الموضوع: موضوع هام لزم التنويه عنه ..

السلام عليكم ورحمه الله وبركاته..
معظمنا لما بيودي العربيه للمغسله عامل المغسله احيانا بينفض التراب اللي جوه العربيه بالهوا المضغوط..ده غلط , ليه؟؟؟
التراب ده والرمل اللي بيبقي في الدواسات بيطير ويلزق في حاجتين لاحظتهم ..
-صليبه الدركسيون وطبعا بيتقل حركتها ويبوظها وحصل ده في عربيه زميلنا نبيل الاسترا
-اويل سيل الاسكاترا العلوي اللي تحت صليبه الدركسيون وده حصل معايا شخصيا مؤخرا
والاويل سايل بيرشح زيت واكتشفت ان السبب هو الرمل والتراب اللي تراكم فوقه مع حركه
عمود الاسكاترا الاويل سيل بيبوظ..
-اكتشفت الحل متاخر..
++ الكلام بالنسبه للفيكترا بي.
بص علي المكان كويس اللي فيه الصليبه (تحت قطمه الدركسيون بين الدواسات) نظفه كويس جدا من غير ماتوقع رمل علي اويل سايل الاسكاترا ..لف حوالين الاويل سايل حته سفنج رقيقه تحيط به وتحميه من اي تراب يقع عليه من فوق واضغط عليها لتحت لتثبيتها...
معلش الموضوع من غير صور المره دي . يارب تكون الامور واضحه..