الموضوع: تغيير زجاج صني 2008

السلام عليكم
عربيتي صني 2008 الزجاج بتاعها بقى شوارع اولا من الاختراع المهبب اللي المصريين بيتباهوا بيه الفوطه الزفت الزفره بتاعت البواب الازاز كان كله دواير بطريقه غبيه لدرجه اني كنت خلاص مبشوفش منه حاجه بليل مع النور غيره انه كان في شرخ ملحوم واخر غير ملحوم واخير نزلت في يوم تحت البيت لقيت الازاز من اول المرايه اللي في النصف مشروخ بغباء وطالع منه خطوط كتير الموضوع ده بقاله فتره ولان الرخصه انتهت وهجدد قلت اغيره بالمره بالرغم ان احد شباب وزاره الداخليه عرض عليه يجي معايا المرور ويعديني من الفحص من غير فحص اصلا بس انا قلت له ياعم الحج انا هغيره ليه انا وطالما كده كده هغيره يبقى مش فارقه
وقد كان توكلت على الله ونزلت لواحد قديم بتاع زجاج عندي هنا اتعاملت معه في عربيتي القديمه كذذا مره وقلت له عاوز اغير الازاز يا عمده (ده اسم الشهره) قالي من عينيا ياباشا وهوب راح فاكك الازاز القديم وقالي في نوعن ازاز واحد ب 320 قالي ده اكتوبر وقالي في جريش بتاعها و 3 طبقات وبتاع 2010 اللي هو فيه شماسه فوق المرايا ب 380 بالتركيب قلت له اعمل الصح يا حزلقوم قالي يبقى خود جريش قلت له توكل على الله وفعلا غيره ولزقلي المرايا وركنت العربيه من العصر لبكره عشان يثبت كويس
انا بصراحه ما لفتش عليه يعني معرفش ده عر كويس ولا غالي ولا رخيص بس صراحه فرق بين الزاز الجديد والقديم تحس ان العربيه نضفت ومسكت البواب قلت له ابععععععععععععععد عن ام الازاز يا عم محمد الله يخليك وربنا يسترها

الله يبارك فيك ياباشا