى اللى كان المفروض تنوره (الاسفلت)

و سبحان الله ,, لما تيجى تسوقها تلاقى الفوانيس مش منوره كام متر لقدام

**J A G U A R** · 11-11-2013 07:23 PM

جميل ما شاء الله

**haysam2000** · 11-11-2013 08:00 PM

المشاركة الأصلية كتبت بواسطة ayam7

برافو عليك والله شغل تمام عاشت ايدك
بس سؤال هو انت بتسخن السيليكون ليه هو مش السيليكون جديد ولا انت بتشتغل على السيليكون الباقى فى تجويف وش الفانوس

اولا ربنا يخليك,
ثانيا انا فكيت الفانوس بالتسخين على سيليكون الفبريكه بتاعه و كذلك العكس بسخن سيليكون الفبريكه محططش سيليكون تانى

المشاركة الأصلية كتبت بواسطة cdkareem

بسم الله ماشاء الله ، ربنا يباركلك فيهم ، المهم بقى التكلفة الاجمالية كام ؟

يا رب, 550 جنيه بالشحن و الجمارك و اللذى منه

المشاركة الأصلية كتبت بواسطة abdulkhaleq

والله برافو عليك
احييك على شغلك بايدك

تسلم يا عبد الخالق باشا

المشاركة الأصلية كتبت بواسطة topman_2m

ياريت تقولنا الموضوع دا كله اتكلف كام وياريت بالتفصيل .....علشان نستفيد من حضرتك

تقريبا 550 جندى

المشاركة الأصلية كتبت بواسطة monamize4

ما شاء الله شغل ممتاز و كدة الاضائة تمام

الصراحة الفيرنا من العربيات اللى بتخنقنى بالنور بتاعها
لما يبقى جاى ف المقابل عربية فيرنا ,, النور بتاعها بيضرب ف وشى

و ف كل الاتجاهات ماعدا الاتجاه الطبيعى اللى كان المفروض تنوره (الاسفلت)

و سبحان الله ,, لما تيجى تسوقها تلاقى الفوانيس مش منوره كام متر لقدام

المشاركة الأصلية كتبت بواسطة j a g u a r

جميل ما شاء الله

ربنا يخليك يا باشا , بس والله انا كنت مركب زينون و كنت بشوف كويس جدا الحمد لله بس انا اتكلفت ده كله علشان انا عندى حساسيه من الأضاءه المباشرة و ركبت العدسات علشان محدش يرعشلى علشان اقفل النور , لا انا شايف و من غير ما اضايق حدو مش بقفل الزينون باليل دلوقت غير لما ابطل العربيه