الموضوع: محتاج مساعدتكم ضرورى علشان رايح أخلص فى البايك بكره

ايه يارجاله 40 مشاهده ومفيش ولا واحد منكوا اشترى بايك قبل كده ولا حد يقدر يفيدنى

هل ينفع لو إشتريت بتوكيل علشان أستفاد من المده الباقيه للرخصيه الساريه إنه يلغى الوتوكيل وأكنه مباعش ليا؟ا
وكمان هوه أنا لو حبيت أنقل الرخصه بإسمى وأعمل عقد مسجل لازم أجيب اللى إشتريت مننه ولا خلاص مش محتاجه
ياريت ياجماعه الرد للأهميه.
خير الناس أنفعهم للناس

المشاركة الأصلية كتبت بواسطة dxt

لو عايز تستفاد بمدة الرخصة حتعملو عقد بيع فى الشهر العقارى وانت متمضيش عليه
وطبعا خليه يجبلك شهادة المخالفات

أشكرك جدآ ياصاحبى على اهتمامك بالرد
لكن لى استفسار بسيط يعنى هنعمل توكيل وهنكتب فيه حق البيع للنفس وللغير والتعامل مع المرور والجهات الحكوميه.ولا يجوز إلإلغاء إلا بحضور الطرفين.
ولا عقد مسجل أصلى سمعت كتير حوار متمضيش عالعقد دى فمش فاهم معناها وده هيثبت ملكيتى ازاى وهمضى عليه امتى وهمشى بيه زى التوكيل ازاى
آسف للإطاله وبشكرك مره تانيه

المشاركة الأصلية كتبت بواسطة malibu

تتاكد ان الورق سليم
تستلم البايك و تدفع الفلوس المتفق عليها و يتبقى جزء صغير بعد التسجيل
تاخد منه عقد بيع مسجل فى الشهر العقارى + الرخصه+ شهاده مخالفات و تسلمه باقى المبلغ

و الافضل انك تحول الرخصه باسمك و هتستفيد برضو بباقى المده اللى فيها
الضريبه و تأمين اللوحات هو دفعها
تروح المرور بتاعك تفحص و تنقل ملكيه و هتدفع فلوس النماذج و الاوراق بس

أشكرك للمتابعه بس الرخصه ياباشا لسه فيها سنتين
لو عملت عقد مسجل هدفع من تانى كل المصاريف دى
هوه طبعآ أضمن لكن كتير بيقولى اشترى بتوكيل وهنكتب فيه حق البيع للنفس وللغير والتعامل مع المرور والجهات الحكوميه.ولا يجوز إلإلغاء إلا بحضور الطرفين.
ولا عقد مسجل أصلى سمعت كتير حوار متمضيش عالعقد دى فمش فاهم معناها وده هيثبت ملكيتى ازاى وهمضى عليه امتى وهمشى بيه زى التوكيل ازاى
آسف للإطاله وبشكرك مره تانيه

باختصار
لزم تكشف على البايك كويس قوى عند ميكانيكى محترم او فى التوكيل احسن و تجربه بنفسك لو بتعرف تسوق
بالنسبه للورق لزم يجيب لك شهاده مخالفات و يكون الرخصه باسمه او معاه توكيل او عقد مسجل من الى الرخصه باسمه
الشراء
عن نفسى افضل عقد مسجل فى الشهر العقاري و متمضيش مشتري عشان متلزمش بنقل الرخصه باسمك فى خلال شهر

و لو محتاج اى نصيح ابعت لى على الخاص او كملنى تحت امرك فى اى وقت

الحمد لله يارجاله ربنا كرمنى وخلصت النهارده وعملت عقد مسجل وبشكركم جميعآ بس الغريب إنى ممسكتش قلم أصلآ يعنى ولا مضيت عالعقد ولا مضيت حتى فى الدفتر اللى قدام الموظفه ولا مضيت فى أى حاجه . بخلاف البائع كان بيمضى يعنى على كده كان ممكن هوه يعمله لوحده مثلآ يعنى من غير ماروح
فهل عدم إمضائى على أى شىء نهائى ده كده تمام
وأشكركم مره تانيه عالمساعده الجميله من أحلى أعضاء